Сан есім (ашық сабақ)

2- сынып

Тақырыбы: Сан есім Мақсаты: 1. Сан есім туралы алған білімдерін арттырып кеңейту, сөйлем ішінен сан есімді тауып, дұрыс сұрақ қоя білуге дағдыландыру, қай сөзбен байланысып тұрғанын ажырата білуді қалыптастыру. 2.Шығармашылық ойлау қабілетін дамыту, сөздік қорларын тілдерін жетілдіру. 3.Білімді, ынталы болуға, табиғатты қорғай білуге тәрбиелеу.

Әдісі: СТО элементтері, көрнекілік, ойын, сандар арқылы болжау.

Пәнаралық байланыс: математика

Көрнекілігі:ойын атрибуттары, кесте-сызбалар, семантикалық карта.

Сабақтың барысы.

1. Психологиялық дайындық. «Тілек шоғы»

(Партадағы көршілер бір-біріне тілек тілейді) Күнің ашық болсын!

Сабағыңды 5- ке оқы, адал бол! Ақылды бол! т.б.

Мұғалім: Ал менің сендерге не тілейтінімді білгіңіз келе ме, мына өрнектерді шығарып беріңдер. (слайд)

17-10= 7 (д) 13+13=26 (у)

88-80 = 8 (е) 58-42=16 (л)

78-60 = 18 (н) 17+20 =37 (ы)

0+ 24= 24 (с) 10+5= 15(қ)

80-79 = 1(а)

7

8

18

24

1

26

16

37

15

д

е

н

с

а

у

л

ы

қ

-Міне, балалар, менің тілегім, басты байлық-денсаулық.

-Балалар, осы сөзді нелер арқылы таптық?

-Сандар

-Қандай сандар болды?

-Бір таңбалы, екі таңбалы.

-Өте дұрыс. Олай болса бүгінгі сабақта біз

1 топ «Сандар»

2 топ. « Бір таңбалы сандар»

3 топ. « Екі таңбалы сандар» болып үш топқа бөлініп, жұмыстанамыз.

Өткенді қайталау.

« Кім тез?» ойыны. Сын есімге байланысты сөздер табу.

У е

У еӘ

а м ұ ы

р е қ

С л

Шыққан сөздер: сары, әсем, ауыр, сұлу т. б.

Сын есім туралы не білеміз?

Сын есім туралы топтастыру , әр топ білімдерін қорғау. ( топтан бір оқушы)

Жаңа сабақ:

Қызығушылықты ояту.

1. «Т» кестесі бойынша топтау. (слайд)

1 таңбалы 2 таңбалы

4 11

7. 65

6 75

3 90

97

Берілген цифрларды жазбаша жазып көрейік.

Төрт он бір

Бес алпыс бес

Жеті жетпіс бес

Бір тоқсан жеті

Тоқсан

Не байқадыңдар? ( Оқушылардың жауабы)

Қорытынды ереже: Екі сөзден тұратын сан есім бөлек жазылады.

2) Тірек сызба бойынша сан есімдерді талдау. (слайд)

Анықтамасы Заттың санын, ретін білдіреді

Сан есім дара, күрделі

Сұрақтары Қанша? Неше? Нешінші? Нешеу?

III.Мағынаны тану. Дәптермен жұмыс.

Көркем жазу.

Жж әрпін жазып шығу

Ой қозғау: Ж дыбысынан басталатын киелі санды атау. ( Жеті)

Жеті он жеті жетпіс жеті жүз жеті (көркем жазу)

7 күн. Дүйсенбі, Сейсенбі, Сәрсенбі, Бейсенбі, Жұма, Сенбі, Жексенбі.

Бүгін, ертең, бүрсүгіні, арғы күні, ауыр күн, соңғы күн, азына.

Жеті ата. Әке, бала, немере, шөбере, шөпшек, немене, туажат.

7 санына байланысты қандай мақалдар білесіңдер?

Жеті атасын білген ер,

Жеті жұрттың қамын жер.

Жеті рет өлшеп, бір рет кес.

Оқулықпен жұмыс.

-Балалар, мына құс туралы не білесіздер? (суретін көрсету)

-Ендеше оқулығымыздың « сен білесің бе?» айдарына қарап жіберейік. (Дронт құсы туралы түсінік беру.Сол мәтін бойынша деңгейлік тапсырма (слайд)

1 деңгей: Сөйлемдегі цифрларды сөзге ауыcтырып жазу. Үш. жиырма,бір...

2.деңгей: Сандарды реттік сан есімге айналдыру, түбір мен қосымшасын айыру. Үш + інші

3.деңгей: «3» саны туралы не білеміз? 3 арсыз, 3 жұрт

3 арсыз олар- тамақ, күлкі, ұйқы; 3 жұрт- өз жұртың, нағашы жұртың, қайын жұртың.

2- жаттығу. Берілген зат есімдерге тиісті сан есімдерді тауып жазу.

..... саусақ, ... би, ... арыс, ...ай, ...мезгіл. ( он, үш, бес, он екі , төрт)

Шығармашылық жұмыс:

1.деңгей: Сурет бойынша әңгіме құрау, сипаттау мәтінін құрау.

2.деңгей: 5 жолды өлең құрастыру.

3.деңгей: Есеп құрастыру.

Логикалық жұмбақ. (слайд)

1. Аулада бес үйрек,

Қорада үш үйрек.

Бір үйрек тығылды,

Біреуі жығылды,

Қалғаны неше үйрек? (6)

2. 11 түйе, 5 жылқы, 2 сиыр, 2ешкі. 2 қоян, 3 түлкі, Таба алмасаң, бол күлкі. (25)

3 - жаттығу (Оқушылар слайд арқылы орындайды)

«Адасқан сөздер» ойыны. (Орны ауысқан сөздерден сөйлем құрау)

1. Қалам, бес, әдемі, алды ,Жанар .

2. Сыныпта , Алма, екінші, оқиды.

3. Пәтерде, Асан, қырық , тұрады, екінші.

4.Ой толғаныс. Семантикалық картамен жұмыс жасайды.

Сөз таптарының ережелері мен сұрақтарын қайталау.

Шығармашылық диктант (Сандарға тиісті жалғауды жалғап, сөзбен жазу)

1. Өрмекшінің 8 аяғы бар.

2. Ат жарыста Жалғастың аты 1 келді.

3. Сыныптан спорттық жарысққа 7 оқушы қатысты.

4. Асқар 5 үй, 16 пәтерде тұрады.

« Сәйкесін тап»

екі сыныпқа кірді

Мұғалім үшінші сыныпқа кірді

бесеу кітап берді

Қорытындылау.

Мақал- мәтелдердегі жоғалған сан есімдерді табу.

1.Батыр ..... өледі, 2. ..... теңгең болғанша,

Қорқақ ..... өледі. ...... досың болсын.

3.Білекті .... жығады, 4. Ел құлағы ....

Білімді .... жығады.

« Кім тез ойлайды?» ойыны.

К + 3+ ІК= Күшік 1+ қазан = бірқазан

7+ К = жетік 6+ бақан = алтыбақан

8+ Көз = сегізкөз Тү + 1= түбір

Жел+ 90 = желтоқсан Тем+ 2 = темекі

Оқушылардан әр сөздің мағынасын сұрау.

Тоғызқұмалақ - қазақтың ұлттық ойыны.

Желтоқсан жылдың соңғы айы.

Темекі- денсаулыққа зиян.

5. Бағалау.Не үйрендік? Бүгінгі сабақ не туралы болды?

6. Үйге тапсырма беру. 4- жаттығу.

Сан есімдерге байланысты жұмбақтар жазып келу.