- Преподавателю
- Начальные классы
- БІЛІМ САПАСЫН АРТТЫРУДА ДЕҢГЕЙЛЕП ОҚЫТУ ТЕХНОЛОГИЯЛАРЫН ПАЙДАЛАНУ ЖОЛДАРЫ
БІЛІМ САПАСЫН АРТТЫРУДА ДЕҢГЕЙЛЕП ОҚЫТУ ТЕХНОЛОГИЯЛАРЫН ПАЙДАЛАНУ ЖОЛДАРЫ
Раздел | Начальные классы |
Класс | - |
Тип | Конспекты |
Автор | Тулеутаева Ж.Б. |
Дата | 07.01.2015 |
Формат | doc |
Изображения | Нет |
Семей қаласы "№27 жалпы орта білім беретін мектеп"КММ
бастауыш сынып мұғалімдері
Пушпакбаева Қарлығаш Капанқызы,
Тулеутаева Жанар Берыккановна
БІЛІМ САПАСЫН АРТТЫРУДА ДЕҢГЕЙЛЕП ОҚЫТУ
ТЕХНОЛОГИЯЛАРЫН ПАЙДАЛАНУ ЖОЛДАРЫ Елбасымыз Нұрсұлтан Әбішұлы Назарбаевтың «Қазақстан-2030» стратегиялық бағдарламасында білім беру жүйесінің ең басты мақсаттарының бірі - жоғары интеллектуалды жастарды жан-жақты тәрбиелеу, олардың әлеуеттік деңгейінің көтеру керектігін атап көрсеткен болатын. Қоғамымыздың қазіргі даму кезеңі мектептегі білім беру жүйесінің алдына оқыту үрдісін технологияландыру мәселесін қойып отыр. Оқытудың әр түрлі технологиялары жасалып, білім беру мекемелерінің тәжірибесіне енуде. Жаңа технологияны меңгеру оқытушының интеллектуалдық, кәсіптік, адамгершілік, рухани, азаматтық және де басқа көптеген адами келбетінің қалыптасуына игі әсерін тигізеді. Өзін-өзі дамытып, оқу-тәрбие үрдісін тиімді ұйымдастыруына көмектеседі. Бүгінде Қазақстанның білім беру мекемелеріндегі жеткіншек ұрпақтарды оқыту мен тәрбиелеу олардың бойында жеке тұлғалық қасиеттерінің жан-жақты қалыптасуымен тығыз байланысты. Бұл мәселе дүниежүзілік қауымдастықта әлеуметтік-экономикалық, мәдени және рухани дамудың басты факторы ретінде жариялануда. Білім берудің жалпы мақсаты- оқушыны дамыту, сапалы білім беру. Білім беру үрдісін ақпараттандыру және жаңа ақпараттық технологияларды пайдалану арқылы дамыта оқыту, дара тұлғаны бағыттап оқыту мақсаттарын жүзеге асыра отырып, оқу-тәрбие үрдісінің барлық деңгейлерінің тиімділігі мен сапасын жоғарлату бүгінгі күннің басты талабы болып саналады. Қазіргі кезең дамудың ақпараттық кезеңі, яғни компьютерлік техника мен оған байланысты барлық ақпараттық коммуникациялық технологиялар педагогтар қызметінің барлық салаларына кірігіп, оның табиғи ортасына айналып отыр. Оқушы қызметін активтендіру негізінде педагогикалық технологияларының бірі-деңгейлік саралау технологиясы [1]. Деңгейлеп оқыту технологиясының мақсаты: әрбір оқушы өзінің даму дең гейінде оқу материалын меңгергенін қамтамасыз етеді. Бұл технология бойынша жұмыс істеудің тиімді жақтарын айтатын болсақ: 1) әр оқушы өздігінен жұмыс істеуге дағдыланады; 2) оқушының жеке қабілеті айқындалады; 3) іштей бір-бірінен қалмауға тырысып, талпынғанын көріп риза боласыз; 4) тапсырманың күрделену деңгейіне сәйкес оқушының ойлау қабілеті артады; 5) әр бала өз деңгейіне, қабілетіне қарай бағаланады; 6) сынып оқушылары толық бағаланады және әр оқушы өзінің алатын бағасын біліп отырады (1 деңгей - "3", 2 деңгей - "4", 3 деңгей - "5"); 7) жұмыс дәптерінің соңына әр деңгейді орындағаны жайлы белгі қойып, жинаған ұпай санын оқушылар өздері жазып отырады; 8) даму мониторинге құрып, оқушының дамуын қадағалауға және ата-анасымен байланыс жасауға жеңілдік туғызады; 9) бір ғана сабақта есептің бірнеше түрін шығарады; 10) жаңа оқулықтағы тапсырмалар осы технологияға негізделіп берілген. Деңгейлік тапсырмаларды орындау окушының білік деңгейінің, оқу белсенділігі мен білімді сапалы игеруінін көрінісі. Деңгейлік тапсырмаға койылатын дидактикалық талап: Бірінші деңгей (міндетті) - окушы белгілі бір объектіге ұқсас объектіні таниды, біледі анықтайды, оны суреттей алады. Екінші деңгей - оқушы менгерген ақпаратына сүйене отырып белгілі бір жаттығуларды орындайды. Үшінші деңгей - оқушы өздігінше білім алуға кабілетті, алған білімін кез келген практикалық жұмыста колдана алады. 1) Деңгейлеп оқыту әр оқушыға өз мүмкіндіктерін пайдалана отырып, білім алуына жағдай жасауға мүмкіндік береді.
2) әр түрлі категориядағы балаларға, олармен саралай жұмыс істеуге Көп септігін тигізеді. 3) Деңгейлеп- саралап оқыту құрылымында білімді игерудің үш деңгейі қарастырылады: ең төменгі деңгей (базалық), бағдарламалық, күрделенген деңгей сондықтан әрбір оқушы меңгеруі тиіс. Деңгейліп оқыту технологиясы тиімді нәтижелі болу үшін:
- жеке тұлға ерекшеліктеріне;
- психологиялық даму ерекшеліктеріне;
- пән бойынша білімді игеру деңгейіне көңіл бөлу;
- сабақтың мазмұны;
- сабақты өткізудегі тәсілдері мен әдістерін таңдау;
- сабақтың нәтижелігі.