Өзін-өзі тану Дұрыс әрекет ету. Парыз

Өзін-өзі тану сабағының жоспары

Мектеп:Егіндікөл орта жалпы білім беретін мектебі Мерзімі16.04.2013ж

Тақырып: Мөлдір бұлақ-жасыл құрақ

Құндылық:Дұрыс әрекет жасау. Парыз

Қасиеттер: қамқорлық,жауапкершілік,тәртіп

Мұғалім Жаксыгалиева Сандеш Сынып 6 сынып Оқушылар саны16

Сабақ 21 сабақ

Сабақтың мақсаты:

Балаларға «дұрыс әрекет жасау. Парыз »құндылықтары туралы түсініктерін кеңейту

Міндеттері:

• Табиғат пен адам үйлесімділігі, оның адам өміріндегі маңыздылығын түсіндіру

• Табиғатты сақтау ,аялау сезімдерін дамытуға ықпал ету;

• Табиғатқа сүйіспеншілікке,мейірімділікке, қамқорлыққа,жауапкершілікке тәрбиелеу.

Сабақ барысы:

І.Ұйымдастыру кезеңі.

Тыныштық сәті / музыка ойналады/«Күн шуағы»

ІІ.Үй тапсырмасын тексеру .Сұрақтар қою

1.Табиғат неліктен әрі мейірімді ,әрі қатал?

2.Табиғат аясында тәртіп пен тазалықты сақтау неліктен қажет деп ойлайсыңдар?

3.Адамның табиғат алдындағы парызы неде?

ІІІ. Әңгімелесу/сұхбат/

«Құдіретті Жер Ана»

-Осы аңыздан не түсіндіңдер?

-Адамның табиғат алдындағы парызы неде екенін қортындыла

-Сен осы аңызды қалай аяқтар едің?

ІV.Дәйек сөз

Адамзаттың табиғатсыз күні жоқ

Табиғаттың мұны айтуға тілі жоқ

1.Бұл дәйексөздің мағынасын қалай түсінесіңдер?

2Табиғат адамзаттан не күтеді?

Адам табиғатқа мейірімділікпен,

сүйіспеншілікпен, тазалықпен қамқорлықпен қарап, үйлесімділік сақталғанда, адамзат баласы үшін табиғат - кең сарай, мәңгі тозбас құтты қоныс болады»

V.Шығармашылық жұмыс,топпен жұмыс

«Табиғатты қорғау және сақтау біздің парызымыз»

жобасын жасап жария ету/постер қорғау/ 3 топқа/

Өздерің тұратын жерлердегі табиғат

VІ.Топпен ән айту

«Айналдым сенен,атамекен!»Сөзі Ш.Сариевтікі

Әні: Ж.Тұяқбаевтікі

VІІ.Үй тапсырмасы

1.Жойылып ,құрып кету қаупі төніп тұрған табиғат атынан өтініш хат жазыңдар.

2. «Денсаулықтың он құпиясы»Адам Дж Джексон/мәтінін оқып келу/

VІІІ. Позитивті күйіне келу

Адамзат баласы үшін табиғат -кең сарай,мәңгі тозбас баспана . Демек өз төріңнің басындағы тәртіп пен тазалықты қалар болсаң түптеп келгенде табиғатпен санасу,оған қамқор болу-адамзат баласының асыл парызы.Табиғатқа немкетті қарау,онымен санаспау-ана сүтін ақтамағанмен пара-пар. Адам баласы Табиғаттың ең ұлы перзенті болумен бірге ең ұлы қамқоршысы да екенін ұмытпауымыз керек.

Мақсаты: Ішкі жан-дүниесінің тыныштығын қалыптастыру,жағымсыз ойлардан арылуға көмектесу

Өзіңе ыңғайлы жерді таңдап,денеңді бос ұстап,өзіңнің ішкі әлеміңе саяхат жасауға дайындалуыңды сұраймын.

Өзіңнің сұлулығымен, алтындай сары түсімен ,жылуы мен нәзік шұғыласымен көз қызықтыра жанып тұрған шырақ көз алдыңа келеді.көзіңді жұмып,сары түсті шуақ жалыны басыңның ішінде жанып тұр деп ойла.Одан шыққан шұғылаға бар зейініңді аудар. Осы сиқырлы жалынды ойша жүрегіңнен төмендеу жерге орналастыр. Сенің жүрегің күлтерін біртіндеп ашқан көктем гүлі сияқты ашыла бастағанын елестет. Жалын шуағы гүлдің дәл ортасына барып орналасты. Ол сенің жүрегіңді жылытып,жарықпен нұрландыруда. Бұл жарық сенің жүрегіңдегі барлық уайымдарды жуып,олардың орнын сүйіспеншілікпен толтырады. Сенің жүрегің Күн тәрізді нәзік шұғылалы жылу мен жарық жарық бөлуде. Жүректегі жарқырауы ерекше!

