- Преподавателю
- Начальные классы
- Көркем әдебиет пәнінен Менің Қазақстаным тақырыбында сабақ жоспары
Көркем әдебиет пәнінен Менің Қазақстаным тақырыбында сабақ жоспары
Раздел | Начальные классы |
Класс | - |
Тип | Конспекты |
Автор | Кайдарова С.А. |
Дата | 17.04.2015 |
Формат | docx |
Изображения | Нет |
Павлодар облысы
Май ауданы
Жұмыскер ауылы
Қазан жалпы орта білім беретін мектеп
Бастауыш сынып мұғалімі
Кайдарова Самал Амангельдиновна
Пән: Көркем әдебиет
Тақырыбы: Менің Қазақстаным
Мақсаты:
Балалардың Отан туралы түсініктерін кеңейту. Туған жерге деген сүйіспеншілік сезімдерін дамыту. Туған жерін сүюге, қадірлеуге тәрбиелеу.
Сөздік жұмыс :Отан, туған жер.
Әдіс-тәсілдер: сұрақ-жауап, әңгімелеу, көрсету.
Көрнекіліктер: Қазақстан картасы.
Сабақтың барысы:
Ұйымдастыру кезеңі.
Балалар шаттық шеңберіне тұрып, барлығы бірге қосылып айтады:
Отан деген-атамекен,
Отан деген-туған жер
Отан-ана, Отан-үлкен,
Қазақстан-туған ел!
- Отан-біздің сүйікті отбасымызбен бірге тұратын үйіміз, туған жеріміз, ауылымыз, қаламыз, айналаны қоршаған табиғатымыз. Біздің Отанымыз-Қазақстан.
- Қазақстан Республикасының астанасы қалай аталады?
- Рәміздерді атаңдар.
- Қазақстан Республикасының Президенті кім?
- Қазақстан картасын білесің бе?
- Сендер қай облыста тұрасыңдар?
Т.Молдағалиевтың «Қазақстан картасы» өлеңінің мазмұнын талдау.
Анау Жайық өзені, анау жатқан Атырау,
Бәрі сенің өз жерің, өз суларың батыр-ау,
Туған жердің тынысын ұққан орман нуымен,
Алтынды Алтай шығысың, қыран ұшқан шыңынан.
Балаларға өздері тұрып жатқан жерін картадан көрсетіп, арнайы белгілермен белгілеу.
Тыныштық сәті:
Балалар ыңғайланып отырып, табиғатты көз алдарына елестетеді. Көздерін жұмады.
- Дала табиғаты тамаша! Айнала жап-жасыл, сан алуан тамаша гүлдердің иісі аңқиды. Сайраған құстардың үні, өзеннің сарқыраған даусы естіледі. Таза ауадан терең жұтайық. Туған өлкеміздің табиғаты қандай тамаша! Көзімізді ашайық.
Сергіту сәті:
Төскейден жел еседі,
Төбемнен бұлт көшеді.
Туған жерім мен үшін,
Көк майсасын төседі.
Дидактикалық ойын: «Қай қала екенін тап»
Ойынның шарты: Ойын үшін Қазақстан картасын пайдаланмыз. Балаларға Қазақстандағы бірнеше қалалардың аттары беріледі. Картадан сол қалаларды тауып, жанына белгілерін іледі: Астана-Бәйтерек, Алматы-Қазақстан қонақүйі, т.б.
Қорытынды:
Қазақстан Республикасы -біздің сүйікті Отанымыз!
Қазақстан-өте үлкен, бай республика. «Жері байдың-елі бай».