- Преподавателю
- Начальные классы
- Шағылдың емдік қасиеті тақырыбындағы ғылыми жоба
Шағылдың емдік қасиеті тақырыбындағы ғылыми жоба
Раздел | Начальные классы |
Класс | 1 класс |
Тип | Другие методич. материалы |
Автор | Исатаева Г.С. |
Дата | 31.03.2015 |
Формат | docx |
Изображения | Есть |
Аннотация
Зерттеу жұмысының мақсаты:
-
Шағылдың адамға тигізер пайдасын анықтау
Зерттеу болжамы:
-
Шағылдың адамға тигізер пайдасын анықтау, анализ жасап талдау
Зерттеу кезеңдері:
-
Шағылдың пайдасы
-
Шағылдың құрамы
Зерттеу әдістемесі:
-
Қосымша әдебиеттерден, журанлдардан әлеуметтік желіден алған мағлұматтарды пайдалана отырып жұмыстану
-
Зерттеу жаңалығы:
-
Әсіресе ыссы топыраққа көміліп жаткан кездегі адам денесінің ауратын жерлеріндегі топырақтың су болып шығуын дәлелдеу жолында жұмыстану
Зерттеу нәтижесі:
-
Ыссы топырақтың адамға тигізер пайдасының көп екендігі дәлелденіп көрсетілді
Қорытынды:
-
Қымбат жерлерге барып ем қабылдамай табиғаттың сыйы тегін шағылға барып ем қабылдау қажет
Тақырыбы: «Шағылдың адамға тигізер пайдасы»
Тақырыптың өзектілігі: Біздің басты байлығымыз-біздің денсаулығымыз. Соған қарамастан ауырмайтын адам болмайды.Қазырғы заманның жоғарғы қарқынмен дамуына байланысты қазыр адамда не қажеттің бәрі бар. Бұрынғы заманның адамдары сияқты су әкеліп, от жағып, күл төгіп, жыңғыл шауып көп еңбек етіп қозғалыс жасамайды. Соның салдарынан көптеген ауруға душар болып ем іздеп жүреді. Әрине қалтасы көтергендер шет ел асып болса да ем алады, ал бұған жағдайлары жетпегендер ауруын асқындырып жүре береді. Ендеше бүгінгі менің негізгі мақсатым алысқа бармай ақ өз ауылымзыдағы шағылдың адам денсаулығына тигізер пайдасының бар екендігін дәлелдеу үшін осы тақырыпты таңдадым.
Зерттеу жұмысының мақсаты:
Шағылдың адамға тигізер пайдасын анықтау
Зерттеу жұмыстарының міндеттері:
Шағылдың адамға тигізер пайдасын анықтап анализ жасау
Шағылдың құрамы туралы мәліметтерді зерттеу, жинақтау
Зерттеу жұмысының кезеңдері:
Шағыл туралы жалпы мағлұмат
Шағылдың пайдасы
Шағылдың құрамы
Зерттеу жұмысының әдістері:
Сараптау
Талдау
Салыстыру
Өзімнің туған жерім Жыланды ауылының сырт жағында ақ шағыл яғни ақ құм бар.
Шағыл дегеніміз-кәдімгі жел үрлеп, желдің ыңғайына орын ауыстырып көшіп отыратын
бұйра құм.
