Н хәрефен өйрәнү темасына дәрес эшкәртмәсе

Тема:Н авазын хәреф белән тамгалау.

(дәрестән өзек)

Максат: эн хәрефен башка хәрефләрдән аерырга өйрәтү.

Дәрес планы

1 Мотивлаштыру-ориентлаштыру этабы.

1.Актуальләштерү.

2.Уку мәсьәләсен кую.

2 Уку мәсьәләсен өлешләп чишү.

Мультфильм карау.

Анализлау.

Слайд карау.

3 Рефлексив бәяләү.

1.Рефлексив кабатлау.

2.Узбәя.

Дәрес барышы

• Укучылар,дәресебезне башлыйбыз. Әлифба дәресендә без ниләр эшлибез?

• Без авазларны хәрефләр белән тамгалыйбыз.

• Нинди авазларны хәрефләр белән тамгаларга өйрәндек?

• А,ә,у,ү,л,р,м

• Ничек уйлыйсыз,бүген ни эшләрбез?

• Яңа авазны хәреф белән тамгаларбыз.

• Дөрес, без бүген яңа авазны хәреф белән тамгаларбыз.Әйдәгез парларда авазларны тамгалау ысулын алымын искә төшерик.

(Алымны сөйлиләр,тактада ачылып барыла.)

• Яңа авазны өйрәнергә безгә фильм ярдәм итәр.(мультфильм карала)

• Укучылар кояш нәрсә сибә?Нур.Әйдәгез ,бу сүзгә ысулны кулланып дәфтәрләрдә анализ ясыйк.Тактадада эшләргә теләүче бармы?

• Кайсы аваз хәреф белән тамгаланмады?

• Схемага карап әйт әле, ул нинди аваз.

• Кем белә бу нинди хәреф.

• Әйе,ул нәрсәгә ошаган?

• Әйдәгез, бергә әйтеп, аның әйтелешен һәм язылышын истә калдырабыз.(хор белән, парда)

• н хәрефе менә бу йортларның ниндиендә яшәр.(тартыкларныкында)

• Нинди катта?(икенчедә)

• Димәк ,без бүген өйрәнергә теләгән н хәрефе нинди авазның тамгасы инде?

• Яңгырау тартык н авазының тамгасы.

• Әйе,хәзер бергәләп н авазы кергән сүзләрне табыйк.Слайд.(сүз башында,уртада,ахырда)

• Димәк н калын һәм нечкә яңгырау тартык.

• Искә төшерик,дәрес башында нинди максат куйган идек?(яңа аваз өйрәнербез дидек)

• Өйрәндекме?Улнинди хәреф?

• эн -хәрефе.

• Дәрестә кем барысын да аңлады яки авырыксынган мизгелләр калды-ярдәмче карточкалар белән күрсәтик әле.

• Яхшы,н авазы кергән дустыбыз турында физкультминутка ясап алгач, китап белән эшне дәвам итәрбез.