Тесты для тематического контроля по крымскотатарскому языку в 3 классе

Тешкерюв иш « Сез чешитлери» 3-юнджи сыныф

I - вариант

1. Насыл сезлерге исим дейлер?

а) предметлернинъ аляметини бильдирген ве насыл? суалине джевап берген сезлерге

б) инсанларнынъ, айванларнынъ ве шейлернинъ адларыны бильдирген ве ким? не? суалине джевап берген сезлерге

в) предметлернинъ иш- арекетини бильдирген ве не япа? не япаджакъ? не япты? киби суаллерге джевап берген сезлерге

2. Исимлерни бельгиленъиз:

а) уятты, чапа, сачаджакъ,

б) къырмызы, томалакъ, юксек

в) бала, сыгъыр, ягъмур

3. Насыл сезлерге фииль дейлер?

а) предметлернинъ аляметини бильдирген ве насыл? суалине джевап берген сезлерге

б) предметлернинъ иш- арекетини бильдирген ве не япа? не япаджакъ? не япты? киби суаллерге джевап берген сезлерге

в) инсанларнынъ, айванларнынъ ве шейлернинъ адларыны бильдирген ве ким? не? суалине джевап берген сезлерге

4. Шимдики заман фииллери нени бильдире?

а) иш арекетининъ шимди олаяткъаныны бильдире ве не япа? не япам? не япалар? киби суаллерге джевап бере

б) иш арекетининъ олып кечкенини бильдире ве не япты? не яптылар? не яптым? киби суаллерге джевап бере

в) иш арекетининъ бундан сонъ оладжагъыны бильдире ве не япаджакъ? не япаджам? не япаджакълар? киби суаллерге джевап бере

5.Исимлерге уйгъун сыфатларны язынъыз

Шорба ( насыл?) Огълан ( насыл?)

Къыш ( насыл?) Мектеп ( насыл?)

6. Фииллерни язынъыз, заманыны бельгиленъиз

Бакъаджам, джыйдым, келеджек, чапам, отура, корьди, тюшюне, темизлейджек.

Тешкерюв иш « Сез чешитлери» 3-юнджи сыныф

I I- вариант

1. Насыл сезлерге сыфат дейлер?

а) предметлернинъ аляметини бильдирген ве насыл? суалине джевап берген сезлерге

б) инсанларнынъ, айванларнынъ ве шейлернинъ адларыны бильдирген ве ким? не? суалине джевап берген сезлерге

в) предметлернинъ иш- арекетини бильдирген ве не япа? не япаджакъ? не япты? киби суаллерге джевап берген сезлерге

2. Сыфатларны бельгиленъиз:

а) ачмакъ, турды, бермеди

б) япракъ, оджа, ёл

в) сары, балабан, индже

3. Кечкен заман фииллери нени бильдире?

а) иш арекетининъ бундан сонъ оладжагъыны бильдире ве не япаджакъ? не япаджам? не япаджакълар? киби суаллерге джевап берелер

б) иш арекетининъ олып кечкенини бильдире ве не япты? не яптылар? не яптым? киби суаллерге джевап бере

в) иш арекетининъ олаяткъаныны бильдире ве не япа? не япам? не япалар? киби суаллерге джевап бере

4. Келеджек заман фииллери нени бильдире?

а) иш арекетининъ олаяткъаныны бильдире

б) иш арекетининъ олып кечкенини бильдире

в) иш арекетининъ бундан сонъ оладжагъыны бильдире

5.Исимлерге уйгъун сыфатларны язынъыз

Чипче ( насыл?) Талебе ( насыл?)

Чечек ( насыл?) Эв ( насыл?)

6.Фииллерни язынъыз, заманыны бельгиленъиз

Сыздым, беклейджем, юкледилер, бегенем, яза, къачты, сорайджакъ, чалыша.

Тешкерюв иш « Сеслер ве арифлер» 3-юнджи сыныф

I - вариант

1.Къырымтатар элифбесинде къач ариф тутукъ сеслерни бильдире?

а) он ариф

б) йигирми беш ариф

в) отуз еди ариф

2. Ашагъыда берильген арифлерден созукъ сеслерни бильдирген арифлерни язып алынъыз.

А, м, и, т, л, о, я, з, е, э, р у, ю, ы, б, ё.

3. Тутукъларнынъ чифтлерини язынъыз.

б - ... д - ...

... - ф ... - ш

г - ... з - ...

... - къ ... - ч

4. Индже созукъларнен кельген сёзлерни язып алынъыз.

Къартоп, инджир, багъджы, ине, ёлдаш, елькен, зурна.

5. Сёзлерни эджаларгъа болип язынъыз.

Эмшире, куреш, бахшыш, боя.

6. «Даре» сёзюнде сеслерни талиль этинъиз.

Тешкерюв иш « Сеслер ве арифлер» 3-юнджи сыныф

II - вариант

1.Къырымтатар элифбесинде къач ариф бар?

а) йигирми беш ариф;

б) отуз еди ариф;

в) отуз беш.

