Сабақ жоспары әдебиеттік оқуЕй Астана (2-сынып)

Сабақтың тақырыбы : «Ей,Астана!» Нұрперзент Домбай

Сабақтың масаты: Отанымыздың белгілі жерлерін туралы мағұламаттар беруді жалғастыру.Бас қаламыздың мән-мағынасын түсінуге жол салу.

Күтілетін нәтижелер:

Пәндік нәтиже: өлеңдегі сөздерге мән бере отырып,қаланың сипаты арқылы оның идеялық маңызын ашу.

Жүйелі іс-әрекет нәтижесі: оқушының таным көкжиегін кеңейту,айтылған мәселе төңірегінде қызығушылығын тудыру арқылы өз бетімен жұмыс жасау дағдысын дамыту.

Тұлғалық нәтиже: Отанын,туған жерін сүюге,оны тнаи білуге,құрметтеуге тәрбиелеу.

Сабақтың кқрнекілігі: карта,тақта,бор,плакат,маркер,қосымша материалдар,суреттер,дәптер,үнтаспа,бейнетаспа.

Сабақтың барысы:

I.Ұйымдастырушы кезең.

А.Әр оқушы өзін бір қаламын деп есептеп,орындарына тұрып,қала аттарын айтады.

Немесе:

Ә. Ойын шарты:

Мұғалім өзен мен қала аттарын немесе қала мен ауыл аттарын атап,балаларды шатастырмақ болады.Өзен немесе ауыл аты аталғанда,оқушылар оң қолдарын көтереді немесе орындарынан қозғалмайды.Ал қала аты аталғанда,орынларынан жылдам тұрады (таңдау сіздің еншіңізде).

Бұл сергіту сәті үшін де қолайлы.

Тақтаға Қазақстанның бірнеше қалаларының аты (қалауыңыз бойынша) жазылады.

Мысалы:

Петропавл,Орал,Астана,Өскемен,Шымкент,Алматы.

Үш-төрт қала бойынша топқа бөлініп отыруға да болады.

Сұрақ:

-Балалар,осы қалалардың қайсысын ерекшелендірер едіңдер?

Таңдаған қала туралы «Біздің қаламыз . . .»-деп бастап,өздерінің білетіндерін,плакатқа бейнелегендерін қорғайды.Картадан сол қалалардың мекенжайын іздеп табу (мұғалімнің көмегі де керек болуы мүмкін).

Жұмыс нәтижесі қортылындыланады.Оқушылардың жұмыстары көрнекі жерге,тақтаға ілінеді.

Мағынаны тану.

-Осы қалалардың ішінде бас қаламыз қалай аталады ?

Олай болса,ақын Нұрперзент Домбайдың «Ей,Астана!» өлеңімен танысамыз.

Өлеңді мәнеріне келтіріп,мақтаныш сезіммен оқып беру.

Оқушыларға бірнеше рет оқыту.Балалардың оқуындағы дауыс ырғағына мән беріп,неге олай оқығагдарын сұрау.

Сұрақтар:

-Өлеңдегі ақынның мына сезісдері қай шумақтарды байқалады?

Тақтада:

1.Мақтаныш

2.Қуаныш

3.Арман,тілек

4.Сенім

-Ақын өлеңді неге қаратып айтқан?

-Астанаға қаратып айтқанын дәлелде.Шумақтан ізде.

Оқулықта берілген тапсырмалар мен сұрақтар бойынша жұмыстарды ретімен орындау.

Астана қаласы юойынша викториналық сұрақтар:

1.Астана туралы өлеңдер жазылып,кинофильмдер түсірілуде.Ал,балалар,мына суреттерден қай қала екенін ажыратып көріңдерші? (Дәптердегі сурет).

2.Астана шаһар ма,қала ма?Осы жерде сөздікпен жұмыс жүргізу.

3.Қаладағы иең биік ғимарат қайсысы? Ақын «биік» деген сөзді қандай басқа сөздермен берген?Дәптеріңе теріп жаз.

4.Астана бұрын қалай аталды? (Басқа сұрақтарды да таңлап алыңыз).

-Балалар,Астананы ақындар көп жазып,жырлауда.

Өлеңді оқып беру.Салыстыруға немесе қаланың қай аймақта орналасқанын айту үшін пайдалану.Бұл жерде картаға үңілу артық болмайды.Үзіліс арасында қаланы анықтап көруге мүмкіндік беру.Сарыарқа туралы қысқаша айту.

Арқадағы Астана

Құмартқан қарт,жас бала,

Бас иелі бас қала.

Алты алаш арманы-

Арқадағы Астана.

Гүл өседі тасқа да,

Құшағыңды аш,дала.

Естігенге ертегі

Арқадағы Астана

Нағашыбайц Мұқатов

-Астана туралы әндер де бар.

Оқушыларға ән шырқату немесе Астана туралы ән тыңдау,бейнетаспа арқылы қалаға саяхат жасау.

Үй тапсырмасы мұғалімнің қалауы бойынша.