Урок ИЗО Қыс келбеті

Шахманова Батима Рамазановна

Бастауыш сынып мұғалімі

№5 гимназия

Сыныбы: 2

Сабақтың тақырыбы: Қыс келбеті./ 2-сыныптар арасындағы суреттер көрмесі.

Сабақтың мақсаты: Жыл мезгілдерінің бірі қыс туралы түсініктерін,ұғымдарын, алған білімдерін пысықтау мақсатында ,,бастауыш сыныптар арасындағы он күндікте,, қыс келбеті атты суреттер сайысына оқушыларды жұмылдыру.

Міндеттері:

-Өлеңдерді мәнерлеп оқу, жұмбақтарды шеше отырып, логикалық ойлау дағдысын жетілдіру;

-Табиғатты қорғауға тәрбиелеу;

Көрнекілігі: ,,Қыс келбеті,, атты слайд, мақал-мәтелдер, жұмбақтар, шарлар.

Барысы: І. Ұйымдастыру

1.Сынып үші безендірілген, сайысқа қатысушы оқушылар, ұстаздар,қонақтар.

2.Мұғалім бүгінгі сайыс туралы мақсатымен таныстырып, оқушыларды тыныштықты сақтап отыруға шақырады.

ІІ.Жүргізуші мұғалімнің сөзі:

І. Сәлеметсіңдерме құрметті оқушылар! Бүгін біз сендермен ,,Қыс келбеті,, атты суреттер ашуға рұқсат етіңдер.

Ақ киімді денелі ақ сақалды,

Соқыр мылқау танымас тірі жанды.

Үсті басы ақ қырау түсі суық,

Басқан жері сықырлап келіп қалды -деп Абай атамыз айтпақшы бізге қыс қаһарын төгіп, биылғы келген жылқы жылыда көптеген құпияға толы, Сарыарқаның сақылдаған сары аясын көрсетіп тұрған кез. Бірақ оған қарамастан өзіміздің күнделікті тіршілігіміізді жүріп жатыр. Соған қарамастан біздің оқушыларымыз да, сайысты асыға күтіп отыр.

ІІ.Ал енді балалар біз сендермен жұмбақтарды шешіп көрейік.

1.Мамықтай ұлпа,

Қанттай ақ.

Қыста жер бетін басады,

Жазда сайға қашады. /Қар./

2.Көзіңе көрінбейді,

Тоңдырып қызартады.

Күні-түні ерінбейді,

Өзенге мұз артады. /Мұз./

3.Тоңғақты таниды,

Беті қолын қариды. /Аяз./

4.Қоймасын қыс ақтарып,

Жерді жапты ақ мамық./Қар./

5.Қыста ғана болады,

Ұстасаң қолың тоңады. /Қар./

6.Суға батпайды,

Отқа жанбайды./мұз./

7.Жасыл ине киімім,

Жайлаймын тау биігін.

Жаңа жылды тойласаң,

Төріңдемін үйіңнің. /Шырша./

8.Тістейтін аузы жоқ,

Ұстайтын қолы жоқ.

Шайқайды тауды,

Жаралған долы боп./ Боран./

9.Жазда да, қыста да,

Өзгермейтін бір түсте./Шырша./

10.Ышқынады өзі жоқ,

Ысқырады сөзі жоқ./Боран./

11.Шанамен зырғып желдетіп,

Шаңғы, коньки тебетін.

Аққала жасап ойнайтын,

Қай мезгіл деп ойлайсың? /Қыс./

12. Көлдің беті көк әйнек,

Сырғанауға тым әйбат./мұз./

13.Қыста шыны боп қатады,

Жылыда су боп жатады./ Мұз/

14.Жерді тырнап,

Бұтаны арғап,

Шөпті сипап,

Ұшады зырлап,

Жанын қинап,

Ұлиды зарлап. /Боран./

15.Жалтырайды сайда,

Сынбайтын айна. /мұз ойнақ./

16. Шелек қалпақ басында,

Сәбіз екен танауы.

Қыста қардан туатын,

Тауып көрші сен оны./Аққала./

17.Жапты да,жатты,

Жылғаға тартты. /Қардың еруі./

18.Ақ сиырдың тұрып кетуі,

Қара сиыр жатып қалды./ Қыс пе көктемнің ауысуы./

19.Бірінен бірі сегіз батыр,

Жаралғалы соғысып келе жатыр.

Кезек-кезек жығысып, алысады,

Кім жеңері белгісіз түбінде ақыр.

Жауабы: Қыс,жаз,көктем,күз, ай, мен күн, жақсылық, жамандық./

20.Мұрны жоқ шымшық мұз тесер./Тамшы./

ІІІ. Ал енді келесі кезекті мақал-мәтелдерге берейік.

1.Жылқы жылы-жылыс,

Жылан жылы -ұрыс,

Қой жылы-тыныс.

2.Туған елдің тезегі де дәрі.

3.Түйе құрғақтағы кемемен тең.

4.Жетсе-мал,жетпесе-дән.

5.Жер-қазына,су-гауһар.

6.Жаңбыр бір жауса, терек екі жауады.

7.Жаз-мереке,қыс-келеке.

8.Мезгіл жетсе мұзда ерір.

9.Қыста-қысыл,жазда-жарқыра.

