Тәрбие сағаты. 3б-сынып. Тақырыбы: «Ал, қанекей, аналар!»

Тақырыбы: «Ал,қанекей,аналар!»

Мақсаты: Дүниедегі жақсылық атаулының бәрі күннің нұрынан,ананың мейірімінен тарайтынын ұғындыру.Аналар мерекесіне орай аналар,ұстаздар мен қыздарға құрмет көрсету.Мейірімділікке,аналардың өлшеусіз еңбегін бағалай білуге үйрету.

Көрнекіліктер:газеттер,қанатты сөздер,интерактивті тақта,гүлдер т.б.

Барысы: I.Ұйымдастыру бөлімі. Құттықтау сөз. Мұғалім:Құрметті аналар,ұстаздар,қыз-қызғалдақтар! Көктемнің алғашқы мерекесі Аналар мейрамы құтты болсын!Әр жанұяға тыныштық,денсаулық,амандық тілейміз!Бүгін бізде үлкен мереке.Аналарымыз бүгін бізге өз өнерлерін көрсетпекші.Сіздердің назарларыңызға «Ал,қанекей,аналар!»сайысын ұсынамыз. 1-жүргізуші:Ана деген-жүректегі асыл ән, «Ана-бақыт» деген сөзге қосылам. 2-жүргізуші:Анаға арнап айта берсең сөз жетпес, Ол дегенің-өмірдегі асыл жан! 1-жүргізуші:Шырылдап жерге түскеннен-ақ біздің ең бір жақынымыз 2-жүргізуші:Ең бір досымыз. 1-жүргізуші:Ең бір ұстазымыз Бірге: Ол-Ана. 2-жүргізуші:Ол біз үшін бәрінен қымбат. 1-жүргізуші:Сондықтан біз бір-ақ жанды білеміз. Бірге:Ол-Ана. 1-жүргізуші:Біз ғана емес, Қадір тұтқан балалар Аналардан туған небір даналар. Ана деген-тіршіліктің тірегі. Армысыздар,қасиетті аналар. 2-жүргізуші:Бақытты ғой шынында Анасымен балалар. Құтты болсын мереке, Аман болсын аналар. 1-жүргізуші:Қуанышқа бөленетін халықпыз, Ана сыйлау-дәстүріміз,салтымыз. Жыл құсындай әр көктемде келетін Құтты болсын 8-наурызымыз! 2-жүргізуші:Тоймайды көзің сірә,қарағанмен, Жетпейді бағаң жақсы санағанмен. Бұл кеште үндестірер сезімдерді, Шырқалсын,би биленсін,қазақ әнмен. 1-жүргізуші:Армысың жүзі игі,барлық халқым, Сақтаған саф алтындай озық салтын. Сеземін бүгінгі күн жүректерде, Үміттің ұшқыны бар жүзі жарқын. 2-жүргізуші:Бұрынғы күндеріңнен өзге бүгін, Сеземін жүректерде таппас тыным. Аналарымыз келеді ортамызға, Баға бер,тамашалап өнерлерін. 1-жүргізуші:Мың бұралған аналар аңдап басып, Келеді міне ортаға толқып,тасып. Аналарын сыйлаған халқым менің, Көңілді қошеметпен қарсы алайық!

2-жүргізуші: Ортаға «Қызғалдақ» тобының аналарын шақырайық!Қол соғып,қошеметпен қарсы алайық! 1-жүргізуші:Ортаға «Бәйшешек» тобының аналарын шақырайық!Қол соғып,қошеметпен қарсы алайық! 2-жүргізуші: Өнерпаздар өнерін салыстырып,
Бәйге үшін терлетер шабыстырып.
Әділдікті қолдайтын баға беріп,
Жіберейік қазыларды таныстырап.

