Дүниетану Егін шаруашылығы (2 сынып)

Сабақтың тақырыбы:Егін шаруашылығы

Сабақтың мақсаты:

1.Білімділік:Оқушыларға ауыл шаруашылығының бөлімдері туралы әңгімелеу,

олардың пайдасынбіле отырып,қазақ халқының егін шаруашылығы туралы түсінік беру.

2.Дамытушылық: Оқушыларды өз бетімен жұмыс істеуге,шығармашылыққа баули отырып,ойлау қабілетін дамыту.

3.Тәрбиелік: Мәдени өсімдіктерді ажырата білуді, өсімдік текті азық-түліктерге құнттылықпен қарауға үйрету.Еңбекқорлыққа, алғырлыққа, ұйымшылдыққа тәрбиелеу.

Сабақтың түрі: жаңа сабақ

Сабақтың типі:жаңа сабақты меңгерту

Сабақтың көрнекілігі: сызба, арнайы көлік түрлері бейнеленген суреттер,

егін шаруашылығы өнімдерінің суреттері.

Сабақтың әдісі:түсіндіру, әңгімелеу,сұрақ-жауап,топтастыру,көрнекілік

Сабақтың жоспары:

І.Ұйымдастыру кезеңі

ІІ. Үй тапсырмасын сұрау

ІІІ. Жаңа сабақ

ІҮ. Бекіту

Ү. Қорытындылау

ҮІ.Бағалау

ҮІІ. Үйге тапсырма беру

Сабақтың барысы:

І. Ұйымдастыру кезеңі.Психологиялық дайындық.

Мұғалім:

- Жақсы білім көрімдік,

Болсын бізге халайық.

Не үйреніп, не білдік,

Кәне, ортаға салайық.

Оқушылар:

Гүліндей болып даланың,

Жайнап өсіп келеміз.

Салтыменен бабаның,

Иіліп сәлем береміз. (Иіліп сәлем береді)

ІІ. Үй тапсырмасын тексеру.

- Ауыл мен қаланы, қала мен қаланы, ел мен елді қандай көліктер байланыстырады?

- Ұшақ, тік ұшақ, зымыран қандай көліктер?

- Катер, теплоход, қайық, кеме қандай көліктерге жатады?

КӨЛІК

ЖЕР ӘУЕ

СУ

• Төтенше жағдайда, мысалы,өрт шықса және т.б. жағдайларда қандай көліктерді шақырады?

101 -өрт сөндіру машинасы

102 - полиция машинасы

103 - жедел медициналық жәрдем

104 - газ шаруашылығының машинасы

112 - құтқару қызметі

Үй тапсырмасын бекіту.

Мен сендерге 2-жағдаят айтайын, ал сендер соған дұрыстап жауап беріңдер.

1-жағдаят:

• Газ плитасына шәйнек қойып, теледидар көруге отырдың.Шәйнек қайнап, суы төгілді де, көгілдір от сөніп қалды.Ал плитаның құлағы ашық қалғандықтан, газ шығып жатыр. Бұл өте қауіпті! Ұйде қандай жағдай болуы мүмкін?Қандай арнайы көліктішақыру керек?

Оқушы жауаптары тыңдалады.

2- жағдаят:

• Көшеде өтіп бара жатып, келе жатқан машинаны байқамай қалдың. Машина қағып кетіп, сен жарақат алдың. Адамдар мүндай кезде қандай көлікті шақырады?

Оқушы жауаптары тыңдалады.

Сергіту сәтін ұйымдастыру.

Шаршағанда ырғалып,

Гүлге ұқсап демалам.

Қанатымды бір қағып,

Гүлдей болып жайқалам

ІІІ. Жаңа сабақты түсіндіру.

Сөз тіркесіне тотастыру жүргізу.

Ауыл шаруашылығы

мал

шаруашылығы

өсімдік

шаруашылығы

егін шаруашылығы

дала өсімдіктері

дәнді дақылдар

бақша өсімдіктері

• Егін шаруашылығы деген сөзді қалай түсінесіңдер?

• Өсімдік шаруашылығы деген сөзді қалай түсінесіңдер?