10.Қылышын сүйретіп қыс келер.

ІY. Ал енді оқушылар біздің жоспарымыздағы келесі кезекті ақын-жазушылардың ,,Қыс,, туралы өлеңдерін жатқа айтуға кезек берейік.

1.,,Қыс,,. Бауыржан Жақып

Үлпек,үлпек,үлпек қар,

Үлкілдейсің, үркек қар.

Мамық,мамық,мамық қар,

Сай-салаға толып қал.

Жұлдыз,жұлдыз, жұлдыз қар,

Білінбейді түнгі ызғар.

Ақша,ақша,ақша қар,

Орнатады ақ шаһар.

Омбы,омбы,омбы қар,

Көп жүрсең бет домбығар.

Қасат,қасат,қасат қар,

Атқа мініп,жасап қал.

Күрті,күрті,күрті қар,

Түп-түзу селеу мұрты бар.

Көңілімде қалған қар,

Жаңа жылда жауған қар.

2.,,Қардың басы бола ма? Кәкімбек Салықов.

-Қар жауып тұр далада,

Ұзақ жатып қала ма?

Деді әжем.-Алла сақтағын.

-Қардың басын қар алар,-

Деп атам созды тақпағын.

Жаңылды ма құлағым?!

Жауабына нанбай көп.

-Жыпырлап жауған далада

Қардың басы бола ма?!-

Деп атамнан сұрадым.

Атат айтты:-Расымен

Осы болса сұрағың,

Әр нәрсенің басы мен

Аяғы бар,шырағым.

Тұңғыш күртік үйгенде,

Шаңғы,шана теберсің.

Бетіңнен аяз сүйгенде,

Қардың басын сезерсің.

3.,,Аққала,,. Мәди Қайыңбаев.

Қонжық жүрді баптана,

Қасқыр жүрді мақтана.

Түлкі де бар, қоян бар-

Соқты бәрі аққала.

Думандатты төбені,

Аппақ еді жер өңі.

Мұндай жылы күндерде

Қар жабысқақ келеді.

Қонжық байғұс терледі,

Қар жентектеп ерледі!

-Аққаланы біз енді

Тұрғызайық, кел,-деді.

Түлкі әкелді сыпырғыш,

Мақтасын деп жұрт бізді.

Қасқыр да бір бітірді іс,-

Сәбізді ұрлап жегізді.

-Не кигізем басына,

Қандай қалпақ керек-ті?-

Деп Қоян да асыға

Алып келді шелекті.

Іс те бітті жайланып,

Салды олар әніне.

Аққаланы айналып,

Думандатты бәрі де.

Қонжық та әнге салады,

Қасқыр да жүр қуанып.

Түлкішек те жарады,

Билеп белі бұралып!

Әнге басып,күйі кеп,

Қоян-қоян жүр мына.

Көзі түсіп жиірек

Аққаланың мұрнына.

4.Тамаша ғой қыс деген. Өтебай Тұрманжанов

Тамаша ғой қыс деген,

Түкірік жерге түспеген.

Қызыл шұнақ аязы

Қызартып беттен тістеген.

Албырап бетің алаурап,

Шаңғы тепсең сабаулап.

Бойыңнан буың бұрқырап,

Жылына түссең жараулап.

Балалар - ау, балалар,

Мұнан қызық не болар?

Қыстың да бар қызығы,

Жылында бір оралар.

Y.Келесі кезекте 2 сыныптар арасындағы суреттерді тамашалайық.

2 «А» сынып оқушыларынан қатысқандар:

1.Абдуллаев Ердос

2.Адильбек Иарғұлан

3.Алимбетов Сұңғат

4.Олжатай Жазира

5.Өсербай Томирис

6.Стагулова Диана

7.Кожахметова Дания

8.Шакарова Айлана

9.Сарсеков Жангир

2 «Б» сынып оқушыларынан қатысқандар:

1.Қапасова Алина

2.Алиева Айдана

3.Досаев Нұрасыл

4.Аманжол Меруерт

5.Маханбет Мерей

6.Анапия Адина

7.Тажин Амир

8.баймурат Адия

9.Мұрат Нұрбол

10.Адильханова Марал

11.Есенжол Арайлым

12.Бекзатхан Жанель

2 «В» сынып оқушыларынан қатысқандар:

1.Қабыкен Диас

2.Төлепберген Назым

3.Жұмабай Аружан

4.Базарбаев Диас

5.Алпысбаев Мади

6.Писпекбаева Адема

7.Ахметова Зарина

2 «Г» сынып оқушыларынан қатысқандар:

1.Хлебнюк Ариана

2.Бошкова А

3.Жасулан Жан

4.Калмыкова Г

5.Стрегин Д

6.Мадиев даниал

7.Нурпейсова А

8.Белобров Д

2 «Е» сынып оқушыларынан қатысқандар:

1.Махкамов Антон

2.Меньших Денис

3.Абдыгаппар Мерей

4.Хикимов Роллан

5.Пашковский Никита

6.Жаренов Тимур

7.Абрамян Каринэ

Шахманова Батима Рамазановна

№5 гимназияның

бастауыш сынып мұғалімі)

Сабақ : бейнелеу өнері

Тақырыбы:

«Қыс келбеті» атты суреттер көрмесі