Қазақ тілі. Сөз таптары. 4сынып

Сабақтың тақырыбы: Сөз таптары

Сабақтың мақсаты: Оқушылардың сөз таптары туралы білімдерін жете меңгерту, ойлауға, ізденуге жетелеу.

Білімділігі: Сөз таптары туралы мәліметтерді еске түсіру, оқушылардың білімдерін, ұғымдарын, қайталау бекіту.

Дамытушылығы: Оқушылардың сөз байлығын арттыру, сауатты жазу дағдыларын жетілдіру, танымдық тапсырмалар арқылы оқушылардың дүниетанымы мен шығармашылық қабілеттерін байқау, дамыту.

Тәрбиелігі: Оқушылардың ана тілін сүюге, адамгершілік қасиеттерін қалыптастыру, сөздерді түсініп үлгі, өнеге алу.

Түрі: Саяхат сабақ

Әдісі: Түсіндіру, сұрақ - жауап, ұжымдық жұмыс.

Көрнекілігі: Слайд,интертақта сызбалар

Сабақтың барысы:

І. Ұйымдастыру кезеңі: Сәлемдесу,балалардың бүгінгі күндегі көңіл күйлерін анықтау.

Бәріміз орнымыздан тұрып сәлемдесейік

Хормен:

Жақсы оқып сабақты

Әдеп сақтау сәніміз

Сәлем бердік сіздерге

Басымызды иіп бәріміз

• Балалар сабақты жаңашыл педагог Шерхан Әленовтың тәлім сәтінен бастайық.

• Әрбір адам? - туыс, дос, жұрағат

• Әрбір сабақ? - үйрену, ұғу ұлағат

Әрбір ісін? - тірлік, тірек адамдық

• Әрбір сөзін? - шындық, бірлік, адалдық.

Олай болса, бүгінгі сабағымызды әрбір ісімізге мұқият болайық.

• Мен сіздерге сәттілік тілеймін.

Психологиялық дайындық Қазақ тілі - өз тілім, ана тілім, Абай, Мұхтар сөйлеген дана тілім. Қастерлейді ұл - қызың мәңгі сені Балалығым, бақытым, қазақ тілім!

• Міне балалар, кемеңгер ғұлама ақындарымыздың тілі - туған тіліміз - қазақ тілі сабағы.

Қызығушылықты ояту

• Назарымызды сабаққа аударайық.

• Балалар, бүгінгі сабағымыз ерекше болмақ.

• Біз бүгін еліміздің астанасы - «Астана қаласына» саяхатқа шығамыз.

Үй тапсырмасы

• Балалар үйге қандай тапсырма берілді?

• Оқушылар жауабы, тыңдалады.

• Егер сендер үй жұмысын дұрыс орындасаңдар, саяхатымызды Астана - «Бәйтерек» монументінен бастаймыз.

• Қане, үйге берілген тапсырманы кім оқиды?

• Оқушылар жауабы тыңдалады?

5 - жаттығу

Көкте жастық төгілді

Аппақ мамық сөгілді

(қар)

• Енді, балалар «Бәйтерек» монументі туралы азғана мағлұмат алайық (слайд)

«Бәйтерек» монументі деп аталады (бейбітшілік ағашы)

Астанамыздың және Қазақстандықтардың өміріндегі жаңа кезең символы. Биіктігі 97 метр, салмағы 85 тонна. Идеяның авторы - ҚР Президенті Нұрсұлтан Назарбаев

Жаңа сабақ

• Балалар,біз қандай сөз таптарын білеміз?

• Оқушылар, жауабы тыңдалды.

• Ендеше,тақтаға қарайық

• Тірек - сызбамен жұмыс.

Сөз таптары

Етістік

Зат есім

Сын есім

Сан есім

Кім? Не? Қандай? Неше?қанша? не істеді? Не қылды?

Кімдер? Нелер? Қай? Нешінші? Қайтті?

• Олай болса,бүгінгі сабағымызды сөз табы оның түрлерімен алған білімдерімізді жинақтап, ойымызды бекітіп, есте қалдыруымыз керек.

• Сіздерге сабақта белсенділік танытып, жақсы қатысу қажет.

• Ендеше, оқушылар саяхатымызды жалғастырайық.

• Алдымызда «Ақ Орда» Қазақстан Республикасы Президентінің резинденциясы (слайд)

«Ақ Орда» -Елбасының қатысуымен халықаралық құжаттарға қол қойылатын, ресми кездесулер , қабылдаулар келіссөздер өткізілетін орын.

Қазақстан Республикасының Парламент ғимараты мемлекеттің заң шығаратын билік орны.

Дәптермен жұмыс.

• Қане, балалар дәптерімізді ашып күн жады мен тақырыпты жазайық.