Бүгінгі сайыстың әділ бағасын беріп, жеңімпазын анықтайтын әдіқазылар алқасымен таныс болыңыздар. Қазылар алқасы: 1.Бақтиярова Роза 2.Қайралапин Тұрар 3.Шакибаева Райгүл 1-жүргізуші: Аналар бар өнерін салары анық,
Өнегелі тәлімді алған қанып.
Ал ендеше таныстырып өтейін мен,
Бөлімдерін сайыстың бөліп жарып.
Сайыс бағдарламасы 6 бөлімнен тұрады: 1.Таныстыру. (әр топ өздерін таныстырады,газет,эмблема) 2. «Білекті бірді жығар,білімді мыңды жығар» (сұрақ-жауап) 3. «Ата салтым-асыл мұрам» (салт-дәстүрден көрініс көрсету) 4. «Өнерлі өрге жүзер» (өнер көрсету) 5. «Ас-адамның арқауы» 6.Ойын: «Кім шапшаң?» 2-жүргізуші: Сайысымыздың алғашқы бөлімі «Таныстыруға» кезек берейік.
Өнер қуып аналар өтер дейміз,
Бір басына өнері жетер дейміз.
Сайысқа түскен аналар кезектесіп,
Өздерін таныстырып өтер дейміз. (Әр топ өздерін таныстырады) 1-жүргізуші: Ардақты анам,асыл анам,қымбаттым, Тәтті ұйқыңды талай бөліп үн қаттың. Әлпештедің,аяладың,өсірдің, Кең құшағың аясындай гүл бақтың. 2-жүргізуші: Мен өзіңмен қайда жүрсем біргемін, Күн нұрындай жадырай бір күлгенің. Асыл сөзің жүрегімде жүр менің, Қандай бақыт ортамызда жүргенің. 1-жүргізуші: «Таныстыру» кезеңінің бағасын берсеңіздер. «Қызғалдақ» тобының бағасы «Бәйшешек» тобының бағасы 2-жүргізуші: Өзінің алғырлығын ұғындырып,
Көрсетер көп іздеген мығым қылық,
Келесі бұл сайыстың жоспарында, Түседі бәйгеге білімділік - дегендей келесі кезең «Білекті бірді жығар,білімді мыңды жығар» кезеңі. Сұрақтар. «Қызғалдақ» тобы «Бәйшешек» тобы 1.Қағаз дайындауға қажетті шикізат(ағаш) 1.Мата қалдықтарынан тігілетін бұйым(құрақ) 2.Астың пісуіне байланысты ұлттық уақыт 2.Қазақтың ертедегі кәсібін ата(малшы,емші, өлшемі(сүт пісірім,ет асым,шай қайнатым) ұста,бақсы,саудагер,тігінші) 3.30 ақпанда не болады?(ештеңе) 3.Күн мен түн немен аяқталады?(н) 4.Ерулік деген не?(жаңадан көшіп келгендерге 4.Сыбаға деген не?(сыйлы қонақтарға қысқы берілетін сыбағалы тамақ) соғымнан ауыз тигізу) 5.Орнынан қозғалмай жүретін не?(сағат) 5.Құрғақ тас қайда болмайды?(суда) 6.Байғазы деген не?(жаңа киім үшін 6.Көрімдік деген не? (көрімдік жаны бар берілетін сый. дүниеге беріледі) 7. Абай атамыз айтқан 5 асыл қасиет не? 7.Абай атамыз айтқан 5 дұшпанды ата. (талап,еңбек,терең ой,қанағат,рақым) (өсек,өтірік,мақтаншақ,еріншек, мал шашпақ) 8.Тиіп кетсе жылаған, 8.Бір итім бар қабаған, Даусы көпке ұнаған.(домбыра) Аузына темір жалаған.(сандық) 9.Адамды жалықтырып еріншектікке 9.Салат қандай тағамға жатады? (суық тағам) итеретін құбылыс(жалқаулық) 10.Торта деген не? (сары майдың тұнбасы) 10.Қор деген не?(ашыған айран) 1-жүргізуші: Ән: «Бала тілегі» 2-жүргізуші: «Білекті бірді жығар,білімді мыңды жығар» кезеңінің бағасын берсеңіздер. «Қызғалдақ» тобының бағасы «Бәйшешек» тобының бағасы 1-жүргізуші: Ата салтым - асыл мұрам, ардағым,
Бабалардың жалғастырар арманын.
Сан ғасырда қалпын бұзбас қадірім,
Өткенімді бүгінменен жалғадым.
2 - жүргізуші:
Қазағымның салт - дәстүрі жаңғырған,