• Мал шаруашылығы деген сөзді қалай түсінесіңдер?

(Оқушы жауаптарын тыңдау)

Кіріспе:

Қазақстанның егіс далаларында астық өсіріледі.Астық дәнінен нан және жарма дайындалады.Ал сабағы мен жапырағы малға азық болады және шаруашылық мұқтаждықтарына жұмсалады.

Жүгері- Қазақстанның Оңтүстігінде өсіріледі.Жүгері дақылынан май, сабақтарынан мал сүйсініп жейтін сүрлем жасайды.Оның негізгі Отаны Оңтүстік, Орталық Америка.

Күріш-Қызылорда, Талдықорған өңірлерінде өсіріледі.Ол азықтық дақыл.Күріштің дәнінен крахмал алынады, сабағынан әртүрлі ыдыс, бас киімдер тігіледі.

Сұлы- азықтық дақыл, ол біздің ауыл шаруашылығымызда бидай мен қарабидайдан кейін үшінші орын алады.Сұлы үй хайуанаттары үшін тамаша азық болып табылады.

Бидай, қарабидай -жер бетіндегі басты астық дақылы.Ол өте ежелгі мәдени өсімдіктердің бірі.Кәдімгі аппақ,әдемі,қызарып піскен нанды осы бидай ұнынан жасайды.

Тары- астық тұқымдастарына жататын бір жылдық дара жарнақты өсімдік.Тары да арпа, бидай, күріш секілді өте ертеден келе жатқан дәнді дақыл.Оны Шығыс Азияда біздің заманымыздан бірнеше мың жыл бұрын өсіре бастаған.Тарыдан жасалған тамақ аса жұғымды және қуатты келеді.

Арпа- астық тұқымдастарына жататын аса бағалы дақылдардың бірі.Арпа алғаш Кіші Азияда, Иран, Ауғаныстан, Орта Азияда өсіріле бастаған.Оның 30-ға жуық түрі бар.Оның ұнынан нан, бөкпе пісірген, талқанын майға, сүтке шылап жеген, дәнінен көже жасаған.

Мақта- сабағы қоңырқай түсті бұта тәрізді өсімдік.Оңтүстік Қазақстанда егіледі.Мақтаға ұзақ жаз, ыстық күн, мол су керек.Жазда гүлдейді.Гүлден қуашық пайда болады.Әуелде түсі жасыл қуашықтың қабығы кейін қоңыр тартып,кебеді,жарылады.Жарылған қуашықтың ішінен үлпілдеген ақ мақта шығады.Мақтадан май, жіп, жібінен мата, малға жем,мақта сабағын отынға пайдаланамыз.

Оқулықпен жұмыс.

Оқулықтағы мәтінді тізбектей оқыту.

Сергіту сәтін ұйымдастыру

Биші бұралып билейді,

Күйші домбыра тартады.

Спортшы секіреді,

Оқушы партада дұрыс отырады.

ІҮ.Бекіту.

1.Үш қатардағы оқушылар тақтадан өздеріне ұнаған өсімдікті таңдап, оған сипаттама береді.

2.Бақылау күнделігімен жұмыс.

2-тапсырма: Өсімдік атауын сәйкес суретпен сызық арқылы қос.

Ү. Сабақты қорытындылау

- Ауыл шаруашылығы нешеге бөлінеді?

(Егін шаруашылығы, өсімдік шаруашылығы, мал шаруашылығы болып үшке бөлінеді)

- Өсіру дегенді қалай түсінесіңдер?

( Жер жыртады, тұқым себеді, топырақты тыңайтады, арам шөптерді отайды, сиретеді, зиянды жәндіктердің көзін жояды, өнімді жинайды.)

- Адам қолымен өсірілетін өсімдіктер қалай аталады?

(Мәдени өсімдіктер деп аталады)

ҮІ. Бағалау

Оқушылардың білімдеріне қарай бағалау.

ҮІІ. Үйге тапсырма беру:

1.«Егін шаруашылығы» мәтінін және өсімдіктер туралы қосымша материалдар оқып келу.

2. Бақылау күнделігіндегі 23- беттегі 1- тапсырманы орындау.