Буын және тасымалды қайталау

Сабақтың тақырыбы: Буын және тасымалды қайталау. Сабақтың мақсаты:

1. Буын, тасымал туралы бірінші сыныпта алган білімдерін еске түсіру, қайталау; дауысты дыбыстың буын құрайтыны, буынға бөлінген сөздердің барлығы бірдей тасымалдана бермейтіні туралы түсініктерін тереңдету;
2. буынға дұрыс бөлу, тасымалдай білу дағдыларын дамыту.
3. Сауатты жазу арқылы ұқыптылыққа, тиянақтылыққа тәрбиелеу

Сабақтың барысы:

І Қызығушылықты ояту.

Арайлап шықты жаңа күн

Шуағын шашып баршаға

Кәне досым, күлімде

Шаттық орнасын жүзіңде

Сыныпта жақсы көңіл-күй орнатып, балалардың назарларын сабаққа аудару

ІІ. Үй тапсырмасын тексеру.

Оқушылардың жазғы демалыс туралы құрастырған мәтіндерін оқытамын.

ІІІ. Жаңа сабақ.

• Мағынаны тану

• Дәптермен жұмыс

Күннің реті Көркем жазу

1-жаттығу

Оқушыларды назарын суретке аудару. Оқу құралдарының аттарын атау. Заттардың атын буынға бөліп жазу. Дауысты дыбыстардың астын сызу,Сөзде неше буын, неше дауысты дыбыс бар екенін анықтау.

Кі-тап, дәп-тер, қа-лам-сап, сыз-ғыш, ө-шір-гіш, қа-рын-даш.

Қорытынды: сөздегі буын саны дауысты дыбысқа байланысты екенін пысықтау.

• Буын карточкаларымен жұмыс.

қу

шы

дың

лар

О

Оқушылардың

• Сөзді буынға бөлгізу. О-қу-шы-лар-дың (5 буын), 5-буынды сөз 4 жолмен тасымалданады, бірақ біз осы сөзді 4 жолмен тасымалдай аламыз ба?
• Тасымалдау жолын көрсету

1. Оқу-шылардың
2. Оқушы - лардың
3. Оқушылар-дың (жалғыз әріптен тұратын буын ьасымалданбайды)
   • Сергіту сәті
   • «Адасқан әріптер» ойыны. Берілген әріптерден қазақстан қалаларын құрап, буынға бөлу

А Р Д Т У

Н Қ С Ғ Ы

С Л Т Й Ғ А Е Р М О Қ

• Оқулықпен жұмыс

• Шығармашылық тапсырма

Екі қатарды салыстырып, не жазылғанын айту.

Буындардан сөз құрау. Парта, бақта, кітап, тақта, сабақ.

Ал екінші қатардағы сөздерден сөйлем құрайды. Болат кешке оқу құралдарын дайындап қояды.

Қорытынды: буыннан сөз құралады. Сөздерден сөйлем құралады.

• Ой толғаныс.
• Ұйқасын тап

• Қатар бойынша тапсырма беру

1. Төмендегі сөздердің қайсысы буынға дұрыс бөлінген?

А) өз-ен ә) ө-зен б) ө-зе-н

2. Дұрыс тасымал жасалған сөзді табыңдар:

А) сыз-ғыш ә) сы-зғыш б) сызғ-ыш

3. Төмендегі сөздердің қайсысы дұрыс жазылған?

А) оқыу ә) оқу б) оқұу

4. «Nәуекел» деген сөзде неше буын бар?

А) 4 ә) 3 б) 2

5. «Саусақ»деген сөзде неше буын, неше дауысты дыбыс бар?

А) 3 буын, 3 дауысты дыбыс ә) 2 буын, 2 дауысты дыбыс Б) 2 буын, 3 дауысты дыбыс

6. Дұрыс буынға бөлінген сөзді тап.

А) та-уық ә) тау-ық б) т-ау-ық

7. Артық сөзді тап.

А) қайық ә) дауыл б) оқушы

8. Дұрыс тасымал жасалған сөзді тап.

А) а-уы-рып ә) ау-ыр-ып б) а-уыр-ып

9. Дұрыс жазылған сөзді тап

А) силады ә) сыйлады б) сыйылады

10. Артық сөзді тап

А) жаңбыр ә) жетпей б) жау

V. Үй тапсырмасы

4-жаттығу. Қызықты грамматика 1,2,3-тапсырмалар.