Къырымтатар тили. Язув. 3 сыныф (крымскотатарский язык. Письмо)

Къырымтатар тили.Язув. 3 сыныф.

Мевзу: Джумле.Нида джумлеси.

Макъсат:нида джумлеси акъкъында малюмат, джумлелернинъ чешитлери, шиир устюнден иш, аталар сёзю устюнден иш, мустакъиль чалышмагъа огренюв, нутукъ инкишаф этюв, къырымтатар тилине севги ашламакъ.

Дерснинъ донатылувы: дерслик, ресимлер, карточкалар.

Дерснинъ кетишаты.

I.Тешкелий къысым.

Чанъ чалына, чанъ чалына!

Эм буюкни, эм Баланы

Иш, окъувгъа давет эте.

Дей - Къыбырда, вакъыт кете!

Ким ичюндир бу санкъа чанъ,

Ким ичюндир бу ильки чанъ,

Шай олса да, бугунь давран!

Чанъ чалына -

Чанъ чалыша …

II.Эв вазифесини тешкерюв.

III.Хатыралы язув.

Селям санъа, ана Ватан!

Сени джандан севемиз

Топрагъында, гузель Ватан,

Сербест, джошкъун кеземиз.

А..Решат

-Шиирни ифадели окъунъыз. Бу шиирде насыл дуйгъулар ифаделене? Бу шиирни хатыралы язмагъа азырланынъыз.

-Шиирнинъ биринджи джумлесини насыл сеснен окъуймыз?

-Не ичюн? Сонъунда насыл ишарет къоюлгъан?

-Бу шиир не акъкъында?

IU.Аталар сёзю.

1.Къуш ювасыз олмаз, инсан - эвсиз.

.Ватансыз адам - йырсыз бульбуль.

3.Халкънынъ бир эви бар, о да - Ватан.

U.Дерсликнен чалышув.

-Джумлелерни интонациянен окъунъыз.

1.Меним Ватаным - Къырым.

2.Балалар, къуш юваларыны бозманъыз.

3.Сен не ичюн кеч кельдинъ?

1.Меним Ватаным - Къырым!

2.Балалар, къуш юваларыны бозманъыз!

3.Сен не ичюн кеч кельдинъ?!

-Берильген джумлелер арасында насыл фаркъ бар? Не ичюн?

UI.Янъы мевзуны анълатув.

Икяе, суаль, эмир джумлелери кучьлю дуйгъунен ве котеринки сеснен айтылса, нида джумлелерине чевириле. Нида джумлелерининъ сонъунда нида ишарети (!) къоюла.

UII.Раатлыкъ дакъкъасы.

«Топ-топ-топ».

Мен ойнайып топ.

Коп, коп, коп

Мен топлайым дост.

Пек, пек, пек

Арта зевкъ шохлукъ

Тек,тек, тек.

Чагъыра шадлыкъ.

UIII.Мустакъиль иш.

-Берильген джумлелерни нида джумлелерине чевирип язынъыз.

1.Анълат, не ичюн ойле яптынъ?

2.Софра башында догъру отур.

3.Не де дюльбер гуль.

IX.Шакъалы диалог

-Баба, сен ич бир шейден къоркъмайсынъмы?

-Ёкъ!

-Ич бир шейден къоркъмайсынъмы?

-Ёкъ дедим де!

-Айса куньделик дефтеримни окъу да бакъ, оджам санъа не язып ёллады.

X. «Дерсликнен чалышув 140-мешгъулиет.

XI. «Аксине айт» оюны.

XII.Пекитюв

-Бугуньки дерсимизде джумленинъ насыл чешитинен таныш олдыкъ.

XIII. Эв вазифеси.

- Ватан акъкъында аталар сёзю язып келинъиз