Конспект для уроков

Бөлекшора Нұргүл Қалыбайқызы

Бастауыш класс мұғалімі

Ғ. Ақтаев атындағы №6 орта мектеп

Ақтөбе қаласы, Ақтөбе облысы

Сабақтың тақырыбы: Алтыннан да ардақты.

Сабақтың мақсаты: Оқушыларға мәтіннің мазмұнын талдай отырып,

бидай туралы жалпы мағұлмат беру, негізгі ойды, идеяны

ұғындыру.

а)Білімділік: Оқушыларға мәтінді бөлімдерге бөліп әңгімелету,

көркем шығармаларды оқуға қызығушылығын ояту.

ә)Дамытушылық: Мәтін жайлы түсінігін кеңейту

мақсатында топқа бөліп пікір алмастыру және ойлау

қабілетін, тіл байлығын, сөйлеу шеберлігін дамыту.

б)Тәрбиелілік: Еңбекқорлыққа еркін ойын айтуға,ізденгіштікке,

ұйымшылдыққа, ұқыптылыққа тәрбиелеу.

Сабақтың типі: жаңа материалды меңгерту

Сабақтың әдісі: СТО, түсіндіру, әңгімелеу, ассоциация, ИНСЕРТ, эссе

Көрнекілігі: суреттер, ақынның портреті,интерактивті тақта

Пәнаралық байланысы: қазақ тілі, бейнелеу өнері, т.б.

Сабақтың барысы:

І. Қызығушылығын ояту.

- Психологиялық дайындық.

- Оқушыларды топқа бөліп отырғызу. (4-топқа бөлінеді)

1-топ: «Білгірлер»

2-топ: «Тапқырлар»

3-топ: «Ізденімпаздар»

4-топ: «Алғырлар»

- үй тапсырмасын сұрау.

- Әр топтан бір - бір оқушыдан сабақ сұралады. Оқушылар сабақ айтқан балаға сұрақтар қояды.

- Әлкейдің сүйікті ісі не еді?

- Әңгімедегі жер-су аттарына қарап, Әлкейдің туған жерін айт.

- «Кітап» туралы мақалдар білесің бе?

- «Дастандар» сөзінің мағынасы қандай?

ІІ. Мағынаны ашу.

- «Алтыннан да ардақты» деген сөзді балалардан қалай түсінетінін сұрау, білетіндерін ортаға салу.

1-топ: Бидайдың шығу тарихы

2-топ: Бидайдан не жасалады?

3-топ: Көрініс: «Бидай мен тышқан» ертегісі.

4-топ: Сөзжұмбақ, мақалдар, жұмбақтар.

- Мәтінді әр топқа бөліп, оқушыларға парақшалар таратылады. Оқушы оқып отырған мәтіндермен таныса отырып, оған түрлі белгілер қояды. Ең соңында мәтін бойынша талқыланады.

Сұрақтар қою:

- Атасының немересіне өсиет әңгімелер айтып беруіне не себеп болды?

- Атасының екінші әңгімесіндегі байды сипатта.

- Осы әңгімедегі қорытынды ой қай сөйлемдерде берілген?

- «Үлде мен бүлдеге орану » дегенді қалай түсінесің?

- «Жұт» деген не?

Білемін ˅

Білгім келеді -

Үйрендім +

- Бидайды бір сөзбен қалай атауға болады?

- Бидайды «дәнді дақылдар» арасынан ажырата білесің бе?

ІІІ.Сабақтың ой - толғаныс бөлімі:

- «Нансыз бір күн» деген тақырыпта эссе жазу.

- Бағалау

- Үйге тапсырма беру.

- (20-22 беттегі мәтіннен мазмұнын айту, әңгімедегі ұлағатты сөздерді тауып жазып келу)