Құм болғанда да таза құм. Құм - миллион жыл бұрын пайда болған. Ол бүкіл әлем бойы жайылған. Құм - өте ұсақ ақ түсті, сары, қоңыр, сұр және қызғылт түсті болады. Құм бала үшін магнит сияқты өзіне тартымды зат
Жел көтерілген кезде оның үстіңгі бөлігі бірнеше сантиметр биіктікке көшіп отырады. Жел басылған соң су бетіндегі толқын секілді әдемі із тастап тып-тыныш жатады. Кешкілік күні бойы бойына жинаған күннің қызуын баса алмай, жып -жылы болып жатады. Оның үстіне отыра қалсаңыз да, жұп -жұмсақ, бір түрлі жанға жайлы күй кешесіз. Мұның бір жақсы жері жаңбыр жауғанда тез сіңіп кетеді, балшық болмайды. Жаз айларында түс ауа құмның қатты ысығаны сондай, жалаңаяқ жүрсең табаныңды күйдіреді.Бұл шағылды ауылымыздың басты байлықтарының бірі деп білеміз.Бұл шағылға кешкілікте үлкенде, бала да келеді. Үлкендер жағы тыныш жер, таза топырақ, отыруға жайлы жер десе, балалар үшін ойын ойнау үшін ең қызықты әрі жұмсақ жер. Ойын балалары тыныш отыра ала ма? Бір-бірімен жарысып шағылдың төменгі етегіне қарай суда жүзген балықтай, сырғи жөнеледі. Ойын құмар кішкенелер болса шағылдың басынан аяғына қарай домалап, айналаны қызыққа бөлей жөнеледі. Кешке қарай бұл шағылдың айналасы кешкі малдың өрістен қайтуы кезінде абыр-сабыр, балалардың ойнаған дауыстарымен у-шу болады. Ал түн қараңғысында бұл айналаны тыныштық билейді.
Жоғарыда айтып өткендей елімізде денсаулық саласын дамытумен қатар ауруларға да тосқауыл болатын түрлі шаралар ұйымдастырылып жатыр.Қазыр кез -келген ауруға мықты-мықты емханалар және қымбат дәрілер бар. Бірақ бұл дәрілерді сатып алуға немесе ақшалы емханаларға жатып ем алудың өзі қиын. Емханаға жатып ем алған күннің өзінде ішкен дәрілердің көпшілігі химиялық қоспалар, екіншіден бұл дәрілер адамның миына, бауырына, іш құрылысына үлкен зиян келтіруде. Ал мен адамдарға көмектесу мақсатында оз ауылымдағы шағылдың емдік қасиеті туралы айтқым келеді.
Шағыл - тап-таза, аппақ құм. Бұл шағыл тек жайлы орын ғана емес сонымен қатар шағылдың емдік қасиеті де бар. Егер сіздің бойыңызды салқындық алып кетсе, немесе жүйкеңіз жұқарса, денеңізден сарысудың жиналғанын байқасаңыз сіз емхана табалдырығын тоздырмай ақ, қымбат дәрілерге ақша жұмсамай тегін ғана ауруыңызға ем қабылдаңыз. Ол әрине бізідің ақ шағыл.
Ол үшін не істеу керек?
Жаз мезгілі кезінде түс ауа ыстық шағылға келіп алдымен жалаң аяқ шағыл үстінде денеңізді ыстыққа үйретіп жүріңіз. Содан кейін өзіңізге ыңғайлы жерді қараңыз. Сол жерді денеңізге сай етіп жайлап қаза беріңіз. Сол қазған шұңқырдың ішіне өзіңіз жайғасыңыз. Үстіңізге кері ыссы топырақты яғни шағылды көміңіз. Басыңызға күн өтпеу үшін көлеңкелеп тұратын шағын орын дайындап алыңыз. Енді көзіңізді жұмып денеңізді бос ұстап, жамандық ештеңі ойламай тек жақсы нарселерді ойлап жатыңыз.
Қазақстанға еңбегі сіңген ақтөбелік дәрігер Ізбасқан Аймағамбетовтің айтуынша, ағзаны құммен емдеу псаммотерапия деп аталады. Дәстүрлі медицинада өте сирек қолданылатын бұл әдіс - шипажайларда минералды ванна, емдік балшық сияқты үлкен сұранысқа ие ем.
Емнің бұл түрінің негізгі принципі - жылу арқылы емдеу.
Қазіргі медицина, керісінше, топырақтың адамның ішек құрылысына пайдасы барын айтады. Асқазанға түскен топырақ паразиттер мен токсиндерге қарсы қалқан іспетті» дейді. Өйткені, топырақтың құрамында адамға пайдалы заттар қамтылған. Айталық, темір, цинк, калции секілді. Бірақ, бұл кез келген топырақты жей беруге болады деген сөз емес. Дәрігердің кеңесіне сүйене отырып, арнайы сатылатын тазартылған топырақ жегеніңіз жөн.
