Бастауыш сыныптар апталығы Білім негізі -бастауышта

Білім негізі- бастауышта

Егер сіз өзіңізге лайықты мамандықты сәтімен

сайлап алсаңыз оған жан-тәніңізді салсаңыз,

онда бақыт сізді өзі іздеп табады.

К.Ушинский. Біздің ұрпағымыз ертең ел тұтқасын ұстар азамат болатынын ойласақ, сол еліміздің ертеңін көркемдейтін,саналы да сауатты тұлға етіп қалыптастырушы мұғалімнің еңбегі орасан зор. Заман талаптарына сай,мектеп мұғалімдеріне жастарды әрі озық ұлттық дәстүр рухында тәрбиелеп өмірге әзірлеу секілді жауапты міндеттер жүктеп отыр. Осы міндеттерді абыроймен орындау үшін ұстаздар қауымы оқу -тәрбие үрдісінде жаңа әдіс -тәсілдерді қолдану керектігі анық. Осы орайда біздің Бірлестік орта мектебінде «Жаңаша оқыту - заман талабы» тақырыбында бастауыш буында апталық болып өтті.Жас жеткіншектердің денсаулығын сақтау мен ой-өрісін дамытып,жеке тұлға ретінде қалыптасуына және шығармашылық қабілеттерін ашуда жаңа әдіс-тәсілдер арқылы сапалы білім өнегілі тәрбие алуына мүмкіндікті жүзеге асыруды мақсат еттік.Бірлесе атқарған үлкен істің басы бала тәрбиесі болмақ.Оқушының тапқырлығын анықтауда «Танымдық ойындардың» орны ерекше болды.Халқымыздың ұлттық ойындарын,салт-дәстүрін дәріптеп,денсаулықты нығайту.шеберлік пен шапшаңдықты дамытатындығына балалар көз жеткізді.Мәнерлеп оқу сайысы «Жасымда ғылым бар деп ескермедім» атты тақырыппен ,еліміздің ақындарының туған жер,Отан,тіл туралы өлеңдері жырға қосылды. «Шынықсаң шымыр боларсың» атты көңілді жарыс , «Бармағынан бал тамған» атты сурет көрмесі, 3-4 сыныптар арасында «ХХІ ғасыр көшбасшысы» және «Көңілді,тапқырлар » сайыстары білімге деген қызығушылықтарын арттырып,елжандылыққа,патриоттыққа ұрпағымызды іскер,қабілетті тұлға етіп тәрбиелейтін іс-шара болды. Ал«Әдептілік,ар-ұят-адамдықтың белгісі» атты сахналық көріністер «Үлкенді сыйласаң-қадірлі боласың,Кішіні сыйласаң -құрметті боларсың» деген мақсатпен 4 сынып «Шал мен бала» шалдың рөлін сомдаған Құлатай Бексұлтан, көрші баланың рөлінде Құттыбай Алдияр,немересі Мүстажап Елдос осы көркем шығармадағы кейіпкерлердің мінез -құлқын,сенім-нанымын көзқарасын суреттеді. Сол кейіпкерлердің сөйлеу мәдениеті,үлгі боларлық қылықтары арқылы көрсетті. 1 сынып «Жаман жолдас», 2 сынып « Адалдық» 3 сынып «Жалқау балапан» көріністер көрсету арқылы шындық пен өтірікті салыстырып,шындықтың мәңгі өмір сүретіндін,амал достық пен адал достықтың,жақсы-жаман әрекеттеріне көз жеткізді. Оқушылардың қызығушылықтарын оятып,ғажайып әлем-білімге жетелейтін шығармашылықпен жұмыс жасайтын ұстаздардың заманауи технологияларды пайдаланып өткізген ашық сабақтары да өз деңгейінде өтті.Атап айтсақ, 4 сыныпта(мұғалімі Сеитова Б.Ж.) математика пәні бойынша «Көп таңбалы сандарды екі таңбалы сандарға жазбаша бөлу тәсілі » оқушылар интерактивті тақтаны пайдаланып, бөлудің жазбаша тәсілдерін, шығармашылық жұмыстарын өздігінен қалай жасайтынын, балалардың арасында алғыр,зерек өз ойын ұялмай жеткізе білетін балалардың көптігі мұғалімдерді қуантты.1 сыныпта(мұғалімі АпетовТ.Т.) ана тілінен интерактивті тақтаны пайдаланып, «Жуан және жіңішке айтылатын сөздер.Білім» сабағына қатысып,биыл ғана мектеп табалдырығын аттаған бүлдіршін балдырғандардың білімге деген құштарлығымен бірге тәлімді тәрбие алып жүргенінің куәсі болдық. 2 сыныпта (мұғалімі Оспанова А.Қ.) дүниетанудан « Өсімдіктердің өсіп-өнуі үшін не қажет?» топпен,әр-түрлі әдіс-тәсілмен жүргізген сабағы өте тартымды өтті. Оқушылар өздеріне берілген жұмыстарына жауапкершілікпен қарап,қорғай білді,бейнелеу өнеріне де бейім екендіктерін көрсетті. 3 сыныпта (мұғалімі Қызбикенова Қ.Қ.) қазақ тілінен интерактивті тақтаны пайдаланып «Түбір мен қосымшаның жазылуы» тақырыбында «Жеті атасын білген ер, жеті жұрттың қамын жер» -демекші жеті ата ауылына саяхат жасады.Оқушылар өздерінің жеті аталар да тізбектеп атап шықты. Сабақ барысында ата,әке,бала,немере,шөбере,шөпшек,немене ауылдарының тапсырмаларын орындап,өздерінің алғыр,зерек ойлы екендіктерін көрсетті. «Отанын,елін,жерін,жеті атасын біліп,ата-анасын сүйіп өскен бала халқын ешқашан жерге қаратпайды» -дегім келеді. 3 сыныпта ( орыс тілі пәні мұғалімі Амантаева С.А.) орыс тілінен «Снеговик» сабағына қатысып биыл бірінші жыл орыс тілі пәнін жаңа игеріп жатқан балаға мұғалім өзінің шеберлігімен оң нәтижелі бағыт беріп жатқандығы оқушыдан ақ көрініп тұр.Оқушылар көрнекілікті пайдаланып, алған білімін,тіл байлығын көрсетіп,ойын еркін жеткізіп, тақтада қатесіз жаза алды. Мұғалім баланың өз-өзін тұлға ретінде ойын еркін білдіре алатын сапаға жеткізеді деп толық сеніммен айта аламыз.Ұстаз еңбегі оқушы білімімен өлшенеді десек,ұстаз еңбегінің күрделілігі әрбір оқушы жүрегіне жол таба білуінде, әрбір баланың бойындағы қабілетті дамыту арқылы өзің өмірді, әлемді танып білуге, қоғам алдындағы жауапкершілік қасиеттерін сезіндіре білуінде жатыр.Бастауыш мектеп оқушысының жеке тұлғасын қалыптастыру, оның рухани әлемін байыту, жеке дарындылығын дамыту-ұжым мұғалімдерінің басты міндеті.

Баршын Сеитова

Бірлестік ОМ-нің

бастауыш сынып мұғалімі