2.Ашагъыда берильген арифлерден тутукъ сеслерни бильдирген арифлерни язып алынъыз.

Е, б, з, и, к, н, о, п, э, р, д, я, ц, л, ф.

3.Дудакълы созукъларнен кельген сёзлерни язып алынъыз.

Дивар, комюр, табиат, торун, назик, атеш, чёмюч.

4.Къайсы сёзлерде е, ё, ю, я арифлери эки сесни бильдире? О сёзлерни язынъыз.

Тюш, юксек, ярыкъ, тёпе, ёлдаш, тешик, ель.

5.Сёзлерни эджаларгъа болип язынъыз.

Кемане, багъча, мевсим, ялы.

6. «Къаве» сёзюнде сеслерни талиль этинъиз.

Тешкерюв иш «Джумле» 3 - юнджи сыныф

1. Сёзлер группасындан джумлени бельгиленъиз.

а) Къыш ягъды къашкъыр сары

б) Япалакъ-япалакъ къар ягъа.

в) Бабасына Алим этти ярдым

2.Икяе джумлесини бельгиленъиз.

а) Дерс не вакъыт башланаджакъ?

б) Дерске ич бир вакъыт кеч къалманъыз.

в) Дерс вакътында башланды.

3.Эмир джумлесини бельгиленъиз.

а) Сервер, достум, кель берабер ойнайыкъ.

б) Тюневин манъа Сервер достум кельди.

в) Сервер, сен мектептен саат къачта къайтаджакъсынъ?

4. Суаль джумлесини бельгиленъиз.

а) Севем сени, гузель Къырым!

б) Айше, сен не вакъыт кельдинъ?

в) Февзи сютлю чай севе.

5.Джумлелерни етишмеген сёзлернен толдурып язынъыз.

Муптеда ...?, ... ?, ... ?, ...? суаллерине джевап бере.

Хабер ... ?, ...?, ...? киби суаллерге джевап бере.

Муптеда ве хаберге джумленинъ ... ... дейлер.

6.Джумлелерни язынъыз. Джумлелерде муптеда ве хаберни бельгиленъиз.

Акъбардакъ Къырымнынъ дагълы орманларында осе.

Юсуф ёлда торгъайчыкъны тапты.

Мышыкъ куместен чипчесини хырсызлады.

Къырымтатар тили 3- джи сыныф

Тешкерюв иш « Сез. Сез теркиби.

I - вариант

1. Насыл сезлерге синонимлер дейлер?

а) айтылувы ве язылувы бир, амма маналары башкъа олгъан сезлерге

б) айтылувы ве язылувы башкъа, амма маналары бир, я да бири - бирине якъын олгъан сезлерге

в) маналары къарама къаршы олгъан сезлер

2. Къайсы джумледе « тутты» сезю догъру манада къулланылгъан.

а) Айше анасы айткъан сезлерни акъылында тутты.

б) Бекир агъа, иштен къайтаяткъан къомшусыны лафкъа тутты.

в) Айдер озенден балыкъ тутты.

3. Берильген сезлерге синонимлер тапып язынъыз.

къол- давуш-

мектепли- акъ-

уфакъ- ренк-

4. Берильген сезлерге антонимлер язынъыз.

гедже- яхшы-

аджджы- йымшакъ-

уфакъ- къыш-

5. Берильген сезлерге тамырдаш сезлер тапып язянъыз. Тамырыны ве ялгъамаларыны бельгиленъиз.

багъ-

шекер-

аякъ-

6.« Ватан» сезюне келишкен ялгъамаларны къошып язынъыз.

Ялгъамалар:

-ым; -им; -даш; -деш; -гъа; -ге; -дан; -ден; -ны; -ни;

Къырымтатар тили 3- джи сыныф

Тешкерюв иш « Сез теркиби».

II - вариант

1. Насыл сезлерге антонимлер дейлер?

а) айтылувы ве язылувы бир, амма маналары башкъа олгъан сезлерге

б) айтылувы ве язылувы башкъа, амма маналары бир, я да бири - бирине якъын олгъан сезлерге

в) маналары къарама къаршы олгъан сезлер

2. Къайсы джумледе « къара» сёзю кочьме манада къулланылгъан?

а) Дайим къара къаве иче.

б) Дост къара куньде белли олур.

в) Ислям къара аякъкъапларыны устагъа алып барды.

3. Берильген сезлерге синонимлер тапып язынъыз.

бита- дагъ-

тюркю- буюк-

аиле- эмек-

4. Берильген сезлерге антонимлер язынъыз.

ятмакъ- тез-

енгиль- къалын-

бермек- яш-

5. Берильген сезлерге тамырдаш сезлер тапып язянъыз. Тамырыны ве ялгъамаларыны бельгиленъиз.

Дагъ-

Туз-

Къулакъ-

6.« Шеэр» сезюне келишкен ялгъамаларны къошып язынъыз.

Ялгъамалар:

-ым; -им; -даш; -деш; -гъа; -ге; -дан; -ден; -ны; -ни;