- Преподавателю
- Начальные классы
- Мерекелік кешҰнатамын күзді мен ( бастауыш сынып)
Мерекелік кешҰнатамын күзді мен ( бастауыш сынып)
Раздел | Начальные классы |
Класс | 2 класс |
Тип | Рабочие программы |
Автор | Касенова С.К. |
Дата | 21.12.2015 |
Формат | docx |
Изображения | Нет |
Музыкалық әуен ойнап тұрады. Жүргізушілер сахнаға шығады.
Әлішер:Қош келдіңіздер ата-аналар!
Назерке:Армысыздар ұлағатты ұстаздар!
Еркежан: Бармысыздар жас достар!
Хормен: Берекелі, мерекелі Алтын күз құтты болсын!
Назерке :Мұнда назар салайық
Мерекесі халықтың
Алтын күзге арналған
Кешімізді бастайық.
Хормен: Қуан!Шаттан! Алақай!
Еркежан:Қуанатын күн келді
Күліп шықты күн бүгін
Қайырлы таң!
Қайырлы күн!
Назерке :Алтын, алтын сары алтын,
Алтын күзде нұр жатыр.
Мектептегі дәстүрлі .
Мерекеміз бұл да бір. Берекесін сыйлауға , Өлкемізге күз келді. Күздің тойын тойлауға , Шақырамыз сіздерді!
Әлішер:Қыздар ,қалай ойлайсыңдар күз деген жауған жаңбыр, қайтқан құс.Күн де суық. Менше күз деген қуанатын мезгіл емес. Маған қар лақтырып ойнайтын қыс ұнайды.Қыста Аяз ата келеді, қызық емес пе?
Еркежан:Жоқ,біз сенімен келіспейміз.
Назерке:Күз туралы сенің пікіріңді осы кеште өзгертеміз.
Еркежан:Қане, сахнаға мектебіміздің 4 «а» сынып оқушыларын шақырамыз.Олар өлең оқудың шебері екенін ауданымызға танытып жүрген оқушылар.
Назерке:Қарсы алыңыздар!
Еркежан: Күз - жазира даланың дархан дастарханы. Күз дегеніміз - байлык, молшылық, жеміс - жидек пісіп жетілуі.
Назерке: Күзде қыс қамы жасалады, сондықтан адам да, жануарлар да, өсімдіктер де қысқа әзірлік жасайды.Қалай, Әлішер, күздің жомарт, байлық, береке екеніне көзің жетті ме? Әлішер:Ханшайымдар,сендердің қолдарыңнан күзгі көрніс көрсету келе ме?
Еркежан:Әрине.Сахнаға «Бал бала 2015» облыстық байқаудың жеңімпаздарын шақырайық.Қарсы алыңыздар!
Еркежан:
Алтын күз сіз бен бізге шуақ шашсын. Көңілдің серіппелі күйін ашсын. Бақ пен шаттық біздерге қатар қонып, Береке бірлікпенен ортақтассын. Назерке:Кезекті әнге берейік.Сахнаға 2 «А» сынып оқушыларының әншілерін шақырамыз. Еркежан:Қарсы алыңыздар! Әлішер: Қыздар, маған ән де, көрніс те емес ойын ойнағым келіп тұр.
Еркежан: Әлішер, сенің ол тілегіңді де орындауға болады.
Назерке: «Ұйқасын тап!» ойынын ойнаймыз
Еркежан: Тақ-тақ-тақ (аяқ тарсылдатады)
Айтамыз біз не? (тақпақ)
Назерке: Рақ-рақ-рақ (қол шапалақтап)
Күзде түсер не? (жапырақ)
Еркежан: Қол-қол-қол (қол бұлғайды)
Күзде егін (мол)
Назерке: Тоқ-тоқ-тоқ (аяғын тақылдатады)
Шыбын-шіркей (жоқ)
Әлішер: Қане,менің достарым!
Ән айтыңдар бақытты!
Молайтыңдар шаттықты!
Еркежан: Көкөністер мен жемістердің айтысын тамашалайық.Сахнаға 3 «А» сынып оқушыларын шақырамыз.
Назерке: Қалай, Әлішер, күздің жыл мезгілдерінің ішіндегі ең жақсысы екеніне көзің жетті ме?
Әлішер: Мен үшін әлі де бір нәрсе жетіспейтін сияқты.
Еркежан: Таптым, онда күзгі жапырақтар биін тамашалайық.Өзіңнің де көңілің көтеріліп қалары сөзсіз.
Назерке: Сіздердің назарларыңызға 2 «Ә» сынып оқушыларының «Күзгі жапырақтар» биін ұсынамыз.
Назерке:Қарашы далаға,
Реңі сары ала.
Пісті алма албырап,
Сарғайды бал құрақ.
Еркежан: Аспанда қаптаған
Бұлт тыным таппаған.
Жөңкіліп көшеді,
Суық жел еседі.
Әлішер: Алқаптан бидайды,
Қоймаға ел жинайды.
Тырнасы тізілген
Ұнатамын күзді мен.
Еркежан,Назерке: Әлішер күзді ұнатамын деді.
Еркежан:Демек, кешіміз де мақсатына жетті
Әлішер:Келіңдер бәріміз бірігіп «Алтын күз» биін билейік.
Еркежан Алға бастар жалын бар,
Назерке: Аман есен болыңдар.
Әлішер:Жасайды той халқымыз,
Хор: Жаса! Жаса! Алтын күз!