3 сыныпқа арналған сабақ жоспары

Күні: 24.01.13

Тақырып: «Жануарларға ауа, жарық, жылу және су қажет»

Мақсаты: 1.Оқушыларды жануарлардың топтарымен таныстыру, олар жайлы қысқаша мағлұмат беру, олардың тіршілік етуіне қажетті жағдайларды білу; 2. Оқушылардың танымын кеңейту, материалды тез қабылдауына жол ашу, өз пікірін айтуға төселдіру; 3.Қоршаған ортаны, жануарларды қорғауға, аялауға тәрбиелеу. Сөздік қорларын байыту.

Сабақтың түрі: Жаңа сабақ

Сабақтың түрі: саяхатқа шығу

Әдіс-амалдар: Түсіндіру, зерттеу, сұрақ-жауап түсіндіру, сұрақ-жауап, іздендіру, жүйелеу.

Көрнекілік: Орман плакаты, сызбалар, сөзжұмбақ.

Сабақтың барысы:

І. Психологиялық дайындық

Қоршаған орта табиғат,

Жануар, өсімдік, адамзат.

Сүю, қорғау - парасат,

Білейік оны - жамағат.

ІІ. Үй тапсырмасы:

Балалар біз орманға пойызбен саяхаттауға шығамыз.

-Пойызға міну үшін біз ге не керек?

-Билет.

-Бұл жерде касса бар. Билет сатып алу үшін біз сұрақтарға дұрыс жауап беруіміз керек. Сондықтан сұрақты мұқият оқимыз да, жауап береміз.

1. Қысқыға азық дайындайтын аң. (Борсық)

2. Жылдың жартысын ұйқымен өткізетін жануар. (Кірпі)

3. Қыста азығын табиғаттан іздейтін аң. (Түлкі)
4. Мүйізінен дәрі жасалатын жануар. (Бұғы)

5. Шөлге шыдамды жануар. (Түйе)
6. Қыста ұйқыға жататын аң. (Аю)
7. Өмірі жарық көрмей үнемі топырақ арасында тіршілік ететін жануар. (Соқыр тышқан)

8. Жануарлар топтарын ата. (Жабайы аңдар мен үй жануарлары)

9. Қандай жануарлар жем іздеуге түнде шығады? (Жыртқыш аңдар)

10. Қандай жыртқыш аңдарды білесің? (Қасқыр, түлкі, барыс, жолбарыс)

ІІІ. Жаңа сабақ: -Жақсы балалар сұрақтарға дұрыс жауап бердіңдер. Енді бәріміз жайғасып пойызға отырамыз да саяхатқа орман ішіне саяхатқа барамыз. Бірінші аялдамамыз: Аю аңы туралы қысқа кім айтады? -Аю-қоңыр түсті, аяғы күшті, тырнағы өткір, тісі мықты, ірі аң. Аю - шөппен, жидек, ағаш және шөптің тамыры, саңырауқұлақ, балықпен қоректенеді. Аю тапсырмасы: «Сөз жұмбақ» шешу.

Ж ы р т қ ы ш т а р

1.

А ю

2.

қ о я Н

а У а

4.

з е б р А

ш е г і Р т к е

1. Жануарларды аулап, етпен көректенетіндерді нелер деп атайды?

2. Жаз бойы орман кезеді,

Жеміс жидек тереді.

3. Қысқа қарай жерін өзгертетін жануар?

4. Тыныс алу үшін не қажет?

5. Үсті - басы жолақ,

Құйрығы шолақ.

6. Шөптің түсімен түсі бірдей жәндік.

Жануарлар

Жабайы аңдар Үй жануарлары

(қасқаю, барыс, аю) (түйе, сиыр, қой)

-Жануарларға тіршілік ету үшін не қажет?

-Жануарларға тіршілік ету үшін жарық, жылу, ауа, су қажет.

-Бүгінгі біздің тақырыбымыз.

-Сол тақырыппен толық танысу үшін саяхаттқа шығайық. Бәріміз орындығымызды дұрыстаймыз, әдемілеп отырамыз.

-Дайынбыз ба?