Көркем жазу.

Шешен сөз бастар,

Батыр қол бастар

Оқулықпен жұмыс

• Оқушылар енді кітаптағы жаттығуларға көңіл аударайық.

1 - жаттығу. Ауызша орындалады.

Мәтінді оқы. Көп нүктенің орнына тиісті сөз табын қойып айт.

Айналаңа бір уақыт зер салып қарашы. Сені жан - жағыңнан заттар қоршап тұр. Осы заттардың атын білдіретін сөздерді ... дейміз. (зат есім)

Заттардың қимылын, іс - әрекетін білдіретін сөздер ... деп аталады. (етістік)

Заттар әр - түрлі белгілерге (түрі, түсі, сапасы, саны) ие.

Тілімізде мұндай белгілер ... және ... арқылы беріледі.(сын есім. Сан есім)

«Думан» ойын - сауық орталығы. Орталық 2003ж ашылды. Орталықта қонақтардың басты келетін нысаны - мұхит орналасқан бірегей мұхит арал.

Топпен жұмыс.

Шығармашылық жұмыс.

Әр сөз таптары туралы не білеміз?

Әр сөз табы нені білдіреді?

Әр сөз табына байланысты сөйлем жазу. Слайд

Ханшатыры

Сауда ойын - сауық орталығы. Ғимарат биіктігі 150м алып түссіз шатыр. Оның ішінде супермаркет,кинотеатр, спорттық залдар, жасанды жағажайы бар аквапары, бассейндер орналасқан. 2010ж ашылған.

3 - жаттығу.

Сөздерді оқып, оларға сұрақ қой., мағыналарына қарай кестеге орналастыр.

Кестемен жұмыс.

Зат есім

Сын есім

Сан есім

Етістік

• Енді оқушылар саяхаттауымызды одан әрі жалғастырайық.

Слайд. «Мәңгілік ел» салтанат қақпасы. ҚР Тәуелсіздігіне 20 жылдығына арнап салынған. Биіктігі 21,5м,ені - 13 м 2011 жылы 16 желтоқсанда салтанатты түрде ашылды. Идея авторы Н.Назарбаев

Сергіту сәті.

Ән: «Көк тудың желбірегені»

Өз бетімен жұмыс.

(жай музыка жүріп тұрады)

4 - жаттығу.

Сөздерді оқы. Зат есім мен етістікті тіркестіріп жаз.

Қайық жүреді, бала жүреді, бақа секіреді, доп секіреді,құс ұшады, ұшақ ұшады, ағаш өседі, балақай жүреді.

• Қане оқушылар кім оқиды?

• -оқушылар жауабы тыңдалады.

Слайд. Назарбаев университеті - ел президенті Н.Назарбаевтың бастамасымен құрылып,оны жеке қамқорлығына алынған. Алғашқы студенттерін қабылдауды 2010 жылы қыркүйекте бастаған.

5-жаттығу.

Жаңылтпашты оқып, жатқа айт.

Ойын «Жаңылтпашты жаңылмай айт»

Оқушыларға хормен оқытылады.

Үш кіші ішік піштім

Бес кіші ішік піштім

Неше кіші ішік піштім

• Қане енді бәріміз тездетіп жаттап алайық.

• Балалар кім айтады?

Оқушылар жауабы тыңдалады.

• Балалар сөздердің қай сөз табына жататынын анықтайық.

Сұрақтар қойылады.

Оқушылар жауап береді.

Енді саяхатымызды одан әрі жалғастырайық. Алдымызда Есіл өзені.

Слайд. Есіл өзенінің жағалауы Астана халқы мен қонақтарының сүйікті демалыс орны.

7- жаттығу.

«Ой толғаныс» сәйкестендіру тесті.

Зат есім әдепті,қызық, қоңыр, қышқыл

Етістік жеті, тоғыз, жиырма,елу, мың

Сын есім аққу, емен,оқушы, ауа

Сан есім биледі, өсті,тазалады, ұшты

Өте жақсы балалар,енді Бейбітшілік пен келісім сарайына барып саяхатымызды аяқтаймыз.

Слайд. Бейбітшілік пен келісім сарайы. Мұнда әлемдік дәстүрлі діндер басшыларының съездері өтеді. Пирамида - бейбітшілік пен келісімнің мәңгі символы. Идеяның авторы ҚР Президенті Н.Назарбаев. архитекторы - Норманн Фостер (Ұлыбритания)

Семантикалық картамен жұмыс.

Қорытынды.

• Балалар біз бүгінгі сабақта қандай тақырыппен таныстық.

• Оқушылар жауабы.

Зат есім Етістік

Сөз таптары

Сан есім Сын есім

Бағалау.

Үйге тапсырма: 6 - жаттығу.145 - бет.