Тәлімді ой сынағы, тәрбие көзі қалдырған.
Салт - дәстүрді ардақтайық, ағайын.
Қазақ атты үлкен, кіші, балдырған. 1-жүргізуші: Келесі «Ата салтым- асыл мұрам» кезеңі (салт-дәстүрден көрініс көрсету) 2-жүргізуші: Жолың болсын деселік
Жолыңа нұр төселік
Жарылқасын алдыңнан
Тұсауыңды кеселік- деп «Қызғалдақ» тобының аналары тұсау кесу рәсімін көрсетеді. 1-жүргізуші: Анам мені тербетіп,
Өсіп кеттім ержетіп.
Сол бесігім үйімде
Сақтаулы тұр төрімде-деп «Бәйшешек» тобының аналары бесікке салу рәсімін көрсетеді. Өзбек биі. 2-жүргізуші: «Ата салтым -асыл мұрам» кезеңінің бағасын берсеңіздер. «Қызғалдақ» тобының бағасы «Бәйшешек» тобының бағасы 1-жүргізуші: Анасыздар, әр үйге панасыздар,
Бала десе от болып жанасыздар.
Сәтті басса ұрпағың, - мерей тасып,
Қыз күлкісін сусын қып, қанасыздар. 2-жүргізуші: Анасыздар - Ақ Еділ, Жайықсыздар-
Жүзе алмайды өтінде қайықсыздар.
Маздататын, жүректе от лаулататын,
Әр үйдің Күні десе, - лайықсыздар. 1-жүргізуші: Абай атамыздың сөзімен айтқанда
«Құлақтан кіріп бойды алар,
Тәтті ән мен әсем күй.
Көңілге түрлі ой салар,
Әнді сүйсең менше сүй»- келесі кезекті өнер сайысына береміз. (аналар өнер көрсетеді) 2-жүргізуші: Ас көңілдің ажары деген ырым, Жақсы ғой тағамның да білген сырын. Көрсетсін келесі сәт сайыскерлер, Дайындаған жаңашыл салат түрін. Аналарымыздың тағам дайындау жағынан сыналар уақыты да келіп жетті. Іске сәт,аналар! Оқушылар тақпақтарын айтады. 1-жүргізуші: «Өнерлі өрге жүзер» кезеңінің бағасын берсеңіздер. «Қызғалдақ» тобының бағасы «Бәйшешек» тобының бағасы Ән: «Апам үшін» 2-жүргізуші: «Ас-адамның арқауы» кезеңінің бағасын берсеңіздер. Қызғалдақ» тобының бағасы «Бәйшешек» тобының бағасы 1-жүргізуші: Біз сіздерсіз тіршілік ете алмаймыз.
Дегенге де сіздерсіз жете алмаймыз.
Айнала ұшып сіздерді көбелек боп,
Өртеніп қастарыңнан кете алмаймыз. 2-жүргізуші: Маған қымбат жан жоқ сірә анадан
Бар жақсылық аналардан таралған.
Жер бетіне өмір нәрін себуші
Ана алдында борышты ғой бар адам. 1-жүргізуші:Келесі кезеңде аналарымыздың шапшаңдықтарын анықтаймыз. Ойын: «Кім шапшаң?» Жастар биі. 2-жүргізуші: «Кім шапшаң?» кезеңінің бағасын берсеңіздер. «Қызғалдақ» тобының бағасы «Бәйшешек» тобының бағасы 1-жүргізуші: Аналарды ардақтаймыз мәңгілік, Сіздер үшін жыр жазамыз ән қылып. Барлық ана қамқор болған балаға, Құрметтемей аналарды болар ма? 2-жүргізуші: Ер жеткізіп,елге берген баласын, Ақылдысың,ардақтысың,данасың. Қарайтыным қас-қабағың бір сенің Қайратыңнан қайта көрме,анашым. 1-жүргізуші: Сайысы аналардың, Жақын қалды мәреге. Шақырайық ортаға, Әділқазыны ағайын. Жеңімпаздарды марапаттау. Қыз балаларға сыйлықтар табыс ету. 2-жүргізуші: Құрметті аналар,ұстаздар,қыз балалар!Мерекелеріңіз құтты болсын!Сіздерге көп-көп рахмет!Өнерлеріңіз өрге жүзсін! Осымен «Ал,қанекей,аналар!» сайысы аяқталды. Уақыттарыңызды бөліп келіп тамашалағандарыңызға көп-көп рахмет!

Ембі қалалық №3 орта мектеп

«Ал,қанекей,аналар!»

3^б-сынып

Мұғалім: Жакешева Г.Т.

2014-2015 оқу жылы