Интеллектуалдық сайыс Тіл білгірі

Тақырыбы: «Тіл блгірі» интеллектуалдық ойыны

Мақсаты: Алған білімдерін грамматикадан ойын арқылы қайталау; ойлау, еске сақтау, қайта жаңғырту қабілеттерін, тіліміздің қызықты құбылысын түсіндіріп, оқушылардың біліктілігі мен танымдылығын арттырып, қызықты сұрақтар арқылы жауапты тез табуға, тапқырлықпен орындауға дағдыландыру; Ой-өрісін кеңейтіп, логикалық ойлауды, тапқырлықты, шығармашылықты дамыту; Білімпаздыққа, ізденімпаздыққа, ұйымшылдыққа, озық болуға тәрбиелеу.

І.Ұйымдастыру бөлімі

1) Алдын ала тағайындалған топтарды шақыру.
2) Әділқазылар алқасымен таныстыру.
3) Сайыстың мақсатымен таныстыру.
4) Топтардың аттарымен, ұранымен танысу.

Сайыстың бөлімдері:

«Зымыран сұрақтар»

«Полиглот» бәйгесі

«Сөзтапқыш»

«Көрерменнен базарлық»

«Жұмбақтар» шешу.

«Ойлан тап»

Сайысымыздың бет ашарын бастайық,

Көрерменді бір серпілтіп тастайық.
Таныстырсын сайыскерлер өздерін,

Өнеріне ду қол соғып қостайық",- деп, кезекті сайысқа қатысушы топқа берейік.

/Топтың аты мен ұраны таныстырылады/

«Ойшылдар» тобы:

«Бүгінгі жарысты қызықтап, Алға шығамыз қалықтап!»

«Данышпандар» тобы:

«Ойға аламыз, ойланамыз, Данышпандай ой-санамыз!»

Білімнің сырын ұғыңдар, Шығыңдар білім шыңына!

І айналым «Зымыран сұрақтар». Сұрақ-жауап сайысы

«Ойшылдар» тобы:

1.Дыбысты немен таңбалайды? (әріп)

2.Зат есім дегеніміз не?

3.Жалқы есімдер қалай жазылады?

«Данышпандар» тобы:

1.Сөз таптары ата?

2.Дыбыстар нешеге бөлінеді? /2/

3.Буыннан не құралады? /сөз/

ІІ айналым. «Полиглот»

Мықты болсаң - алдағыны басып оз.
Мықты болсаң - арттағыны жеткізбе!
Мықты болсаң - тайғанама көк мұзда! Мықты болсаң - бөгеттерді бұзып өт - деп сайысымыздың екінші кезеңіне өтейік.

«Ойшылдар» тобы:

1. Оқу білім бұлағы,
Білім өмір шырағы.
2.... ала болса, ауыздағы кетеді,
Төртеу түгел болса, төбедегі келеді. (алтау)
3. ... тас жарады,
Тас жармаса, бас жарады. (тіл)

«Данышпандар» тобы:

1. ... көпті жау алмайды,
   Ақылы көпті дау алмайды.(досы)

2. ... өссе елдің көркі,
   Гүл өссе жердің көркі.(қыз)
   3. Қына тасқа бітеді,
   ... басқа бітеді.(білім)
   ІІІ айналым « Сөзтапқыш»

І топ «Ойшылдар» тобы:

( Жануарлар сөзінен жаңа сөздер жасау )

ІІ топ

«Данышпандар» тобы:

(Қазақстан сөзінен жаңа сөздер жасау)

4-айналым «Көрерменнен базарлық»

(Топ ойыншылары қима қағаздағы сөздерді алып, қимылмен немесе жуық сөздермен түсіндіреді.)

Ат Көлік
Кітап Тақта

Жалау Қалам
Балмұздақ Телефон

5-айналым: «Жұмбақтар» шешу.

І топ «Ойшылдар» тобы:

Бiлiмнен мол сый-асы,

Балғындардың ұясы. (Мектеп)

Бiлiмнiң жол басшысы,

Шәкiрттiң қолбасшысы. (Мұғалiм)

Ұшымен қазық

Тор көздi жазық.

Үстiне өттiм,

Асыл сөз жазып. (Дәптер)

ІІ топ «Данышпандар» тобы:

Күмiс алмұрт тiлi бар,

Сыңғырлаған үнi бар.

Шақыратын бiлiмге,

Сағаты бар, күнi бар. (Қоңырау)

Оқушыға күнде ерiп,

Жүретiн не? (Күнделiк)

Iлулi тұр кең алаң,

Керегiмдi мен одан.

Жазып алам көшiрiп,

Сүртем сосын өшiрiп. (Тақта)

6-айналым «Ойлан тап» логикалық есептер беру.

Карточка №1. «Ойшылдар» тобы:

1.Бұтақта 10 торғай отыр еді. 6торғай ұшып кетті. Нешеуі қалды?
2. Асанда 9 теңге болды. Ол 1 теңге тауып алды. Неше теңге болды??
3. Сыныпта 9 ер бала, ал қыздардың 4 - еуі кем. Қыздар нешеу?
4. Үстелде 6 кітап және одан екеуі артық дәптер жатыр. Дәптер нешеу?
5. Арай 5 баға алды. Оның 4 - еуі бестік бағасы. Неше 4 - тік баға алды?
6. Анар математика сабағында 1 бестік, әдебиеттен 2 бестік, музыкадан 1 бестік бағасын алды. Барлығы неше баға алды?
7. Дилназда 3 марка, Асанда 7 марка. Дилназда Асанға қарағанда неше марка кем?

Карточка №2. «Данышпандар» тобы:

1. Айдар 8 марка сатып алды. 4 маркасын жоғалтты. Қаншасы қалды?
2. Анар 6 бестік бағасын алды. Сосын тағы 3 бестік бағасын алды. Барлығы неше баға?
3. Құмырада 3 раушангүл, ал қоңыраугүдің 2 - уі артық. Қоңыраугүл нешеу?
4. Өзенге 8 үйрек келеді, ал қаздың 2 - уі кем. Қаз нешеу?
5. Пакетте 7 тәтті бар. Оның біреуі ирис, қалғаны шоколад. Неше шоколад бар?
6. Арғын мен Диаста 9 мұз кәмпит бар. Арғын 4 - еуін жеді, Диас та сонша жеді. Қанша қалды?
7. Айданада 3 шоколад пен 1 мұз кәмпит бар. Шоколадтың мұз кәмпитке қарағанда нешеуі артық?

Қорытынды.

«Ұқыпты ұтар, ізденген табар, Оқыған озар, еріншек тозар» - демекші, бүгінгі сайысымыз өте көңілді, жақсы аяқталды. Алған білімдеріңді әлі де шыңдай беріңдер! Жақсылыққа, игілікке, Қазақстанның болашағын нығайтуға арнаңдар!