Массаны өлшеу

Қарағанды облысы,

Сәтбаев қаласы,

Абай атындағы №4 лицей-мектебінің

бастауыш сынып мұғалімі

Маденова Эльмира Кайратовна

Математика, 4 сынып

Тақырыбы: Массаны өлшеу.

Мақсаты: -Оқушылар тонна, килограмм, центнер, граммтуралы өзіндік түсінік қалыптастырады, оларды қолданып есеп шығарады, жаңа есептер құрастырады.

• Оқушылар тонна, килограмм, центнер, граммтуралы өзіндік түсініктерді күнделікті өмірде қалайша қолдануға болатындығы туралы ойланады.

• Оқушылар шағын топтар құрамында тиімді түрде жұмыс ұйымдастырады, шығармашылық атмосферасынқалыптастыруға ат салысады, бір-бірінің пікірлерімен санасады.бір-біріне көмектеседі.

Сабақ тың түрі: жаңа сабақ

Сабаққа қажетті құралдар:

Сабақ барысы:

І. Ұйымдастыру кезеңі:

- Топқа бөлу. Оқушылар 4 баладан тұратын шағын топтарға «Броундық қозғалыс» ойыны бойынша бөлінеді.

Оқушылар сынып бөлмесінің ашық жерінде жиналып, мұғалімнің «Броундық қозғалыс!» деген командасы бойынша ерсілі-қарсылы, әрі-бері жүре бастайды. 10-15 секундтан кейін мұғалім «Тоқтаңыздар! Тапжылмай тұра қалыңыздар!» деп команда береді. Оқушылар тура сол жерде қозғалмай тұрып қалады. Мұғалім оларға жан-жағында тұрған балаларға қол созып, қолдарды түйістіріп, 4 баладан тұратын шағын топтарды құруды тапсырады. Оқушылар өз топтарын қалаулары бойынша атап, топ атауларын үшбұрыштаған қағаздарға маркермен жазып қояды.

-Ойсергек. Мұғалім оқушыларға «Әріптері ауыстырылған есімдер» атты ойынды ұсынады. Тақтаға әріптерінің орны ауысып кеткен сынып оқушыларының бірнеше есімі жазылады:

ЙТНЖСІЕА (СЕЙІТЖАН)

ААЫНҚТБЖ (БАҚЫТЖАН)

РАЛМҮИГ (ГҮЛМИРА)

МАОТРЖ (ЖОМАРТ)

Оқущылар жасырылған есімдерді табу керек.

ІІ . Үй тапсырмасын тексеру:

Топтық жұмыс. Оқушылар үй жүмысын қалайша орындағандығын топ ішінде талқылайды.

Жариялау. Бір оқушы үй тапсырмасын бүкіл сыныпқа оқиды. Қалған оқушылар есептің шығарылуының дұрыс-бұрыстығын айтады.

ІІІ. Жаңа сабақ. 1.Ауызша жұмыс. Зейінділік ойыны: ОИЯыМЕУИАОЫЯСЮЭСЫИЕА жазбасындағы А әрпінен басқа барлық дауысты дыбыстарды сызып тастаңдар. Қандай сөз шықты? (МАССА). Сендер массаның қандай өлшемдерін білесіңдер? Біздің сабақтың тақырыбы: «Массаның өлшем бірліктері. Тонна. Центнер». Т - тонна Ц - центнер КГ - килограмм Г - грамм 1 т = 10 ц 1 ц = 100кг 1 т = 1 000кг 1 кг = 1 000г 1 т = 10 ц = 1 000кг = 1 000 000г 1 ц = 100 кг = 100 000г 2.Ауызша есептеу. (әр топқа беріледі) А). Сандарды оқыңдар: 589, 45 879, 4 587 123 300, 100 258 400, 400 205, 100 320 567. Ә). 23 699-дан 23 704-ке, 67 998-ден 68 006-ға, 4 089-дан 4 094-ке дейін санаңдар. ІV. Тапсырма. Мұғалім оқушыларға оқулықтағы берілген №2 есепті шығаруды тапсырады. «Есепті дауыстап шығару» тәсілі. Оқушылар есептегі 4 мысалдың барлығын да кезекпен дауыстап, түсіндіріп шығаруы керек. Мәселен, мұғалім бірінші есепті шығаруды бір топқа тапсырғанда, топтағы бір оқушы есепті дауыстап шығарады. Басқалар одан қалыспай, есептің шығарылуын дәптерлеріне жазып отыруы керек. Осылайша барлық есептер шығарылады. Қорытындылау. Оқушылар мұғалімнің кқмегімен әр есеп бойынша тұжырым мен ереже құрастырып, оларды қалай қолдануға болатындығын сынып болып талқылайды. Тапсырма. Оқушыларға оқулықта берілген №3, 4, 5, 6 есептердішығаруды тапсырады. «Плюс кестесі» тәсілі. Жеке жұмыс. Оқушылар берілген есептерді бір-бірден бөліп алады, плакатты төртке бөліп, оның әр бөлігіне әрқайсысы өз есебін бөліп шығарады:

№3 №4

№5 №6

Топтық жұмыс. Оқушылар топ ішінде бірін-бірі есептердің шығарылуымен таныстырады, бір-біріне көмектеседі, есептегі түзетулер енгізіледі, ойларымен бөліседі. Содан кейін олар плакатты қабырғаға іліп қояды.

Қорытындылау. Мұғалім бір топтан өз жұмысын қорғауды сұрайды. Оқушылар әр есепті талқылап, оның шығарылуы бойынша ережені қайталайды.

Тапсырма. Мұғалім оқушыларға топ ішінде бірлесіп №7 есепті «Дөңгелек үстел» тәсілі бойынша орындайды.

Топтық жұмыс. Оқушылар берілген тапсырманы бірлесе жазып орындайды. Олар кезекпен өз түсініктерін келтіріп, есептің шығарылу ретін талқылайды.

Жариялау. Топтар кезекпен өз ойларын ортаға салады. Қалған оқушылар жауаптарды талқылап, оларды бағалайды.

V. Қорытынды.

Кері байланыс. Мұғалім оқушылардан сабақ туралы пікірлерін келесі сұрақтар арқылы айқындайды:

- Топ ішінде қалайша жұмыс жасадыңдар? Бір-бірлеріңізге қарқынды көмек бердіңіздер ме?

• Бүгінгі үйренгендеріңіз келесі сабаққа қажетті болады ма?

• Сабақ сіздерге ұнады ма?

VІ. Бағалау. «Бас бармақ».

VІІ. Үйге тапсырма: №8, №9