Кешірімді бала-кішіпейіл бала2-сыныптағы өзін-өзі тану пәнінен ашық сабақ

Өзін - өзі тану сабағының жоспары

Тақырып: "Кешірімді бала - кішіпейіл бала"

Құндылық: Дұрыс әрекет

Қасиеттер: кішіпейілділік, тәрбиелілік, адамгершілік.

Сынып: 2

Сабақтың мақсаты:

«Кешірім» ұжымының «дұрыс әрекет» құндылығы ретінде мәнін ашу.

Сабақтың міндеттері:

• кішіпейілділікке, кешірімділік туралы түсініктерін кеңейту;

• кішіпейілділікке бейім қабілеттерін дамыту;

• кішіпейіл, кешірімді болуға тәрбиелеу.

Ресурстар: оқулық, дәптер, ватман, маркер, бейнепроектор, ән мәтіні

Сабақтың барысы:

1. Ұйымдастыру кезеңі. (1 мин)

2. Тыныштық сәті.Нұрға бөлену. (3-5 мин)

Нұрға бөлену

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз. Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздеріңізге де жетті, көзіңіз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеіңізден шығып жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды түсініспей, ренжісіп жүрген адамдарға да бағыттаңыз, олардың жүрегі нұрға толсын.

Осы нұр бүкіл әлемге: барлық адамдарға, жан-жануарларға, өімдіктерге, барлық тірі жанға таралсын. Ғаламның барлық түпкір-түпкіріне нұр бағыттаңыз. Ойша айтыңыз: "Мен нұрлымын...Нұр менің ішімде. Мен Нұрмын". Осындай Нұр, Махаббат және Тыныштық күйінде отыра тұрыңыз. Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жәймен көзіңізді ашуға болады. Рахмет

3. Үй тапсырмасын тексеру. (10 мин)

Сабақ барысын талдау

4. Дәйексөз. (5 мин)

Кешірім - ізгіліктің белгісі.

(халық даналығы)

Оқушылар бірнеше рет қайталап, дәйексөзбен танысады.

• Мағынасын қалай түсінеміз?

• Ізгілікке қандай қасиеттер тән?

• Кішіпейіл болу дегенді қалай түсінесіңдер?

5. Әңгімелеу (мұғалім сыйы) (9 мин) КешірімР.Әбілқадырова

Тұрсын мектептен көңілсіз қайтты. Үн-түнсіз отырып, тамағын ішті. Бір кезде:

• Апа, әлгі біздің кешені сыпыратын атай ауруханаға түсіп қалыпты, - деді.

• Ә, бұл бейнет дегенің де тілсіз жау екен ғой. Құрал-жабдықтарын қоятын сарайының төбесін жөндеймін деп жүріп, мертігіпті, байғүс. Апа, ұрыспайсыз ба? - деді Тұрсын қипақтап.

• Не үшін? Екілік алғаннан саумысың?

• Жоқ екілік емес. Одан да жаман...

Жұлқысып келіп отыр екенсің ғой. Жетпегені сол еді! Бәсе, желкеңді сипалай бергеніңнен бір нәрсені ішім сезген.

• Апа, айтайын дегенім, аула сыпыратын атайға барсам деймін. Халін біліп кешірім сұрайын.

Жағдай сұрағышын. Қақ-соқпен жұмысы жоқ деп жүрген бала сен болсаң, көгертеді екенсің. Дәл казір бар және жалғыз емес, қасыңда болған нөкерлеріңді де ертіп ал. Сендердің кешірім сұрағандарыңнан сауығып кете қоймас. Сөйтсе де жан жарасына себі тиер.

Апасы жұмысына кетті. Тұрсын аула сыпыратын картқа барды.

- Бір қателік кеткен шығар. Ештеңе етпес, бәрінен де қателіктеріңді түсіне білгендерің жақсы. «Көл бақасыз болмас, адам қатесіз болмас» деген, - деді қарт.

- Балалар өз кателіктерін қалай түсінді?

- Атай қаңдай жақсы қасиет танытты?

- Өздерің атайдың орнында болсаңдар не істер едіңдер? Мәтіндегі ойдың шешуін төмендегі ойын-жаттығу арқылы да ұйымдастыруға болады.

6. Шығармашылық жұмыс, топтық жұмыс. (10 мин)

Оқушыларды кешірімді, кішіпейіл болуға дағдыландыру мақсатында ойын ұйымдастыруға болады.

Оқушылар парта қатарларына қарай 2 топқа бөлінеді. 1-топ -«Кешірім - сыпайылық белгісі» тақырыбында (үлкендер мен балалар рөлінде) әдептілікті, кішіпейілділікті, 2-топ - «Кешірім - татулық негізі» (достар немесе сыныптастар рөлінде) тақырыбында достықты сахналастырып көрсетеді.

7. Топпен ән айту. (3 мин)

«Бақытты балдырған» әні.

Сөзі: Е.Өтетілеуов

Әні: И.Нүсіпбаев

8. Үй тапсырмасы. (1 мин)

Эссе. «Әдепті болу үшін мен не істер едім?»

Оқулықтың 40- бетіндегі М.Мақатаевтың «Көшеде» өлеңін оқып келу. «Досым көп болсын десең» тақырыбында өз ойларыңды жазыңдар.

9. Сабақ соңындағы тыныштық сәті. (2 мин)

Баяу әуен қойылады. Оқушылар денесін, басын тік ұстап, көзін жұмып отырады.

Мұғалім жәй дауыспен:

«Бүгінгі сабағымызды есімізге түсірейікші. Жақсыны естіп, айтып бәріміздің көңіл - күйіміз көтерілді. Ісіміз де, сөзіміз бен ойымыздай, болатынына сенімдімін. Сабақта көрініс тапқан жақсы қасиеттер жүректерімізде сақталып, іс жүзіне асырылсын. Жақсы ой ойлайық, жақсы сөз сөйлейік, жақсы іс жасайық! Осындай тыныштықта сәл отыра тұрайық. Қандай жан тыныштығы! Енді жайлап көздеріңді ашуға болады»