Ашық сабақ Таза Бұлақ Ыбырай Алтынсарин

Әдебиеттік оқу

Бекітемін:_____________ Күні:____________

Тақырыбы: Таза бұлақ. Ы.Алтынсарин

Мақсаты:

Білімділік:Оқушыларды топтық жұмысқа тарта отырып, бірлескен жұмыс арқылы нәтижелі білім алу жағдайын қамтамасыз ету. Әңгімедегі негізгі ойды таба білу, оқиғаны қиялымен ары қарай өрбіту, сын тұрғысынан ойлау дағдысын дамыту.

2. Дамытушылық. Дүниетанымын, ойлауын, өзіндік көзқарасын, таным процестерін дамыту. Сөз саптауын жетілдіру;
3. Тәрбиелік. Рухани тазалыққа, адамгершілік асыл қасиеттерге тәрбиелеу.

Сабақтың әдісі: топтық жұмыс, СТО, АКТ, рөлдік ойын, бағалау, сұрақ-жауап, «Топтастыру», «Иә-жоқ» әдістері.

Сабақтың көрнекілігі: Ы.Алтынсариннің портреті, бұлақтың, су көздерінің суреттері, слайд. Ұйымдастыру кезеңі: Психологиялық дайындық. «Досыңа бөлінген уақыт» тренингі арқылы сергіту жасалады.

Топқа бөлу.1,2,3, сандарын таңдату арқылы.

Үй тапсырмасын тексеру:

Сұрақ-жауап

«Самал» мысалын сахналап беру. Әр топтан мысал кейіпкерін шығару:

Автор, самал, сәуле, шық.

ІІІ.Жаңа сабақ

-Оқушылар ендігі кезекте сіздердің таңдаған сандардан суреттер құрастырайық.

«Табиғат» «Бұлақ» «Жолаушы»

-Осы сөздердің мағынасын түсіндіріңдерші.

Оқушылар жауабы тыңдалады

Табиғат-тіршілік нәрі.Қоршаған орта.Туған елім мен жерім.

Бұлақ-ағып жатқан таза,мөлдір су. Жер бетіне шығып жатқан табиғи жер асты су көзі.

Жолаушы-белгілі бір мақсатпен жол жүруші, сапар шегуші адам.

ІІ.Мағынаны тану: Өткен тақырыпты пысықтау.

1.Ыбырай Алтынсарин кім?

2.Оның қандай шығармаларын білесіңдер?

Ендеше бүгін Ы.Алтынсариннің «Таза бұлақ» атты әңгімесімен танысамыз. Ыбырай Алтынсарин туралы бейнекөрініс.
Ыбырай Алтынсарин 1841 жылы 20 қазанда қазіргі Қостанай облысының Алтынсарин ауданында дүниеге келген. Ата - анасы жастай қайтыс болған ол нағашы атасы Балғожа бидің тәрбиесінде болады. Ол немересін 1850 жылы Орынбордағы орыс - қазақ мектебіне береді. Оны 1857 жылы Ыбырай үздік бітіріп шығады да, халыққа қызмет етуді бастайды. 1864 жылы алғаш рет Торғайда мектеп ашады. 1879 жылы Орынборда «Қазақ хрестоматиясы» оқулығын шығарды.
1889 жылы 48 жасында ауыр науқастан қайтыс болды.

Шығармалары:
Өлеңдері: «Өзен», «Жаз»
Әңгімелері: «Асыл шөп», «Қыпшақ Сейтқұл», «Бай баласы мен жарлы баласы»

«Топтастыру» әдісі бойынша топтық жұмыс.

Әр топқа хатқалта беріледі. «Араласып кеткен оқиғалар» әдісі бойынша мәтінмен таныстыру. Мәтін абзац бойынша төрт бөлікке бөлінген. Топ ішінде оқып, дұрыс орналастырады.

-Үш жолаушының қайсысының пікірі дұрыс деп ойлайсың?

-Қолдарыңдағы мәтін бөліктерін реттеу кезінде неге бөліктерді осылай орналастырдыңдар? Мәтін бөліктерін тізбектеп оқыту

«Иә-жоқ» әдісі бойынша кестені толтыру. Жеке-жұпта-топта талқылау.

№

Сұрақтары Жауаптары
иә «+» жоқ «-»

1. Мәтіндегі кейіпкерлер саны үш жігіт. +

2. Бұлақ суына қалың ағаш жапырақтары түсіп, лайланып кеткенін
-

3. «Екі жолаушы сөз таппай, үшінші жолаушы ғана былай депті» дегенге сенесің бе?
-

4. Үш жолаушының да жауабы өзінше дұрыс дегенге сенесің бе? +

5. Бұлақтың басындағы үлкен ағаш діңіне «Ей, жолаушы, болсаң, осы таза бұлақтай бол!» деп жазылғанын.
-

Дәптермен жұмыс:Күннің шартын жазу.

Сөздік жұмыс Ғибрат алу-үлгі алу (мәтіннен тауып оқу)

Тасқа жазылған сөзді тауып көшіріп жазу.

-Ей, жолаушы, болсаң, осы таза бұлақтай бол!

Сергіту сәті.Нысана.

Шығармашылық жұмыс:

1-топ. Мәтінге жоспар құру.

2-топ. 5-жолды өлең.

3-топ. Балықтар атынан сөйлеу «құтқарыңдар біз азайып барамыз!»

Рефлексия:

-Сабақ ұнады ма?

-Стикерге бүгінгі сабақ бойынша ойларыңды жазып, іліндер.

Бағалау:

Бағалау парағы бойынша қорытынды баға ретінде қызыл балық - «5»,

көк балық - «4»

Үйге тапсырма: 44-45 бет оқу.

«Су- тіршілік көзі» тақырыбында шығарма жазып келу.