Сонымен қатар топырақтың тағы бір пайдасы ол үй құрылысына пайдалы. Кәдімгі саз балшыққа сол ақ топырақты косып үйдің іші-сыртын майласа айді ағартып тұрады әрі жаңбырға шайылып кетпей мықты болады.Қазыр тағы бір дамып келе жатқан емнің бірі құммен емдеу түрі яғни құм терапиясы.
Құм терапиясының негізгі мақсаты: Құммен ұқыпты жұмыс жасай білу дағдысын, құм терапиясы арқылы табиғи дүниені өз алақандарымен сезіне білу, табиғат сырын ұғынып, оны қорғай білу қасиеттерін, қол, саусақ моторикаларын, танымдық даму деңгейлерін дамыту.
Құм терапиясы - адамға өзінің жан дүниесіндегі өз «Менін», өзін тануға, өзіне өте маңызды, жан тебірентерлік және құпиясының ашылуына көмектеседі.
Терапия - емдеу деген ұғымды білдіреді, ал құм терапиясы - бұл құммен емдеу, ол жерде ешқандай дәрі де қажет емес.
Құм терапиясы - балаларға үлкен мүмкіндік, баланың уайымдау немесе қайғыру сәтін ашып көрсете алады. Сәби құммен ойнап отырып, өзінің бойындағы ауыр сезімді ұмыта бастайды. Құмен ойнағанда бала қателесуден қорықпайды. Қарапайым ойнау әдісін іске асырады.
Құм терапиясының маңыздылығы:
· Сөзбен айтып жеткізе алмайтын ойлаумен қобалжуларды сыртқа шығаруға көмектеседі.
· Іште туындаған қиын жағдайларды, шығармашылық потенциалдарын босатады.
Қазіргі таңда құм анимациясы өте танымал және сонымен қатар оған маңызды себептері де бар. Құммен сурет салу өнері -жай, қолжетімді, аса қымбат емес қызықты іс.
Бәрімізге таныс бұл зат жай ғана - құм. Бірақ шын мәнінде бұл таңғажайып керемет материал. Құм әр түрлі болады. Жеңіл және құрғақ, ауыр және сулы, ол әр түрге ыңғайланады.
Шағылға түсуге болмайтын жағдайларда кездеседі.
Қан қысымы жоғары, жүрегінде кінарат бар адамдарға құмға түспек түгілі күн ыстықта үйден шығуға болмайды. Тері ауруларына шалдыққан, мысалы, экземасы (қышымасы) бар адам құмға түссе, ауруын асқындырып алуы мүмкін.
Қазақстан Республикасы Білім және ғылым министрлігі
Атырау облысы
Құрманғазы ауданы
Д. Нұрпейісова атындағы орта мектеп
Тұрарбекұлы Арсен
1 «Б» сынып
Тақырыбы: Шағылдың емдік қасиеті
Бағыты: Таза табиғи орта - Қазақстан - 2030 стратегиясын іске асырудың негізі.
Секция ІІІ. Медицина
Жетекші:
Исатаева Гулшат Сүйіндікқызы
2015 жыл
Қорытынды
«Шағылдың емдік қаситеі» тақырыбы бойынша өз ойымды қорыта келе шағылдың адам денсаулығына тигізер пайдасының өте көп екендігін және денсаулығында кінараты бар адамдарға зиян жақтары бар екендігін зерттей келе төмендегідей ой түйдім:
-
Шағыл ешқандай қоспасыз таза ақ топырақ яғни ақ құм
-
Қымбат емханалардың орнын толтыра алатын емдік қасиеті бар орын.
-
Ауырып ем іздегенше ауырмайтын жол іздеп тегін шағылды пайдаланған жөн деп санар едім.
