- Преподавателю
- Начальные классы
- Ашық сабақ Сан есім 2 сынып
Ашық сабақ Сан есім 2 сынып
Раздел | Начальные классы |
Класс | - |
Тип | Рабочие программы |
Автор | Сарсембаева Ш.К. |
Дата | 02.02.2015 |
Формат | docx |
Изображения | Нет |
Сан есім
Сарсембаева Ш.К.
Қарасай ауданы ,Исаев ауылындағы бастауыш сынып мұғалімі.
1.Сабақтың мақсаты : оқушыларға сан есім туралы түсінік беру, сан есімдерге сұрақ қою, олардың қай сөзбен байланысып тұрғанын табуға үйрету,ой қозғау стратегиясын пайдаланып,оқушыларды сұрақ қоюға үйретіп,сауатты жазуға дағдыландыру.
2.Сабақтың тәрбиелік мақсаты : оқушыларды адамгершілікке,ұйымшылдыққа,шығармашылықпен жұмыс істеуге тәрбиелеу.
Сабақтың түрі: аралас сабақ.
Көрнекілігі: тікелей эфир,телефон,тірек сызбалары,бейне камера.
Әдісі: сын тұрғысынан ойлап талдау жасау,өз бетімен жұмыс,өз ойын қорғау,сұрақ-жауап.
Сабақтың барысы:
1.Ұйымдастыру кезеңі.
Терезеге күн шығысқа қарап алақандарын жайып ,күн жылуын алып бір-біріне беру.
Аспанға қараймыз,
Жұлдызды санаймыз.
Сабақтан бестік алып,
Қуанып тараймыз.
Тікелей эфир: Құрметті қонақтар,оқушылар біз бүгін сіздермен тікелей эфирдеміз.Бүгін бізге «Сан есім» қонаққа келіп отыр.Біздің телефонымыз 44-03-77.Бізге телефон шалып хабарласыңыздар.
2.Үй тапсырмасын тексеру.
Етістікті қайталау.
Бөлім бойынша өткен сабақты қайталау.
---Балалар ,біз қандай үлкен тарау өтіп жатырмыз? Кім болам?ойыны арқылы сөз таптарын қайталау.Ұшқыш,мұғалім,құрылысшы,әнші мамандықтары бойынша зат есім,етістік,сын есімдерді қайталау.
---Біз осылардың ішінде қайсысын өттік?(зат есім,етістік,сын есім)
---Енді,қазір біз «кім жылдам?»ойынын ойнаймыз.Бұл ойынның ерекшелігі,барлық тапсырмалар тікелей эфир болғандықтан телефон арқылы беріледі.
3.Өткен сабақты қайталау.
Сұрақтар:
1.Зат есім дегеніміз не? Оның сұрақтары қандай?
2.Зат есімнің көптік жалғауларын ата ?( -лар,-дар,-тар,-тер)
3.Негізгі және туынды зат есім дегеніміз не ?
4.« Әке» сөзін тәуелде.
5.Етістік дегеніміз не ?
6.Дара және күрделі етістік дегеніміз не ?
7.Негізгі және туынды етістік дегеніміз не ?
8.Туынды етістіктің жұрнақтарын ата.(-ла,-ле,-та,-те,-да,-де)
9. Болымды және болымсыз етістік дегеніміз не?
10.Болымсыз етістіктің жұрнақтарын ата.( -ба,-бе,-па,-пе)
11.Сын есім дегеніміз не? Оның сұрақтары қандай ?
12.Негізгі және туынды сын есім дегеніміз не?
13.Туынды сын есімнің жұрнақтары қандай ? (- ғыш,-гіш,-қыш,-кіш,-дай,-дей,-дау,-деу,-лау,-леу,-тау,-теу)
4.Жаңа сабақ.Сан есімді түсіндіру.
---Балалар,жылдың неше мезгілі бар? ( төрт)
--- Көктем айлары нешеу?( үшеу)
---Қазір қай мезгіл ?( Көктем)
--- Сен нешінші сыныпта оқисың?( үшінші)
---Отбасында қанша адам бар?(Бес)
---Сенің досың нешеу?(екеу)
---Сен нешінші партада отырасың?(үшінші)
---Мен сендерге қандай сұрақтар қойдым ?( Қанша? Неше? Нешінші?)
--- Ендеше балалар,бүгін біз сан есімді бастаймыз?
Ұзын мойын,екі ішек,
Қатар-қатар тепкішек.
Басып көрсең бір-бірлеп,
Үн шығады күмбірлеп.
---Осы өлеңде қарамен жазылған сөз нені білдіреді ?Кім сан есімнің ережесін өз түсінігі бойынша айтып береді.
5.Оқулықпен жұмыс.
1-жаттығу.Өтірік өлеңді мәнерлеп оқу.Сан есімді табу.Қарамен жазылған сөздерге сұрақ қою.Өтірік өлеңге жалғастырып,өлең құрастырту.
2-жаттығу.Уақыт өлшемдерін сөзбен жазып,сөйлемдерді көшіру.
3-жаттығу.Математика сабағымен байланыстыру.Мәтінді оқып,сан есімді табу.
4-жаттығу.Сан есімдердің қасына тиісті зат есімдерді қойып жазу.Өз беттерінше жұмыс.
6.Сабақты қорытындылау.Қасиетті қоржыннан нөмірленген асықтарды алып,карточкадағы сұрақтарға жауап беру.
7.Үйге тапсырма.201-ші бет, 5-жаттығу,жұмбақты шешу,сан есімді табу, ереже жаттау.
---Құрметті қонақтар,оқушыла,көрермендер телефон шалып,хабарласқандарыңызға рахмет.Келесі кездескенше сау болыңыздар!