Открытый воспитательный час на темуАна

Тақырыбы: Айналайын ақ анам.

Мақсаты: Оқушыларды мейірімділікке тәрбиелеу.

Ана мен бала арасындағы қарым-қатынасты нығайту.

Оқушылардың дарындылығы мен мәнерлеп, түсініп оқу қабілеттерін дамыту.

Анасын сүю арқылы еліне,жеріне деген сүйіспеншілігін арттыру.

Барысы:

1. Ұйымдастыру кезеңі: көңіл-күйді бір арнаға келтіру.

Оқушылар: Жақсы оқып сабақты

Әдеп сақтау сәніміз.

Сәлем бердік сіздерге,

Басты иіп бәріміз.

Мағынаны тану:

"Қамқоршы ,дос,ақылшы,аяулы,мейірімді,жанашыр,жарық өмір сыйлаушы"

-Балалар,осы сөздер кімге лайық деп ойласыңдар?

-Бұл сөздердің барлығы анаға ғана лайықты екен.

Жер бетіндегі ең әдемі сөз-АНА.Адам алғашқы сөзінде осыдан бастайды.Жер бетіндегі тілдердің бәрінде де осы сөзі ерекше қастерлі.

Ана есімін аузына алмайтын адам баласы жоқ шығар.

Ана-перзент тәрбиелеуші,ана-қызметкер.Әркім өз анасы жөнінде толғанады,ойланады,сағынады,қолынан келгенше мәпелейді.Ана алдындағы борышын өтеуге тырысады.

Құрметі аналар,ұстаз-аналар,қыздар,гүлдей құлпырып,күндей күліп жүре беріңіздер,балаларыңызбен бірге бақытқа бөлене беріңіздер!

Күндей нұрлы жанары,

Қош келдіңіз,аналар!

Мерекемен шуақты,

Құттықтасын балалар,-деп кезекті оқушыларға берейік.

1-Оқушы:

Қайырлы күн,құрметті аналар,ұстаздар,оқушылар!

2-Оқушы:

"Айналайын ақ анам"атты тәрбие сағатымызға қош келдіңіздер!

1-Оқушы:

Мереке құтты болсын,аналарым,

Тойлап жатқан қала мен далаларым.

Міне гүлің!Біздей гүлің боламыз,

Бас иеміз сіздерге,даналарым!

2-Оқушы:

Сыйлаған маған өмірді,

Анашым менің аялы.

Жүрегі жұмсақ,көңілі,

Күн шуағы сияқты.

Ән: "Анашым"

3-Оқушы:

Мейірімді анам-күн нұры,

Шапағы мол шашылған.

Ол-өмірдің бұлбұлы,

Гүлі менмін ашылған.

4-Оқушы:

Ананың қолы ең қасиетті,аялы қол,ол нені болса да атқара алады.

5-Оқушы:

Ананың жүрегі ең сенімді және сезімтал жүрек,оның сүйіспеншілігі ешқашан сөнбейді.

6-Оқушы:

Өскенде мен енді

Аралаймын әлемді.

Сыйлық әкеп әжеме,

Таң қалдырам әжемді,

Өте жақсы көремін

Өйткені мен әжемді.

7-Оқушы:

Әжелерді құттықтап,

Қуантатын күн келді.

Әже деген көп шығар,

Әжемдейі жоқ шығар.

8-Оқушы:

Сыйлаған өмір сендерге,

Қастерле анаңды ардақта.

Жүрекпен терең сезіне,

Қадірлей біл әр уақытта.

9-Оқушы:

Ана деген адамға құтты мекен,

Әр адамға анаменен адам екен.

Бір өзіңе көрсеткен жақсылығым,

Бір күнгі тәтті ұйқымнан садаға екен.

10-Оқушы:

Баланың да тірегі,

Даланың тірегі.

Шаншымасын ешқашан,

Аналардың жүрегі.

11-Оқушы:

О,Анашым,таянышым,тірегім,

Бар бақытты бір өзіңе тіледім.

Балам жақсы болсыншы деп қашанда,

Лүпілдейді сенің қамқор жүрегің.

12-Оқушы:

Бәрімізге анасың,

Біз үшін күн боп жанасың.

Құтты болсын мейрамың,

Құттықтаймын анашым.

13-Оқушы:

Ананың әрбір сөзі ой талабы,

Жүректің тереңіне сақталады.

Өзіміз елін сүйген ұландар боп,

Ардақты ана еңбегі ақталады.

14-Оқушы:

Достықты біз сыйлаймыз,

Бірге күліп,ойнаймыз.

Қыздарды да құттықтап,

Мерекесін тойлаймыз.

15-Оқушы:

Мен өзіңмен қайда болсам біргемін,

Махаббатың жүрегімде жүр менің,

Күн нұрындай жадырай бір күлгенің,

Қандай жақсы қасымызда жүргенің.

16-Оқушы:

Сенен өскен балалар,

Батырлар мен даналар.

Құттықтаймыз мейраммен,

Құрметті,аналар!

17-Оқушы:

Ардақты ана,аяулы ана,қымбаттым,

Тәтті ұйқыңды бөліп талай түн қаттың.

Өміріме нәрін берді ақ сүтің,

Кең құшағың аясындай гүл бақтың.

15-Оқушы:

Той көктемді ел қуанып қарсы алды,

Жыл құстары қайта келіп ән салды.

Құрбы қыздар,ұстаздар мен аналар,

Мерекемен құттықтаймыз баршаңды.

Ән: Апа туған күніңмен.

Ата-бабаларымыздан қалған өсиет сөздерге құлақ асайық:

Ата:

Үйдің алтын қазығы кім,балам?

Бала:

Үйдің алтын қазығы-бала.

Ата:

Жоқ,балам,үйдің алтын қазығы-ана.Ана ақылды болса,бала дана болады.Ана тәрбиесі-қызға үлгі,әке тәрбиесі-ұлға үлгі.Айтшы,балам,анаң,әкең,ағаң,інің,қарындасың кім болады?

Бала:

Ата,олардың мәнін сіз түсіндіріп беріңізші?

Ата:

Анаң-ақылшың,әкең-тірегің,ағаң-қамқоршың,інің-сүйенішің,қарындасың-қанатың.

Би: "Вальс"

Мұғалім:

Біздің аналарымыз әр түрлі салады қызмет атқарады,олар әр түрлі мамандық иелері.

Енді балаларымыздың "Менің анам" атты тақырыбына салған суреттері мен жазған шығармаларын тамашалайық.

Бәрі жақсы ананың,

Бәрі бізге керек-ау.

Бірақ,әрбір баланың,

Өз анасы бөлек-ау.

"Құлыным" дейді анам,

Бірақ мен баламын.

"Әппағым" дейді анам,

Бірақ мен қарамын.

"Ана" деген сөзді де,

"Апа" деген сөзді де,

"Әке" деген сөзді де,

"Тәте" деген сөзді де,

"Аға" деген сөзді де,

Ойлап тапқан балалар.

"Күнім, жаным" дегенді,

"Ботақаным" дегенді

"Қошақаным" дегенді

"Толғанайым" дегенді

"Айналайын" дегенді

Ойлап тапқан аналар.