- Преподавателю
- Начальные классы
- Есеп. Математика
Есеп. Математика
Раздел | Начальные классы |
Класс | - |
Тип | Рабочие программы |
Автор | Жакайкызы С.-. |
Дата | 13.03.2014 |
Формат | docx |
Изображения | Есть |
Маңғыстау облысы, Түпқараған ауданы, Ақшұқыр ауылы
М.Әбдіхалықов атындағы орта мектебінің
Бастауыш сынып мұғалімі Бекоа Қалбибі Саутовна
Тақырыбы: Есеп.
Мақсаты: Қазақтың ұлттық ойындарын қолдана отырып, математика пәнінен білім беруді қызықты және ұтымды қылып атқару. Білімдерін қайталап, толықтыру.
Дамытушылық: Оқушыларды математикалық тілде сөйлету, пәнге деген қызығушылығын арттыру. Оқушылардың ауызша және жазбаша қосу, азайту дағдысын, логикалық ойлау қабілеттерін дамыту.
Тәрбиелілік: Тапсырмаларды орындау арқылы өзіндік ізденістерін қалыптастыру. Оқушылардың ой-өрісін кеңейтіп, топпен жұмыс істеуге, алған білімін өмірде қолдана білуге баулу.
Көрнекіліктер: проектор, экран, суреттер, ойындар.
Сабақтың түрі: Топтық сайыс.
Сабақтың барысы:
І. Ұйымдастыру кезеңі.
Оқушылардың сабаққа даярлығын, қатысуын шолып өту, оқу құралдарын түгелдеу. Оқушы ережесіне сай түзу отырғызу.
Сабаққа назарын аудару.
- Балалар бүгінгі математика сабағымыз жарыс түрінде өтеді. Сондықтанда екі топқа бөлінеміз
I топ «Алғырлар»
II топ «Тапқырлар»
Әр топ өздерінің топ аттарын, топ ұрандарын айтып өтеді.
Топ аты: «Алғырлар»
Ұраны: Жарыс десе жанамыз,
Бүгінгі күн жарыста алғырлықпен аламыз.
Топ аты: «Тапқырлар»
Ұраны:Қандай сынақ болса дағы беріспе
Әрқашанда үміткерміз жеңіске.
Қызығушылықтарын ояту. Ой қозғау.
Өрнектерді, теңдіктерді, тура және тура емес теңдіктерді ажыратып жаз.
(екі топтан бір оқушыдан шығару).
Сайыстың өту кезеңдері:
1 кезең: Біліміңді байқа.
2 кезең «Бәйге».
3 кезең Сен білесің бе?
4 кезең Ойлан, тап!
6 кезең Қорытындылау.
5 кезең Шығармашылық тапсырма.
1 кезең: Біліміңді байқа.
1 есеп. Есептерді салыстыр және шығар.
Ағасы 10 жаста, ал қарындасы 4 жаста. Ағасы қарындасынан неше жас үлкен?
Нені табуымыз керек?
Ағасы қарындасынан неше жас үлкенін.
Шешуі: 10-4=6
Жауабы:6 жас үлкен.
Қарындасы 4 жаста, ал ағасы одан 6 жас үлкен. Ағасы неше жаста?
Не белгісіз?
Шешуі: 4+6=10
Жауабы: 10 жаста.
2 кезең: «Бәйге».
Екі топқа да есептер беріліеді. Қай топ дұрыс, әрі бірінші шешеді?
2- есеп.
Мәні 5-ке тең болатын қосындыларды жаз.
0+5=5 3+2=5
4+1=5 1+4=5
2+3=5 5+0=5
Сергіту сәті.
Орнымыздан тұрамыз
Мойнымызды бұрамыз.
Қолымызды көтеріп,
Саусақты ашып жұмамыз.
Содан соң төмен түсіріп,
Алақанды соғамыз.
3 кезең: Сен білесің бе?
Ұзындығы 4 сантиметрден артық, бірақ 8 сантиметрден кем кесінді сыз. Неше кесінді сызуға болады?
Жауабы: 5см,6см,7 см кесінді сызу.
4 кезең:
-Балалар,мына жәндіктің аты қалай аталады?
-Өрмекші.
-Ол не істейді?
-Өрмек тоқиды.
-Ендеше, балалар, өрмекшінің өрмегіне түсіп қалған өрнектерді құтқарайық.
Ол үшін оқулықтағы 4 тапсырманы орындаймыз. Өрнектерді салыстыру.
Ойын: «Орамал тастау» ойыны.
Екі топ бір-бірлеріне орамал тастау арқылы ауызша есептерден сұрақ қойып, мәндерін тауып айту керек.
5 кезең: Шығармашылық тапсырма.
Себетте 4 алма бар. Оны 4 адамға
бір-бірден және себетте 1 алма қалатындай етіп бөлуге бола ма?
Жауабы: 1 адамда алма себетімен қалады.
Бекіту. Ойын: « Кім жылдам?»
Өрнектің мәнін табу. «Сурет бойынша орындалады).
6 кезең: Қорытындылау.
Бүгінгі жарыс сабақ сендерге ұнады ма?
Неліктен.
Қандай тапсырмалар орындадыңдар ?
Бүгінгі сабаққа жақсы қатыстындарды мадақтау.Бағалау.