Сабақ жоспары: Шал мен бала

1.02.16ж.Сабақтың тақырыбы:Б.Соқпақбаев«Шал мен бала»

Сабақтың мақсаты: а) оқушыларға мәтін мазмұнын меңгерту. Талдау жұмыстарын жүргізіп, мәтіндегі негізгі ойды ұғындыру б) оқушылардың есте сақтау, зерделеу қабілеттерін дамыту, алған білімін іс жүзінде қолдана білу арқылы ой-өрісін дамыту. Сөздік қорын молайту, шығармашылық қабілетін дамыту.в)үлкенді сыйлауға , құрметтеуге, әдепті, сыпайы болуға тәрбиелеу. Сабақтың типі: жаңа білімді меңгерту. Сабақтың түрі: дәстүрлі сабақ

Сабақтың әдістер: ой қозғау стратегиясы, сұрақ-жауап. Сабақ көрнекілігі: суреттер,қар,көбелек.

Сабақтың барысы:І.Ұйымдастыру кезеңі. ІІ.Үй тапсырмасын тексеріп, бекіту.

ІІІ. Жаңа сабақ.Шал мен бала. Бердібек Соқпақбаев 1924 жылы Алматы обылысы Нарынқол ауданында дүниеге келген. Абай атындағы Қазақ мемлекеттік педагогика институтын бітірген. «Жұлдыз», «Балдырған», журналдарында қызмет еткен. «Менің атым Қожа» повесі оқырмандардың сүйікті шығармасына айналса, осы повесі бойынша түсірілген фильм 1967 жылы Канн фестивалінің жүлдегері атанды. Жазушының «Балалық шаққа саяхат», «Өлгендер қайтіп келмейді», «Жекпе - жек повестері, көптеген әңгіме, өлеңдері балаларға арналған. - ---Адам бойындағы қандай жақсы қылықтарды айта аласың?
- Ендеше, осындай жақсы қылықтар біздің басты кейіпкерімізде бар ма екен? Оқулықпен жұмыс.Мәтінді оқушыларға оқытып, сұрақтар қою арқылы жауап алу.

. 1 - бөлімді оқу.- Мәтіннің басты кейіпкерлері кімдер?- Бала неліктен шалға көмек берді? 2 - бөлімді оқу.- «Бейтаныс баланың көргенділік қылығы шалды сүйсіндірді» - осы сөздердің астарында не жатыр, қалай ойлайсың?
- Бала шиені ұрлаушылар жөнінде естігенде, неліктен міңгір ете қалды? 3 - бөлімді оқу.
- Оқиғаға тағы кім қосылды?
- Осындай жағдай саған таныс па? Сенің басыңда осындай жағдай болды ма? Қалай жол таптың? - Осы жерде сен үшін ең қызығы не болып тұр? (Сен нені тезірек білгің келіп тұр?) Мәтін соңындағы сұрақтарға жауап беру. 1. Мәулен шалмен қалай танысты ?2. Ақылды балалар шие ұрлағандарға қандай ақыл айту керек? Мәтіннен тауып оқы.3. Қарияның Мәуленмен қоштасар кезде айтқан сөзін тауып оқы. 4 - бөлімді оқу.
- Ақсақал қандай ой түйіндеді? Мәуленнің ұрлығын кешірді ме? Неліктен? Қалай ойлайсың?
«Жақсылыққа жақсылық әр кісінің ісі ғой» дегенді қалай түсіндің?

IY .Дәптермен жұмыс Қиын сөздерге тоқталып түсіндіру. 1.Бүкірлеу - еңкейген адам. 2. Қоба сақал - қалың сақалды. 3. Имек бас - қариялар ұстайтын аса таяқ. 4. Ілгері лықсып - алдына қарай жүру. 5. Қауқарсыз - әлсіз, күш-қуатсыз. 6. Біреулерді сүзе барып - біреулерді соға құлайтын еді.

Y.Сергіту сәті .Ойын: Кім шапшаң?

YI. Сабақты қорытындылау.Мәтінді «Болжау» әдісі арқылы оқу. (Мәтінді алдын ала бөлімдерге бөліп алу.)1 - Көмек. 2 - Жол көрсету. 3 - Сыныптас. 4 - Алғашқы кездесуді еске алу.

Оқушылардан мәтінде берілген сұрақтарға жауап алу: 1.Трамвайда кімдер келе жатыр? 2.Қарт балаға не үшін рақмет айтты? 3. Бала қарт кісіге тағы қандй көмек жасады? 4.Балаға қарт кісі не жайында әңгімеледі. 5.Бала неге қысылды?

YII. Үйге тапсырма:оқып, мазмұнын айту.