Ата-аналармен жұмыс

Ата-аналармен коучинг өткізу менің тәжірибемде жиіленді. Мен ата-аналар жиналысын сыни ойлаудың бірнеше стратегияларын ғана қолдану арқылы өткізетін едім. Енді өз тәжірибемде ата-аналар жиналысын сәтті өткізу жұмыстарын одан да жақсартудың жолдарын қарастыра бастадым. Мен Кембридж бағдарламасы ұсынған идеяларды меңгере отырып алған білімімді түрлендіріп отыруды көздеп келемін. Әр жұмыстың сапалы өтуіне ыңғайлы тәсіл іздеуді және сындарлы оқытудың теориясын тәжірибемен ұштастыруда іс-әрекеттің өзгеше көріністері мен тұстарын түрлендіріп отыруды жоспарладым. Жалпы сынып ата - аналар жиналысының басты мақсаты - сыныптағы ата - аналар ұжымымен бір уақыт ішіндегі байланыстың зор нәтижелі формасы және сынып жетекшісінің ата - аналар жүрегіне жол таба алу әдісі болып есептеледі.Сондықтанда сыныптағы ата-аналар жиналысын тиімді өткізудің маңызы зор.Кейбір сыныптың ата - аналар жиналысында көбінесе мынандай жағдайды көруге болады: жиналысқа қатысуға тиісті болған 28 ата - ананың тек 35-40 % ғана келіп отырады. Осыдан, біз, педагогтар, ата - ананың бала тәрбиесіне жауапсыз қарайтынын байқаймыз. Сол себептен ата - аналарға бала тәрбиесіне аса зор назар аудару керек екендігін ұғындыру мақсатында жиналыстарды тиімді, қызықты, мазмұнды және нәтижелі өткізуді жоспарлау қажет. Жоғарыда атап көрсетілген жағдайды өзгерту үшін «жиналыстарды қалайша қызықты және тиімді өткізуге болады?»- деген сұрақ туындайды. Бұл аталған сұрақтың шешімін табу мақсатында мен өз сыныбымдағы ата-аналар жиналысының бір түрін ұсынып отырмын. Әрине ата-аналар жиналысының еркін және ашық түрінде өткізудегі тиімділігі ол коучинг, тренинг, дөңгелек үстел,кофе -брейк т.б.жұмыс түрлерінде ұйымдастырылуы.Бүгінгі қоғам алдындағы басты мақсат өмірдің барлық саласында белсенді, шығармашылық іс әрекетке қабілетті, еркін тұлға тәрбиелеу. Ол үшін бала тәрбиесімен айналысатын отбасы, мектеп, қоғам және жұртшылықтың тәрбие ісі кіріктіріліп жүзеге асуы тиіс. Өйткені отбасына мектеп тарапынан білікті көмек қажет. Педагогтар мен ата аналардың өзара әрекетінің арқасында ғана оқушы тұлғасын дамыту мәселелерін табысты шешуге болады. Мектеп, мұғалім және ата-ананың орны бөлек, себебі бала бір жақты тәрбие алу мүмкін емес. Үйде ата-ана баулыса, мектепте мұғалімдер тәрбие береді. Тәлім-тәрбиедегі жарасымдылық бірлесіп жұмыс істеген жағдайда ғана үйлесімділік табады. Баланың өмір сүруге құштарлығының оянуы өзін қоршаған ортасына: мұғалімге, ата-анаға, бірге оқыған құрбы-достарына, олардың күнделікті іс-әрекеттеріне байланысты.Сол себептенде ата-аналар жиналысының тақырыбын «Туған күн кешінде» деген тақырыпта коучинг өткізуді ұйғардым. Коучингтің негізгі мақсаты: мектеп пен ата-ана арасындағы қарым-қатынасты күшейте отырып, отбасында балаға мерекелер ықпалын арттыру, бала тәрбиесінде ата-ананың алатын орнының ерекше екенін түсіндіру, ата-ана бойына өздерін тәрбиеші мұғалім ретінде қарауда қызығушылықтарын дамыту.

Коучинг ата-аналарды төрт топқа бөлу арқылы өткізілді. Ата-аналарға «Туған күн кешінде» әнінің сөзі таратылып беріліп, сол әнді шырқап беру тапсырылды. Содан кейін коучинг тақырыбы ашылды. Бұл тақырыпты алған себебіміз сыныбымыздың бастауышпен қоштасу тойына байланысты еді. Сонымен жалпы жұмыстар жөнінде түсінік берілді. Әр топ өздері жеребе арқылы тапсырманы таңдап алды. Бірінші топтағы ата-аналарға туған күн кешіне өлең немесе тақпақ шығару , екінші топ ата-аналарына туған күн кешіне ойындар ұйымдастырып ойнату , үшінші топқа - туған күн кешіне ас мәзірін дайындау постер жасау, ал төртінші топқа - туған күн кешіне бөлмені безендіру постер жасау. Постер қорғауда ата-аналар өз ойларын қарапайым тілмен толық жеткізе білді, сергіту сәтінде де ерекше қызығушылық танытты. Сонымен қатар,бірінші топ ата-аналары шығармашылық жұмыс жасап, өлең шығарды. Ал екінші топ ата-аналары ойындарын ойнатып өзге топтардағы ата-аналарды қуанышқа бөледі.

Жұмыстан кейін әр топ бірін-бірі «Екі жұлдыз, бір тілек» арқылы бағалады. Коучинг соңында алған әсерлерін ағаш бейнеленген суретке «Жиналыста айтылған мәселелердің сізге пайдасы бар ма?», «Өзіңізге маңызды қандай ақпарат алдыңыз?», «Алдағы жиналыста қандай талдау ұсынасыз ? » деген сұрақ төңірегінде өз пікірлері мен ұсыныстарын білдірді. Жалпы коучингтен ата-аналар ризашылық пен қуанышты көңіл-күйде тарқасты.

Рефлексия

- коучингтен кейінгі ата-аналармен жұмыстың дәстүрлі емес формасын қолданып өткізудің тиімділігі:

Ата-аналар жиналысында мектеп- оқушы-ата-ана байланысының пайдасы бар екендігі; әр ата-ананың өз баласын басқа қырынан тануға мүмкіндігі ашылды; Ата-анамен сынып жетекшісі арасындағы байланыс одан әрі нығайды; Ата-аналардың жиналыс жайында түсініктері өзгеріп, мектепке келуі жиіледі;

Бүгінгі таңда Қазақстандық жаңа тұрпатты мұғалім алдында екі ауқымды міндет тұр. Оның біріншісі - уақыт ағымынан қалмай, алға ұмтылған өзгермелі қоғамда заманауи талаптарға лайықты жауап беретін кәсіби шебер маман болу, екіншісі - кейінгіге қайта оралып, ата-бабаларымыз мирас етіп қалдырған ұлттық құндылықтарды оқушы бойына сіңіру. Осы екі міндетті шешкенде ғана біз ұлтымыздың білім мен мәдениетін әлемдік деңгейге жеткізетін жас ұрпақ тәрбиелей аламыз.