Воспитательние мериоприятии Бақыт гүлін терген күн!

Тақырыбы: «Ұстазым, ұлағатым үлгі-өнегем»
Мақсаты: Аналар мен әжелерді, қыздарды халықаралық 8-наурыз мерексімен құттықтау.
Көрнекі құралдар: плакат, шар, сөздер, магнитофон.

1 - жүргізуші: Той пердесін ашайық
Тойға шашу шашайық
Аналарды құрметтеп
Ән маржанын ашайық.

2 - жүргізуші: Ана дейміз бәріміз де аңқылдап,
Ана дейді жас сәби де жарқылдап,
Ана деген бәйтерегі өмірдің,
Ана деген алтын қазық алтын бақ.

1-жүргізуші: Сәлеметсіздер ме құрметті қонақтар! Бүгінгі біздің 2 «д» сыныбымен бірлесіп ұйымдастырылған «Ұстазым, ұлағатым үлгі-өнегем» атты ертеңгілігімізге қош келдіңіздер!

2-жүргізуші: Қымбатты қонақтар, сүйікті аналар, әжелер, ұстаздар бүгін көктемнің алғашқы мерекесі 8 Наурыз құтты болсын!

Хор: Көктем келді. Орындайтындар 2 «д» сынып оқушылары

1-жүргізуші: Келесі кезекті оқушыларымызға берелік өз аналарына деген құттықтау тілектерін білдірсін

1.Жан анам, құттықтаймын, мейрамыңмен,
Көктемнің құлпыра бер нарт гүлімен.
Өрлесем елің берген бақыт бағың,
Жазбасын шат көңілің, шат күйінен.

2.Бала, бала, бала деп,
Түнде шошып оянған;
Түн ұйқысын төрт бөліп,
Түнде бесік таянған;

Аялы қолды талпынтқан,
Қаймақты сүттей қалқытқан;
Суық болса жөргегін,
Қорғасындай балқытқан;

Айналасына ас қойып,
Изенді көлдей шалқытқан;
Қолын қатты тигізбей,
Кірлі көйлек кигізбей,
Иісін жұпар аңқытқан
Бұл кім?
Бәрі: - Ана

3. Сөздерді ең аяулы,
Жақсы көріп жаттадым.
Енді білдім оларды
Кімнің ойлап тапқанын.
«Ана» деген сөзді де,
«Аға» деген сөзді де,
«Әке» деген сөзді де,
«Тәте» деген сөзді де,
«Ата» деген сөзді де,
«Апа» деген сөзді де, -
Ойлап тапқан балалар!
«Жаным, күнім» дегенді,
«Құлыншағым» дегенді,
«Ботақаным» дегенді,
«Қошақаным» дегенді,
«Айналайын» дегенді,
«Толғанайым» дегенді,
Ойлап тапқан аналар!

4.Анам мені: «Айым» - дейді,
Мен мұңайсам, уайым жейді,
Анам мені: «Күнім» - дейді,
Мен қуансам, күлімдейді.

2-жүргізуші: Ән «Анаға салем» Орындайтындар сыныбымыздың ұл балалары

5. Әлемдегі ақылды адам,
Бәрінен сол жақын маған!
Ол жанымда жүрсе ,мен де,
Батырларша батылданам.

6. Мәпелейсің мені, анам,
Қолыңдағы құсыңдай.
Құлпыра өсіп дем алам,
Құшағыңда қажымай.

7. «Күнім»,- дейсің мені,
Күн мейірі сенде.
Күннің ыстық лебі,
Құшағыңа теңбе?
Айналайын ,ана! (бірге)

8. «Жаным»,- дейсің мені,
Жаратушым бір сен.
Жалғыз өзің тегі,
Жанашырым білсең.
Айналайын ,ана! (бірге)

9. «Құлыным», - деп мені,
Құрақұштың дәйім.
Қамқоршым-ау, сені
Қалай ұмытайын.
Айналайын ,ана! (бірге)

1-жүргізуші: Вальс биін тамашалаңыздар

10. Таусылмайды өлеңі,
Күнде айтып береді.
Барған сайын бір жаққа
Кәмпит алып келеді.
Әжем мені, өйткені,
Өте жақсы көреді.
Сахналық көрініс
Құрметті көрермендер белгілі ақын Қабдікәрім Ыдырысовтың
«Әжесі мен немересі» атты сахналық көрінісі тамашалаңыздар!

- Жүрегім кім менің?
- Мен!
- Тірегім кім менің?
- Мен!
- Сәнім кім менің?
- Мен!
- Ботақаным, бағлан қозым,
Не деген тәтті баласың өзің!
Ой, қарғам менің!
- Жоқ, әже, қарғаң мен емес!
Жо... жоқ, қарға болмаймын,
Керегі жоқ ондайдың.
Қарға «қарқ-қарқ» етеді,
Алысқа ұшып кетеді.
Қасыңда боп әрдайым, Мен ешқайда бармаймын.

2-жүргізуші : Хор: «Ақ дидарлы анашым»

1-жүргізуші:
Болар күнде алаң,
Жанашыр кім саған?
Бәрі:Анам

2-жүргізуші:
Болсаң егер жаман,
Кейитін кім саған?
Бәрі:Анам

1-жүргізуші:
Таң қалғандай ғалам,
Кім ең сұлу адам?
Бәрі:Анам

2-жүргізуші:
«Боташым» дер саған,
Кім сүйікті адам?
Бәрі:Анам

11. Жамандықтан сақтандырып,
Жақсы ісімді мақтан қылып.
Мәпелелеген ақ мамамды,
Жүрсем деймін шаттандырып.

12.Еркелесем, күлімдейтін,
Ұрысқаны білінбейтін.
Маңдайымнан иіскеп менің,
«Құлыншағым, күнім», - дейтін.

13. Айналайын, анашым,
Көкте нұр боп жанасың.
Ет жүрегің елжіреп,
Құшағыңа аласың.

14. Айналайын, анашым,
Аялайсың, бағасың.
Менің үшін не керек -
Бәр ініздеп табасың.

15. Көктемде көңілді,
Құстар кеп жатқанда.
Құлпыртып өңірді,
Гүл ектік бақтарға.

16. Гүл ектік аулаға,
Көктемде көңілді.
Бақта да, бауда да,
Ақгүлдер өрілді.

1-жүргізуші: Қазақ биін тамашалаңыздар

1-жүргізуші: Әлпештеген аялаған

Ақ сүт берген апатайым

Өз қолыммен жазып бүгін

Мейрамыңмен құттықтаймын-дей келе оқушыларымыздың еңбек пәнінен жасаған құттықтау парақтарын өз аналарына табыс етсін.

2-жүргізуші: Келесі кезекті ер балалар атынан сыныбымыздың қыздарына кішкентай сыйлықтарымызды табыс етуге рұқсат етіңіздер.

1-жүргізуші:
Сен жалықпай жетектеп,
Мен жаттыға жетермін.
Айтқаныңды екі етпей
Ақ сүтіңді ақтармын.

2-жүргізуші:
Көрсетемін күллі елді,
Жарық етем түндерді.
Өсіріп мен сыйлаймын
Жұрт көрмеген гүлдерді,- дей отырып 8-наурыз мерекесіне арналған «Ұстазым, ұлағатым үлгі-өнегем» атты концертімізді аяқтауға рұқсат етіңіздер.

Бәрі:
Бәрі жақсы ананың,
Бәрі де оның керек-ау...
Бірақ әрбір баланың
Өз анасы бөлек-ау!