«Қоршаған ортаны қорғау – парыз»

Мемлекеттік мекеме

№23 орта мектеп

Тақырыбы:

«Қоршаған ортаны қорғау - парыз»

Сыныбы: 3 «А»

Мұғалім: Катиева Балнұр Даулетқызы

Боралдай кенті

Сабақтың тақырыбы: «Қоршаған ортаны қорғау - парыз»

Сабақтың мақсаты:

1. Өзіндік ой-пікірін дәйекті, жүйелі айта білуге, ұтымды, шешен сөйлеуге баулу, топта жұмыс істеу арқылы өз ойларын ортаға салуға үйрету

2. Оқушылардың дүниетанымын кеңейту, логикалық ойлауын дамыту, тілін жетілдіру

3. Сыныптағы өзара ынтымақтастықты нығайту, достыққа, табиғатты аялауға тәрбиелеу

Көрнекілігі: слайд, нақыл сөздер, плакаттар

Әдіс-тәсілдері: сұрақ-жауап, топтық, диалог,сто

Сабақтың барысы:

І. Ұйымдастыру

1. Оқушыларды топқа бөлу (Сандар арқылы 1-2-3-4)

Әр топқа отырғызу, топ басшысын сайлау, топ ережесін еске түсіру

2. Психологиялық ахуал орнату

«Ғажайып бақ» оқушыларға қағаз тарату, ұнайтын гүлді елестету суретін салдыру, тақтаға әкеліп ілдіру.

• Бағымыз қалай шықты. Бір - бірімізді қайталамай әдемі сөздер айтайық!

• Қандай әсер алдық?

• Балалар, барлықтарың осы гүлдер сияқты әдемі болып отырсыңдар! Бүгінгі сабағымыз осылай әдемі, көңілді өтеді деген сеніммен сабағымызды бастайық!

3.Сабақ мақсатын айту

- Бүгінгі сабағымыздың тақырыбы «Қоршаған ортаны қорғау-парыз». Бүгінгі сабақта осы тақырыпқа байланысты тапсырмалар орындаймыз.

ІІ. Негізгі бөлім.

1. Сұрақ- жауап

• Қоршаған орта деген не? Қалай ойлайсыңдар?

• Қоршаған ортаға нелер жатады?

• Табиғат нешеге бөлінеді?

• Тірі табиғатқа нелер жатады?(Слайд көрсету)

• Өлі табиғатқа нелер жатады?

• Тірі табиғат пен өлі табиғаттың айырмашылығы неде?

2. Мұғалімнің түсіндіруі:

• Балалар барлықтарың дұрыс айтасыңдар! Қоршаған орта деген - бізді қоршаған табиғат.

Қоршаған орта, табиғат туралы слайд көрсету.

5- маусым қоршаған ортаны қорғау күні.

3. Слайд көрсету:

• Өмірдегі мұндай жағдайлар не үшін болады?

• Киік неге жылап тұр деп ойлайсыңдар?

• Бұған кім кінәлі деп ойлайсыңдар? (Қызыл кітап туралы айту)

• Балалар сендер мысалы жазда суға шомылуға, демалуға барғанда айналада қоқыс қалдырған адамдарды көрдіңдер ме?

• Оларға не айтыңдар? Не айту керек еді?

• Бұл қоршаған ортаның таза болуы өзіміз адамдар үшін керек. Сондықтан қоршаған ортаны таза ұстауға өз үлесімізді қосып жүрейік.

4. Топтық жұмыс: «Көбелек туралы аңыз»

• Болжау ағашы

• Бұдан әрі не болады?

• Аңыз немен аяқталады деп ойлайсыңдар?

(Әр топтың жауабын тыңдау) Аңыз соңын оқу

• Осыдан шығатын қорытынды қандай?

5. Топтық жұмыс постермен жұмыс. Әр топ өздері қоршаған ортаны қорғауда, көріктендіруде қандай үлес қосып жүргендерін бейнелеп салу.

(Әр топқа қорғату)

6. Әр топ табиғат, қоршаған орта туралы тыйым сөздер, мақал- мәтелер айтады, мағынасын ашу.

ІІІ. Қорытынды бөлім

• Не білдік?

• Не үйрендік?

2. Балалар бүгінгі сабағымызды мына сөзбен аяқтағым келіп тұр: «Таза табиғат- халық байлығы». Табиғатсыз адам өмір сүре алмайды, ендеше мына табиғаттың иесі сендерсіңдер. Сондықтан оны қорғайық. Жер бүкіл адамзат баласы болып қоршаған ортаның экологиялық тазалығына бір мезгіл көңіл бөлсек, өзіміздің Жер- Анамыздың алдындағы үлкен парыздың орындалғаны болар еді.

3. Кері байланыс.

Балаларға бүгінгі сабақтан алған әсерлерін, сабақ туралы ойларын жаздыру.

- Осымен бүгінгі сабағымыз аяқталды. Рақмет!