Дешар 1овдалча берзах бола фаьлг

Раздел Начальные классы
Класс 4 класс
Тип Рабочие программы
Автор
Дата
Формат docx
Изображения Нет
For-Teacher.ru - все для учителя
Поделитесь с коллегами:


Тема: «1овдалча берзах бола фаьлг»

Урока декхараш: фаьлга чулоацам бовзийтар, из тахка хар ч1оаг1дар, шаьра деша хара болх бар, къамаьл шаьрдар, дийнаташ

деза а уж лораде дезарах а дувцар, къахетам кхебар.

Урока кхоачам: дийнатий сурташ, берий сурташ, хала дешаш улга т1а, кицаш, ховли- довзали, ребус.

Урок д1аяхьар

1. Урока теркам т1абахийтар

Гургал техар,шо 1оховш.

Дукха да шоана ца ховш.

Урока ладувг1аш даг1е,

Хьаькъал лакхлургда цхьан лаг1а. (ЦечоеваМ.И)

Дешар дешар дика да,

Берий кхетам лакхбеш да. (Цечоева М.И)

2. Ц1аг1а бе бенна болх тахкар.

а) Шаьра деша хар тахкар.

- Фу дийшар оаш ц1аг1а?

- Х1анз хьожаргда вай оаш мишта деш. (Бераш «з1анарах» деш.)

- Мишта я укх фаьлга чу борз? (Бирса, меца, говза, къиза.)

- Мишта ва къе саг? (Къахетаме, миска, сабаре, сашорта.)

- Хьанах къахет шоана? Х1ана?

- Хаттарашта жоп лел. ( Книжка т1а, оаг1ув 100.)

б) Кицаш доаладар.

- Малаг1а кицаш доаладергдар оаш укх фаьлга?

1. Берза багаиккхар дайнад.

2. Тийшаболх баьчох бода.

3. Вочоа даьча г1улакхах г1улакх хургдац.

4. Харцлувча метто корта ц1еша бизийтаб.

- Мишта хила веза дийнаташца?

в) Сурташ хьокхар.

- Фаьлга т1а дувцачох лаьца, сурт дилла аьнна, т1адуллар дар б1оалаг1ча оаг1он т1а. Хьадувцал оашош диллача суртах лаьца.

г) Фаьлг хьокх бераша.

3. Сало1а минот.

- 1ан хана геттара хала хул оакхарошта. Х1анз вай сало1аргда,

Аьсета ше кийчъяь байт а ешаш.

Лай уж чоалпаш кхесташ, хьувзаш

Шортта лаьтта лег.

К1ай а денна, б1аргаш 1увжаш,

Лайх из лаьтта къег.

Легаш йолча лай чоалпингех

Доккхий гувнаш хул.

Иштта дебаш долча гувнех

Лаьттан хьоанал ювл.

Лай чоалпингаш лаьтта лег.

Шийла, шийла мухилг хьекх.

Пхьагилг йода тувсалуш,

Лараш тувлае г1ерташ. ( М. Мержоева)

4. Кердача тема т1ара болх.

1. Урока тема йовзийтар.

- Фу хьех шоана оаш бийшача фаьлго?

(Сов тешаме ма хила. Хьайна ду дика довза, хьайна ду во а довза.)

- Сен чудоаг1аш да вай т1еххьара дийша фаьлгаш?

- Кхы фу доаг1а багахбувцама чу? (Иллеш, кицаш, ховли- довзалеш,

дагардергаш, к1оанолгаш, оаламаш, фаьлгаш.)

- Илли алал х1анз фаьлгех!

Фаьлгаш вайна дукха деза.

Фаьлгаш сакъердаме да.

Цар чулоацам тахка беза,

Лоарх1аме цар хьехар да.

- Х1анз вай бешаргба цхьаькха фаьлг. Сенах лаьца ба из вайна ховргда, ер ховли- довзали 1одеше.

Бераша шоаш деш ховли - довзали улга т1ара.

Ж1але кхоаччара гарга йолаш,

Царгаш даим иръяь йолаш,

Массахана меца я.

Хьона йовзий? Из … я.

- Берзах лаьца шоашта хов ховли-довзалеш дувцал вайна.

Яхаш я хьунаг1а. Майра, кадай, бирса я,

Саго кхоабаш яц. Хьунаг1а из яхаш я .

Тара я ж1алена, Сира ба кетара бос ,

Амма ж1али-м дац. Лел из лохаш шийна фос.

Массахана меца я ,

Пхьагалий моастаг1а я .

-1оеша фаьлга ц1и. Из вай керда тема я.

2. Берзах лаьца дувцар.

- Х1анз Жанетас дувцаргда вайна берзах лаьца. Ладувг1а, цо эрсий текста даьча таржамга.

- Вай хьунашка а ях бертий. Х1аьта, хьалхарча хана наха к1аьнка а

туллаш хиннай «Борз» аьнна ц1и. Х1ана деш хиннад из? (Из к1аьнк ,борз санна, майра, денал долаш хургволаш.)

3. Хьехархочо беш фаьлг.

- Мадина, 1одешал дошлорга т1ара мустденна яхача деша малаг1а ма1ан да. К1еззига чеш д1адаьнна, яхилга да из.

4. Фаьлга чулоацам тахкар.

-Малаг1а питам баьб цогало?

-Мишта хиннад цогал? ( Мекъа, говза, питаме, къиза.)

- Мишта хиннай борз? ( Денал долаш, низ болаш, къахетаме,

1овдала, сов тешаме, камаьрша.)

-1одеша, т1ера ди мишта хиннад берза?

- 1одеша, малаг1ча дешашца чакхбоал фаьлг?

5. Дешашцара болх.

мустъ-ен-на корзаг1ъ-яьн-най

хьал-нийсъ-ен-на хьалъ-ура-отта-яьй

къин-т1ера-дала-лахь къайла-йоал-лаш-ше

6. Юхьашца беш бераша фаьлг.

5. Керда тема ч1оаг1ъяр.

1. Кицашцара болх.

- Малаг1а кица доаг1а аьнна хет шоана берза укх шиннех?

а) Са дезе, гош хьоаде.

б) Керто болх ца бича, когаша никъ баьб.

- В1аши йистал вай дийшача шинна а фаьлгашкара бертий.

- В1аши диста цогалаш.

- Фу хьех вайна укх фаьлго?

( 1овдала ма хила, борз санна, цогал санна ма хила, кхычун низаца

хьайна пайда бе г1ерташ.)

- Хьадувца, цогалах шоашта хов ховли-довзалеш.

Моажа петар, хоза ц1ог. Питаме из аькха да,

Шевар 1ехаве цун мог. Котамашта т1ера да.

Хьунаг1а из дахаш да. Ч1оаг1а говза аькха да.

2. Ребус.

- Малаг1а дош лечкъад укх улга т1а?

- Мишта хила веза саг?

- Хьаькъал долаш хургдолаш, оаш дика а дукха а деша деза.

6. Урока кортабар.

Багахбувцам шера ба.

Фаьлгаш цун чу доаг1аш да.

Х1анз вай бийшар фу бар, к1аьнк?

1овдалча берзах бола фаьлг.

7.Ц1аг1ара болх.

Беша шаьра, хьабувца, оаг1ув . Сурташ, ховли-довзалеш кийчде, цогалах лаьца дувца.

-



7


© 2010-2022