-Саяхатқа шығайық. Екінші аялдамамыз: Барыс аңы туралы не білесің? -Барыс-Қазақстандағы ең ірі, жабайы мысық тұқымдас аң. Биік тау басында тіршілік етеді. Бұл-ақылды, мықты, сымбатты жыртқыш.Ол таутеке, арқар аулайды. Суыққа шыдамды. Сұрақ-жауап ─ Өсімдіктің тірі организм екенін дәлелде. ─ Өсімдіктің мүшелері және оның қызметі жайында айт. ─ Күзде жапырақ неге сарғаяды? ─ Шырынды және құрғақ жемістерге мысал келтір. ─ Өсімдікке не керек? ─ Өсімдіктердің көбею түрлері қандай? (тұқым, түйнек, пиязшық) Үшінші аялдама: Ақбөкен аңы туралы не білесің? -Ақбөкен-ерекше жануар. Оның тұмсығы етті, кеңсірігі дөңес, танауы салбыраған жұмсақ болып келеді. Денесі сымбатты, аяғы жіңішке және мықты. Ақбөкендер шөппен қоректенеді. Дәптермен жұмыс: Кәне дәптерлеріне ақбөкеннің суреттің саламыз. Төртінші аялдама: Түлкі аңы туралы не білесің? -Түлкі-Қазақстанның барлық жерінде кездеседі. Түлкінің терісі ашық сары түстен сұрғылт қызыл түске дейін болады. Ол тышқанмен қоректенеді.

Сергіту сәті.
Қорбаңдаған аюдың,
Құлпынайы көп екен.
Теріп-теріп алайық,
Қалтамызға салайық. Бесінші аялдама: Бұлан аңы туралы не білесің? -Бұлан-Қазақстандағы ең ірі тұяқты жануар. Оның биіктігі 2 метрге, салмағы 600 килограмға дейін жетеді. Шөппен, ағаш пен бұтаның жас бұтақтармен қоректенеді. Кітаппен жұмыс: Кәне балалар дүниетанудың 57 бетін ашамыз да тізбектеп оқимыз. Алтыншы аялдама: Қоян аңы туралы не білесің? -Қоян-желаяқ және сегіргіш. Көктем мен күзде терісінің түсін өзгертеді. Бұл оған жасырынуға көмегін тигізеді. Ол шөптермен қоректенеді. Ғажайып фактілер • Ірі қолтырауынның салмағы 450 кг тартады және 100 жастан астам өмір сүреді. • Ең ұзын бауырмен жорғалаушылар ─ жыландар.1912 жылы табылған өлі питоны өлшегенде 10 м-ді құраған. • Ең ауыр жылан ─ анаконда, салмағы 200 кг. • Ең ірі кеміргіш • Су шошқасы • Ең ірі аю • Поляр аюы (500кг) • Ең ұйқышыл сүтқоректі • Ұйқышыл тышқан • Ағашта тіршілік ететін ең ауыр сүтқоректі• Орангутанг (90 кг-ға дейін)
Жетінші аялдама: Тоқылдақ құсы туралы не білесің? -Тоқылдақ-тұмсығы мықты, тұмсығымен ағаштың қабығын оңай теседі. Тілі ұзын, жабысқақ әрі ұшында қатты түктері болады. Тілін қабықтың астына сүңгіріп жәндіктермен қоректенеді.

IV. Рефлексия

─ Сабақтан өзіңе қандай құнды материал алдың?

─ Не түсінбедің?

─ Не білгің келеді?

V. Бағалау

Белседі қатысқан оқушылар бағаланады.

VІ. Үй тапсырмасын беру

1.Мәтінді оқу, мазмұны

2.Жануарлар жайында жұмбақтар іздестіріп, кітапша жасау.

БЕКІТЕМІН:

№1 қазақ орта мектеп

директоры

Ережепова Г.Е.

_____________

« » ___2013ж

Күні: 24.01

Пән: Дүниетану

Мұғалімі: Касымова Ю.З.

Сынып: 2 «в»

Кабинет: 47

Сабақ: 3

Ашық сабақтың тақырыбы:

«Жануарларға ауа, жарық, жылу және

су қажет».

№1 қазақ орта мектебі

Ашық сабақтың тақырыбы:

2 «в» сынып жетекшісі:

Касымова Ю.З.

2012-2013 оқу жылы