Тақырыбы: Өсер елдің ұланымын

Раздел Начальные классы
Класс 4 класс
Тип Другие методич. материалы
Автор
Дата
Формат docx
Изображения Нет
For-Teacher.ru - все для учителя
Поделитесь с коллегами:

Сабақтың тақырыбы: «Өсер елдің ұланымын » тәрбие сағаты
Сабақтың мақсаты:
Оқушылардың жас мемлекетіміз Қазақстан үшін білім, ғылым үйреніп, еліміздің өркендеуіне үлес қосуы және ғылым, білімнің адам өміріндегі маңызы зор екендігін түсіну, оқушыларды отансүйгіштікке, Отанын мақтан тұтатын азаматы болуға баулу.
Сабақта қолданатын СТО стратегиялары: топтастыру, эссе, автор орындығы.
Сабақтың көрнекілігі: слайд, плакаттағы суреттер, пирамидаға жасауға арналған қағаздар.
Сабақтың барысы:
І. Қызығушылықты ояту
Оқушылармен сәлемдесу, сабаққа назарларын аудару.
-Оқушылар, Отан деген сөзді сендер қалай түсінесіңдер? Ойларыңды қағазға түсіріп көріңдер.
Отан сөзіне ой қозғау.(Әркім дәптерге жазып, топта талқылайды,
мұғалім тақтаға жазады.)