Айлап тапқан табысымызды қымбат-қымбат емханалрға жұмсағанша табиғаттың сыйы шағылдың емдік қасиетін пайдаланайық дегім келеді.
«ҚҰМ ТЕРАПИЯСЫН» ҚОЛДАНУдың маңызы «Біздің ойлап жүргенімізді қолымыздың көмегі арқылы шешуге болады»
Карл Густав Юнг «Құм терапиясы» қағидасы аналитикалық терапияның негізін салушы Карл Густав Юнгпен ұсынылған. Мүмкін ұлы Юнгке адамның құммен «әлектенуінің» қажеттілігі, оның құрылысы осы идеяны ұсынуға себепші болған шығар. Себебі көптеген психологтар жекелеген құм түйіршіктерінде жеке тұлғаның нышандық айқындамасын, ал құм массасында - жаһандағы Өмірді көреді. . Бала құмды не екенің сезінгенше қолдары сарай, қоршау т.б. Жасай бастайды. Ал оған ойыншықтар, кішігірім фигураларды қосса, онда баламен түрлі ертегілерді драмалау, ойын процесіне кіреді. Бірақ бұл құмнан жасалған фигураларда шашылып , тіл алмай қоюы да мүмкін. Балалар сағат сайын үйлер, фигуралар жасап немесе жай ғана құмның үстімен жүруіде мүмкін. Ғаламторда құм жайлы көптеген мағлұматтар бар. Соның ішінде менің тапқаным құммен ойын туралы 1929 жылы Англияның педиатры Маргарет Ловенфельд жазған екен. Арнайы құм салынған ыдыста балалар өздеріне ұнаған фигуралармен суды пайдалана отырып, әр түрлі композициялар жасаған. Балалар өзерінің жасағандарын «менің әлемім»деген екен және Ловенфельд өзінің техникасын «Әлемнің құрылуы» деп атаған екен. Қазіргі заманның құм суретшілері құмнан портрет, пейзаждар, мультфильмдер жасайды. Құммен сурет салу техникасы қазір өте танымал. Құм өнері барлық әлемге кең таралған. Құммен ойын - балалар мен ересектердің эмоционалдық хал-жағдайларына оң әсер етеді, бұл баланың өзіндік дамуы үшін тамаша құрал болып табылады. Құммен ойнау кеңестік әдіс ретінде 1939 жылы ағылшын педиатры Маргарет Ловенфельд сипаттама берген. «Құм терапиясы» концепциясының құрылуымен негізінде юнгиан мектебінің өкілдері айналысты, мысалы швейцар аналитигі Дора Калф. Құмдағы ойындар - баланың табиғи әрекеті формаларының бір түрі. Сондықтан да біз, ересектер, құммен ойнайтын ойындарды оқыту және дамыту сабақтарында қолдана аламыз. Құмнан суреттер салып, әртүрлі оқиғаларды ойлап тауып, біз бала үшін әлдеқайда қызықты түрде оған өзіміздің біліміміз бен өмірлік тәжірибемізді, қоршаған әлемнің заңдылықтары мен оқиғаларын жеткізе аламыз. Оған қажетті материалдар мен жабдықтар: Бала құм терапиясында тек қана қиял, көрнекі - бейнелік ойлауды, сөздік - логикалық ойлауды, көрнекі іс-әрекеттік ойлауды, шығармашылық және сын тұрғысынан ойлауды дамыта отыра процесс барысында бала өзінің ішкі қобалжуларын ішкі сезімдерін сыртқа ойын барысында фигураларды таңдау барысында толығымен өз назарын салады. Бала ойын барысында өзінің терең эмоционалдық қобалжуларын айта алады. Құм терапиясының маңыздылығы:
- Сөзбен айтып жеткізе алмайтын ойлаумен қобалжуларды сыртқа шығаруға көмектеседі.
- Іште туындаған қиын жағдайларды, шығармашылық потенциалдарын босатады.
- Әңгімелесу
- Түрлі - түсті құммен сурет салу
- Танымдық ойындар
- Коммуникативтік ойындар
- Пікірталастар