Патриоттық әндер байқауы 2015

Атырау облысы Атырау қаласы

М.Әуезов атындағы №7 орта мектеп

Зейнова Гүлжамал Жәңгірқызы

Тақырыбы: Патриоттық сайыс

Мақсаты: Оқушыларды Отан сүйіспеншілікке, патриотизмге тәрбиелеу, Отанды қорғауға, батыл да батыр ержүрек болуға үйрету, елін, жерін жаудан қорғай білуге тәрбиелеу.

Түрі: байқау

Көрнекілігі: слайд, суреттер,шарлар

Жүру барысы:

Армысыздар аяулы ұстаздар және оқушылар!
Ұлы Жеңістің 70 жылдық мерекесіне орай өткізгелі отырған Бастауыш сынып аралығында «Патриоттық әндер» сайысына қош келіпсіздер!

«Ешкімде, ешқашанда ұмытылмайды!» Өткенсіз бүгін, бүгінсіз болашақ жоқ. Кешегі өткен күндер тарих болып қатталады. Ұлт тарихындағы елеулі оқиға - 1941-1945 жылдардағы Ұлы Отан соғысы. Ол - тарих. Ешқашан өшпек емес.Кешегі Ұлы Отан соғысында жеңіске жеткен соғыс және тыл жауынгерлерінің, қала берді сол уақытқа тұспа-тұс келген ұрпақтың өмірі оңай болмады. Бүгінгі бейбіт күнге тәу ете отырып, өткенді еске аламыз.

1945 жылыдың 9 - мамырында біздің еліміз Фашистерді жеңді. Көптен күткен Ұлы жеңіс келді.
Алдымызда үлкен мереке келе жатыр. Ұлы Жеңіске 70 жыл толып отыр.

Жеңіс бізге атылған оқпен ғана келген жоқ, әнмен де келді. Жауынгерлерді ән алға жетеледі, жігерлендірді. Жаңа ерліктерге көтеріп, үлкен ұрыстарға жеңіс дабылын қақты.

Иә, содан бері 70 бейбіт жыл артта қалды.

70-жыл-бейбіт көктем таңы атқалы,

70-жыл -шуақты күн таратты әнін

Бейбіт тілеген әр отбасында сонан бері,

Ашылды жеңіс күннің парақтары.

Қуантамыз ән сап жұртты,
Келе берсін бақыт таңы.
Жеңіс күнің болсын құтты,
Батырлардың ұрпақтары - деп келесі бөлімімізді оқушылардың жеңіс туралы әндеріне береміз!

9 мамыр - жеңіс күні, адамзат аңсап күткен күн,

9 мамыр - жеңістің туын тіккен күн.

9 мамыр - азаттық күрестің айбынды күні.

Тоғызыншы мамырды жылда тойлап,
Келеміз біз, кетеміз өткенді ойлап.
Ағаштарға сыйлады жас жапырақ.
Гүл сыйлады далаға көктем де ойнап.
Жауды жеңді аталар ерлік етіп,
Шабыстарын тұлпарлар келді үдетіп.
Жұрт көшеге шығады ту көтеріп,
Жеңіс туын көтеріп желбіретіп.
Мінетін кезіміз де атқа бекіп,
Көрген емес есеміз жатқа кетіп.
Жеңіс тойын тойлайды балалар да
Әпкелердің ерлігін мақтан етіп.

Хор:»Шығыстың қос жұлдызы»

Соғыс деген - аққан соры ақсүйектің, құлдың да,
Соғыс деген - төккен ары ұлдың және қыздың да.
Соғыс деген - Сотқарлардың қолындағы найзасы,
Соғыс деген - соғыс деген - зұлымдықтың айнасы

Хор:»Соғыстан қайтқан солдаттар»

Батыр бала арқалаған ел жүгін,

Көрсетті де пионерлік ерлігін.

Отан үшін жау қолында жан қиды,

Сол үшін де ұмытпайды ел бүгін.

Хор: «Батыр бала Болатбек»

Барша халық жеңіс күнін тойлайды,

Жас сәбилер думандатын ойнайды,

Ардагерлер көздеріне жас алып,

Ұрпақтардың амандығын ойлайды.

Хор: «Жойылсын жалғыз сөз соғыс деген»

Жеңіс деген - жақсылықтың сыңары,
Жігер менен құштарлықтың құралы.
Күрескердің арманы мен ұраны,
Қуаныш пен мерекенің бұлағы.

Хор:»Егемен Қазақстан»

Жасасын жеңіс!

Бақытты елім күле бер!

Тәуелсіз болып болшағыңа жүре бер!

Болмасын соғыс!

Болмасын соғыс!

Болмасын!

Хор: «Жас ұландар»

Қорытынды:

Оқ пен оттан аман оралып,ортамызда жүрген ардагаер ағаларымызбен апаларымыз аға ұрпақтың жауынгерлік және еңбектегі ерліктерін әрқашан мақтан тұтамыз.Назар қойып тыңдағандарыңызға көп-көп рахмет.

М.Әуезов атындағы №7 орта мектеп

Байқау

Патриоттық әндер

Өткізген: Зейнова Гүлжамал Жәңгірқызы

Сыныбы:2-4 сыныптар