ІІ. Мағынаны ажырату
Мұғалім сөзі:
Жиырма жылдың ішінде кең байтақ дала¬да бұрын-соңды болмаған бүтіндей жаңа мемлекет - Тәуелсіз Қазақстан елі көш түзеді. Осы Ұлы көшті еліміздің тұңғыш президенті Н.Ә.Назарбаев бастады. Барлығымыз да бірлік пен татулықты ту етіп, ел экономикасын еселеуге үлес қоса берейік! Тәуелсіздігіміз баянды болсын! Сендер осы өсіп келе жатқан мемлекетіміздің кішкентай ұландарысыңдар. Еліміздің одан әрі өркендеп, дамуына өз үлестеріңді қосатын азамат болатындарыңа сенімдімін. Енді мен сендерге сұрақ қоямын, сендер жауап беріп көріңдер.
(Әр сұраққа жауап берген сайын қиылған қағаздардан пирамиданың қабырғаларын қалау керек, оны оқушылар тақтаға бір-бірдеп келіп жапсырады.)
І.- Қазақстан- көп ұлтты мемлекет. Халықтар арасындағы татулық дегенді қалай түсінеміз?
- Достық.
- Достық туралы қандай ән не өлең білеміз?
- «Дос болайық бәріміз», «Достар, достар» әні, т.б.(Оқушылардың әндерін тыңдау)
ІІ.- Мемлекетіміз өсіп-өркендеу үшін қазіргі уақытта сіздерге не қажет?
- Білім.
- Білімнің қажеттігі туралы айтып беріңіздерші?
- Болашақта өз елінің қожасы да, иесі де бүгінгі біз. Біз -жаңа ғасыр , жаңа мыңжылдықтың жас ұрпағы, егеменді елдің ертеңіміз. Біз еліміздің экономикасын, мәдениетін, білімін көтеретін азаматпыз. Сондықтан «Білекті бірді жығады, білімді мыңды жығады » деген қазақтың мақалын ескере отырып, сыныптастарым сендерді білімді болуға шақырамын.
ІІІ. - Ал, білімді игеру үшін бізге тағы не қажет?
- Денсаулық.
- Бірінші байлық- денсаулық дегенді қалай түсінеміз?
- Егер сен ауырып қалсаң білімнің де, байлықтың да қажеті болмай қалады. Мысалы мен өскенде тіс дәрігері боламын. Тісіңді тазалап, тәттіні аз жесең, өмірің ұзақ болады.
ІV. - Ата-аналарың күнде қайда барады?
- Жұмысқа.
- Ал, жұмыста не істейді?
- Еңбек етеді.
- Ендеше, еңбек туралы мақал-мәтел айтайық.
- «Еңбек - ердің сәні».
- «Еңбек -ата, жер - ана».
- «Еңбек пен оқу - аға мен іні».
- «Еңбек түбі - зейнет».
- «Еңбек барлығын жеңбек».
- «Еңбектің наны тәтті, жалқаудың жаны тәтті».
V. - Біз мектепке келіп білім алу үшін, аспанымыз ашық, еліміз тыныш болу үшін не қажет?
- Бейбітшілік.
- Біз кішкентай құрылысымызды аяқтадық.(Әр сұраққа жауап берген сайын пирамиданы қалау) Неге ұқсап тұр?
- Пирамидаға ұқсап тұр.
- Бейбітшілік пен келісім сарайына ұқсап тұр.
-Дұрыс айтасыңдар.
III. Ой толғау
- Олай болса, ойларыңды жинақтап , өз Отаныңа қандай үлестеріңді қосар едіңдер? «Өсер елдің ұланымын» тақырыбында шағын эссені жазуға 10 минут уақыт беремін. Жазылған эсселеріңізді автор орындығына келіп оқып бересіңдер.
Мысалы оқушылардың жазған эсселері:
1. Өз ойымды мына өлең жолдарымен жеткізгім келеді.
Үлгі бізге аталардың ерлігі,
Ұлағаты, өнегесі, еңбегі,
Тәуелсіздік туын ұстап жоғары,
Бүгінгі ұрпақ - болар елдің ертеңі.
2. Мен данагөй, асыл қасиетке бай елде дүниеге келгеніме мақтанамын, қазақ екеніме шаттанамын және елімізді ел етіп, жерімізді жер етіп, өлшеусіз еңбек етуінің арқасында өркениетке өрлеткен Елбасы Нұрсұлтан ағамызға ілтипатпен қараймын.
3. Еліміздің астанасы бас қаласы - Астана қаласы. Ол - бәріміздің сүйікті қаламыз. Астана да күн сайын сұлуланып, өсіп, өркендеуде. Астана - бәріміздің мақтанышымыз. Болашақта еліміздің өркендеуіне үлес қосамыз деп сеніммен айта отырып, еліміздің одан әрі өркендейтініне көзіміз әбден жетеді.Өйткені біз өсер елдің ұланымыз.
4. Менің өз армандаған мамандығым бар. Ол қазіргі елімізде болып жатқан көптеген дамытуларға байланысты. Яғни экономист болу. Бұл өте қиын да, қызықта мамандық. Мен елімнің экономикасын мықты елдердің қатарына қосылуына өз ықпалымды тигізсем деп ойлаймын. Мемлекеттің экономикалық жағдайына келетін болсам, әлі де дамымаған нәрсеміз өте көп, сондықтан да соларды дамыту жолында мен үздіксіз еңбек етемін, қолымнан келгеннің барлығын жасауға тырысамын.
Оқушылар кезек-кезек автор орындығына келіп, шағын эсселерін оқиды.
Мұғалім сөзі:
Елім, жерім, Отаным деп жұдырықтай жүректері шаттанған жас ұрпақ,ата-баба арманын жүзеге асыруды парыз деп білген ел перзенті, келешекке оң көзбен қарауды міндет деп білген жаңа ғасыр азаматы, абзал шәкірт,егеменді еліміздің ертеңгі болашағы жас шәкірттеріміз көңіліндегілерін қағазға сиғыза алмас, сия толтыра алмас өз шығармаларында мені де, сіздерді де тебірентті деп ойлаймын. Армандарыңызға жетулеріңізді тілеймін.Еліміздің одан әрі өркендеп, дамуына өз үлестеріңді қосатын азамат болатындарыңа сенімдімін.Сондықтан әрқашан биікке, алға, армандарға жете берейік. Сендер осы өсіп келе жатқан мемлекетіміздің кішкентай ұландарысыңдар. Еліміздің одан әрі өркендеп, дамуына өз үлестеріңді қосатын азамат болатындарыңа сенімдімін.
М. Жұмабаев айтқандай:
Арыстандай айбатты,
Жолбарыстай қайратты
Қырандай күшті қанатты.
Мен жастарға сенемін!

© 2010-2022