Тақырыбы: «Астана – бас қала»

Раздел Начальные классы
Класс -
Тип Конспекты
Автор
Дата
Формат docx
Изображения Нет
For-Teacher.ru - все для учителя
Поделитесь с коллегами:

КМҚК «Дәншік» балабақшасы.

«Ботақан» екінші сәбилер тобы

«Астана бас қала»



Тәрбиешілер: Бабатаева Р.К.

Нурпиисова М.С.

Самар ауылы 2014ж

Тақырыбы: «Астана - бас қала».

Мақсаты: Балаларға еліміздің бас қаласы Астана туралы мәлімет беру, қоршаған ортаны тани білу дағдыларын кеңейту.Тіл байлығын, сөйлеу қабілеттерін қалыптастыру. Туған еліне, Астана қаласына деген сүйіспеншілік сезімдерін қалыптастыра отырып адамгершілікке, елжандылыққа тәрбиелеу.

Көрнекілігі: Слайд Астана қаласы туралы.

І. Шаттық шеңбер.

Қайырлы таң Аспан ата!

Қайырлы таң Жер ана!

Қайырлы таң достарым!

Бірге ойнап шаттанған.

-Қане, балалар бір-бірімізге, келген қонақтарға жылы лебіздерімізді, ізгі тілектерімізді білдірейік.

-Еліміз аман балсын!

-Күнімізді бұлт шалмасын!

-Елімізде тыныштық болсын!

-Деніміз сау болсын!

-Жақсы, балалар, енді орнымызға жайғасып отырайық (балалар орындарына отырады).

ІІ.

-Балалар, біздің ауылымыз қалай аталады? (Самар ауылы).

-Біз қай тілде сөйлейміз? Неліктен? (Біз қазақ тілінде сөйлейміз. Өйткені біздің ұлтымыз қазақ).

-Біз қай елде тұрамыз? (Біз Қазақстанда тұрамыз).

-Қазір жылдың қай мезгілі? (Қыс мезгілі).

-Дұрыс айтасыңдар, қыс мезгілінің 1-айы желтоқсан. Желтоқсан-декабрь. Желтоқсан айының ортасында, 16-күні Қазақстан Республикасының Тәуелсіздік алған күнін тойлаймыз.

-Біздің Елордамыз қай қала? (Астана қаласы).

-Қазақстан Републикасының елбасы /Президенті/ кім? (Нұрсултан Әбішұлы Назарбаев).

-Қазір біз Елордамыз Астана қаласына саяхатқа шығамыз. Астана қаласына немен баруға болады? (Автобуспен, машинамен баруға, ұшақпен ұшуға болады).

ІІІ. Саяхат

-Біз саяхатқа поезхдбен барамыз. Мен паравоз боламын,ал сендер менің вагондарым болсыңдар.( Балалар бір-бірлерінің артына вагондар сияқты тіркеледі).

Қане кімнің бойы ұзын!

Паравозы ол пойыздың.

Пыш-пыш біз кеттік,

Жүрісті біз үдеттік.

-Міне, Астана қаласына да келіп жеттік. Шаршаған шығармыз, орындықтарға отырайық. Поездбен теміржол вогзалына келдік.

Қалаға келген адамдар қаланың сұлулығына таң қалсын деп, вогзал ғимаратын сұлу, әдемі етіп салуға тырысқан.

Әже келеді.

-Амансыз ба, әже?

Әже:

-Амансыңдар ма балапандарым! Тойларың құтты болсын!

-Отырыңыз әже, бізбен бірге Астана қаласын тамашалаңыз.

1-слайд. Астана қаласы - Қазақстан Республикасының Астанасы.

Алихан:

Астанамыз - ән қаласы

Айналасы дән қаласы.

Көк туын көкке көтерген,

Отанымның панасы.

2-слайд. Астана бірнеше жыл ішінде Қазақстанның ең әдемі қаласына айнлды.

Айзере:

Барлық бала жүрегі,

Барша қауым тілегі.

Әсем қала Астана,

Бүкіл бала біледі.

3-слайд. Есіл өзенінің оң жағалауында Сарыарқаның солтүстігінде орналасқан.

4-слайд. Өзеннің үстінде көпір орналасқан. Көпірмен машиналар жүріп жатыр. Өзенде қайықтар жүзіп жүр. Астана халқының өсуіне орай көлік түрлері де көбеюде.

5-слайд.

Ал мынау Ақорда үйі. Онда біздің Президент Н.Ә.Назарбаев отырады. Біздің елбасымыз онда шет елдерден келген қонақтарды қабылдайды.Түрлі жиындар, жиналыстарды өткізеді. Біздің ауылымыздың, Астананың көбеюі, гүлденуі елбасы мен дана ағаларымыздың арқасы.

Мансұр:

Ақордам Астанам,

Сұлусың жас қалам.

Келбеті барысқа ұқсайтын,

Айбатты бас қалам.

6-слайд.

Күн санап көркейіп, ай санап айбаттанып келе жатқан Астанамыздағы Тәуелсіздігіміздің тағы бір символы болып саналатын ғимарат- «Бәйтеректің» маңызы да, мәні де зор. «Бәйтерек» - өмір ағашы. «Астана-Бәйтерек монументі жас мемлекетіміздің тамырын тереңге жіберіп, жайқалып, жайнап, биіктерге ұмтыла берсін» - деген игі ниеттің жемісі болса керек.

7-слайд. Орталық стадион.

Стадионда түрлі жарыстар, ойындар ойналады. Әр елден келген спортшылар футболдан, валейболдан жарыстар өткізеді.

8-слайд. «Думан» сауықтыру орталығы.

Орталық бірнеше орыннан тұрады. Океанариум, кинотеатр, кафе, сауда үйі,атракциондар бар. Ертегі әлемінің барлық кереметі осында.

9-слайд. Түнгі Астана.

10-слайд.

Әсель:

Астанам - нұрлы Астанам,

Гүл жайнаған жас қалам.

Егеменді елімді,

Болашаққа бастаған.

Нәерке:

Мәз боламыз шаттана,

Сұлу қала Астана.

Әнге бөлеп атыңды,

Айтамыз біз шаттана.

Ән «Отаным».

Әже:

-Астана қаласымен таныстыңдар, көп тақпақтар, ән біледі екенсіңдер өнерлеріңе рахмет, бір демалып қалдым ғой. Астананың алмасынан дәм татыңдар. Сау болыңдар.

Вокзалға келіп, поездге отыру, Самар ауылына оралу.

Қане кімнің бойы ұзын!

Паравозы ол пойыздың.

Пыш-пыш біз кеттік,

Жүрісті тым үдеттік.

Қорытынды:

-Балалар, біз қайда саяхатқа бардық? (Астана қаласына)

-Астана қаласына немен бардық? (Поездбен бардық)

-Астана қаласында нелерді көрдік? (Үлкен ғимараттарды, бәйтеректі)

-Сендерге ұнады ма? (Иә, ұнады)


© 2010-2022