Күн шұғыласының күштілігі сондай,олар сенің басындағы бұлттарды ыдыратып,қуып жіберуде.

Міне, Күн шұғыласы сенің аузыңды толтырып,тіліңе де келіп жетті. Ол сені өзгелердің жанын жаралауы мүмкін,ойланбай айтылған сөздерден құтқарады.Шұғыла саған қайырымды ,жылы сөздерді таңдауға көмектеседі.

Күн шұғыласы сенің құлақтарыңды толтыруда. Естіген барлық керексіз,жағымсыз сөздер жоқ болып кетті. Енді сенің құлақтарың тек қана жағымды және жақсы сөздерді естисің

Шұғыла сенің көздеріңді толтырып,барлық көзің көрген жағымсыз жағдайларды жуып жіберуде. Ол саған барлық нәрсені жақсы жағынан көруге,ешқашан жолдан тайынбауыңа көмектеседі.

Жарық енді басыңды толтыруда. Саған өмір сүруге кедергі келтіретін және өзіңді бақытсыз сезінуге әкелетін барлық нашар ойлар із-түссіз жоғалуда. Олардың орнын тазада жағымды ойлар толтыруда

-жаттығу кезінде қандЕгер маған біреу дай күйде болдыңыз?

-қандай сезім пайда болды?

-қазір уайым мазасыздық бар ма?

Егер маған біреу

Орманға серуен

Мақсаты:

Бойыңызды тік ұстап,түзу отырыңыз. Көзіңізді жұмып,терең тыныс алыңыз,әрбір тыныс алған сайын босаңсуға тырысыңыз. Қазір біз орманға серуенге барамыз. Есікке қарай жүріп келе жатқаныңызды елестетіңіз. Есікті ашып,сыртқа шығыңыз. Таза ауамен тыныс алыңыз,самал жел жаныңызды желпиді,күн сәулесі бетіңізді жылытады.

Орманға қарай жүріңіз. Жердегі жәндіктерді баспауға тырысыңыз. Сәл кідіріңізде жан-жағыңызға қараңыз. Ағаштардың түсі,гүлдердің исі қандай?

Құстардың сайрағаны мен бунақденелілердің ызыңы естіледі. Орманға кірген кезде ағаштардың биік және көбейе түскенін байқайсыз. Жапырақтардың сыбдырына көңіл аударыңыз. Орманда біз өзімізді бақытты және қауіпсіз сезіне аламыз. Алаңқайға шықтыңыз,бұл жерде өзіңізге ұнаған ағаштың түбінде бірнеше минут тынығыңыз. Орныңыздан тұрып,ағаштың діңін құшақтаңыз. Ағаштың өмірлік күш-қуатын сезініңіз. Ол саған көп қуат береді. Енді арқаңызбен ағашқа сүйеніп отырыңыз. Көзіңізді жұмып,терең демалыңыз./мұғалім осы жерде 1-2 минут үзіліс жасай алады./ Табиғат қандай ғажайып,біз оның әрбір бөлшегін құрметтеп,аялап,қамқорлық жасау керектігін бірде-бір тірі затқа зиян келтірмеу керек екенін түсінеміз. Сіз өзіңіздің жеке ағашыңызға кезкелген уақытта келіп,күш-қуат ала аласыз. Ал енді кейін қарай қайтуға дайындалыңыз. Орныңыздан көтеріліп,айналаңызға соңғы рет көз тастаңыз. Келген жолыңызбен жәндіктерді басып кетпеуге тырысып, кейін жүріңіз.

Міне, біз мектептің есгінің алдына да келдік. Таза ауамен терең тыныс алып,есікті ашыңыз. Сіз өз орныңыздасыз. Осы тыныштық пен қанағаттылық сезімдерін өзіңізде сақтаңыз. Көзіңізді ашып,жымиыңыз.

Талдау

-жаттығу кезінде қандай күйде болдыңыз?

-қандай сезім пайда болды?

-қазір уайым мазасыздық бар ма?