Классный час праздник Цаган Сар

Раздел	Начальные классы
Класс	-
Тип	Конспекты
Автор	Бегисова Н.Ш.
Дата	07.02.2015
Формат	doc
Изображения	Нет

Поделитесь с коллегами:

Цаһан Сар- хаврин байр гиҗ ик кезәнәс нааран тоолдг билә.Эрүл-менд үвләс һарад,хавран тосчах йовдл.Yвл чилхлә,хальмгуд үвлзңгән хаяд,Цаһан Сар тоссна хөөн эдн малан тууҗ авад,идг талан һардг билә.Хаврин түрүн сарин нег шинд ичәндән бәәсн зурмн нөөрәсн сергҗ нүкнәсниһардг бәәҗ.Күн бас зврәннь седкл-ухаһан медүлҗ,олн зүсн учрта керг-үүл күцәҗ,Цаһан Сариг байртаһар темдглдг бәәсмн. Цаһан Сар болхла,кезәнә тас хоосн күүнә бийинь махлаһан авад,һурв дәкҗ саҗад, өмсәд, мах чанҗах күн болад термин үүдәрән уур һарһдг бәәҗ.Юңгад гихлә,Цаһан Сарин нег шинд хәәс халуллго бәәҗ болшго, му йор.Хәәс халулад,күңшү үнр һарһдг бәәсмн. Цаһан Сарин өмнк өдртнь күн болһн герән ахулад,цугинь цеврләд сергәдмн.Цаһанла өмсх хувцан бел кеһәд ,авдрт бәәсн хувцан өлгдг йоста юмн.Юңгад гихлә,тер хувцн мини эзн уга кевтә гиҗ сандг бәәҗ. Цаһан Сарин нег шинд эрт босад,зулан өргәд,махан болһад,цәәһән чанад,цәәһәр зул өргнә.Дееҗин хөөн залу күн махлаһан өмсәд,һәртан ааһта цә авад,барун көләрн эрк алхад: «Делкәд!Олн деедст!Окн Теңгрт дееҗ өрггҗәнәвидн!» гиҗ келчкәд,цацл цацад,герт орад, өрк-бүлтәһән цаһалх зөвтә.Цаһана хотан эдләд,өрк-бүләрн байрар давулдмн.Цаһанла Гер болһнд тосн,чигән,цә элвг болх зөвтә. Көвүн бер бәәхла,салу Цаһан цә чанад,балта-шикрән,боорцган шира дееран тәвад,цаһаһан гертән кенә.Бер күн терүләд хадм эцкүрн ирхлә,хадм эцк түүнлә цаһалад,цәәһән ууһад,цаһан-улан мөңгәр белг өгәд,арһтань бердән өмскүл өмскдг.Аавнь ачнр-зеенртән улан мөңг өгәд, хавтхинь дүүргәд шикр-балта өгдмн.Хөөнь хам-хоша бәәдг көгшдүдиг,элгн-садан болн нань чигн әмтиг дуудад,цаһана цәәһәр,хотар тоодг билә. Цаһанла нег герәс талдан герт одад,цуһар цә ууһад,мендләд,белгән хувалцад йовдг. «Менд үвләс һарвта!»-гиһәд цуһад нег-негнләрн мендләд цаһалдг йоста юмн.Целвг боорцг медәтә улст,хуц-боорцг-залу улст,тоһш боорцг-залу улст,хорха боорцг-бичкдүдт нерәддг. Цаһан Сар-бүкл сардан давдг.Күүнә герт орҗ ирсн цагтан әмтн цаһалдг йоста юмн.Тегәд маңһдур,февралин 17-д,цуһар цаһаһан кеҗ,амулң эдлх болтха.

загрузить