Урок по литературному чтению на крымскотатарском языке на тему [Р], [Р] тутукъ сеслери. Р, р арифлери. 1 класс

ОКЪУВ ДЕРСИ 1 -нджи СЫНЫФТА

Мевзу: [Р] [Р'] тутукъ сеслери. Р, р арифлери.

Макъсат: Янъы сес ве арифлернен таныштырмакъ, Р,р арифлерни танымакъ ве оларнен эджалар, сёзлер, метинлер окъумакъ; догъру, ифадели окъув къабилиетлерини мукеммелештирмек; окъувгъа меракъ ве севги ашламакъ; ресимлерге бакъып икяе тизмеге огретмек, балаларнынъ багъламалы нутукъны инкишаф этмек.

Дерснинъ донатмасы: элифбе дерслиги, карточкалар, ресимлер, арифлернинъ нумюнеси.

Презентация, мильтимедий тахтасы.

Дерснинъ кетишаты

1. Тешкилий дакъкъа

дерснинъ шиары

Мектепке истеп барам,

Сабадан анда алам.

Дерсни динълеп отурам,

Яхшы баалар алам.

2. Дерснинъ мевзусыны ве макъсадыны еткизюв.

(талебелер озьлери къайд этелер)

1.Теляффуз дакъкъасы. (2-нджи слайд)

Мотоцикл келе … (дрр)

Атны токътатамыз … (трр)

Къаргъалар багыра … (къарр)

Копек ырылдай … (ррр)

2.Тапмаджаны тап. (3-нджи слайд)

Сыныфларда о тура,

Талебе онынъ башында

Язып, окъуп отура. (Рале)

Чешит ренкли боянен

Альбомда оны сыздым.

О да пек дюльбер олды,

Эр кес мени макътады. (Ресим)

3. Оджанынъ сёзю.

- Насыл сеснен бугунь таныш оладжакъмыз?

- Мевзуны къайд этинъиз.

- Не макъсатнен биз бу сеслернен ве арифлернен чалышаджакъмыз?

III. Янъы мевзу боюнджа ишлев

1.Сёзлернинъ сес-эджа талили (5-нджи слайд)

«Рале» сёзюнде [Р] сеси - тутукъ, янъгъыравукъ, къатты айтыла (чюнки ондан сонъ къалын созукъ сес тура).

«Ресим» сёзюнде [Р'] сеси - тутукъ, янъгъыравукъ, йымшакъ айтыла ( чюнки ондан сонъ индже созукъ тура)

2. Оюн «Сесни тайинле» (тахтада)

- Къайсы сёзлерде [Р] [Р'] сеси эшитиле?

[Р] [Р']

турна терек

къар ренк

бурун риджа

марама коре

чорап киреч

хораз рессам

3. Р, р арифлернен танышув (6-нджы слайд)

- Неге ошай «эР» арифи?

Р арифи елькенге ошай.

Денъизлерде о ялдай.

4. Эджаларны окъув (7-нджи слайд)

1. ра ар урм арм сар тар

ро ор нар нур рал рес

ру ур рус тыр рыр рат

ры ыр тарл ерл рие ерим

ри ир

ре ер

2. Ру-ру-ру - авасы къуру.

Ра-ра-ра - ормангъа бара.

Ры-ры-ры - япракълар сары.

Ре-ре-ре - кузь келип кире.

5. Раатлыкъ дакъкъасы

Биз яваш юремиз,

Энди тез чапамыз,

Оджаны динълеймиз,

Отурып турамыз.

Къайсы сёзлерде [Р], [Р'] сеслерни эшитемиз?

6. Элифбенен чалышув

1) с. 58-59 сёзлер окъумакъ.

2) Ресимлер боюнджа суаллер эсасында икяе тизмек. с. 58-59

3) Диалогны окъумакъ

- Оджа окъуй,

- Талебелер - берабер.

V.Пекитюв.

1. Группаларда чалышув.

-1 гр эджалардан сёзлер тизмек

-2 гр ресимдеки къайсы сёзлерге -лар, -лер келишсе, керекли чантагъа къоймакъ керек

2. «Тылсымлы чечек»

Алим тапты йылдызчыкъ,

устю толу арифчик,

ЕАлим бильмей не япмалы?

А

ИБуны кимден сорамалы?

Б ? Р- келинъиз ярдым этейик.

О

УБ ? Р - А, О, У, И, Е - бар, бор, бур, бир, бер.

VI. Дерснинъ нетиджеси. Рефлексия.

- Акъылымызгъа кетирейик, дерснинъ бышында насыл макъсатлар къойдыкъ?

- Насыл янъылыкълар бильдинъиз? Нени бегендинъиз?

- къягъытта язылгъан Р арифке бакъынъыз.

Дерсни бегенген олсанъыз, арифни - къырмызы къарандашнен бояланъыз,

базы шейлерни анъламагъан олсанъыз - мавы къарандашнен.

Машалла! Эписинъиз яхшы чалыштынъыз.

Дерс ичюн сагъ олунъыз!

Группаларда чалышув

1.

2.

ЛЕР

ЛАР