«Бала - өмірдің шамшырағы!»

Тақырыбы: « Бала - өмірдің шамшырағы!»

Мақсаты: Бала туралы ата - аналармен бірлесе отырып, баланың -

өмірдің, ұрпағымыздың жалғасы екендігін дәлелдеп, оларға

рух беріп, қоғамдағы орны бар адам екендіктеріне көз

жеткіздіру. Еркін сөйлеп, ойын анық айта білуге дағды-

ландырып, отбасына деген сүйіспеншіліктерін одан әрі артты-

рып, бірлікке, сыпайылық пен адамгершілікке тәрбиелеу.

Көрнекіліктері: тақырып пен қанатты сөздер жазылған плакаттар, слайд,

отбасы туралы тақырыптық сурет.

Жүрісі:

Мұғалім:

- Құрметті, ұстаздар, ата- аналар 3 ә сыныбының «Бала - өмірдің шамшырағы!» атты ашық тәрбие сағатына қош келдіңіздер,- дей отырып тәрбие сағатымызды ашық деп жариялаймын.

- Алдымен тәрбие сағатының жүрісімен таныс болыңыздар.

Тәрбие сағаты жарыс түрінде өтеді. Сынып 2 топқа бөлініп іштерінен 2- 2 отбасынан негізгі командалық құрам жасақтайды. Қалған сынып оқушылары мен ата -аналары өздерінің топтарының жанкүйерлері мен көмекшілері болады. Жарысымыз 5 бөлімнен тұрады. Жарыс болған соң әділ қазылар алқасын сайлап аламыз. ( таныстыру)

- Сонымен жарысымыздың 1- інші бөімі « Барлығы да балам үшін » деп аталады.

1. оқушы:

Әке - дейміз бәріміз де аңқылдап.

Ана - дейді жас сәби де жарқылдап.

Әке деген- бәйтерегі өмірдің,

Ана деген - алтын қазық, алтын бақ.

2. оқушы:

Әке деген - асыл жандар болаттай,

Ана деген - мөлдір жандар бұлақтай.

О, адамдар, қадірлей біл әке менен ананы,

Жат қылыққа ақыл ойды тонатпай.

Мұғалім:

- Міне осындай өлең жолдарында айтылған 2 ұлы адамның отбасында көз қуанышы бала дүниеге келді. Бұл күн ата - ананың ең қуанышты, естерінде мәңгі сақталатын ерекше күні ,- деп ойлаймын.

- Енді сіздерге 1 тапсырма:

1. Дүниеге келген балаға арналған ырымдар мен аталып өтілетін мерекелерді шатыспай реті бойынша атап беріңіз.

Жауабы:

Бала туылғанда 1- інші сүйінші сұралады, сосын шілдехана тойы жасалады. Баланы бесікке салып сосын аты қойылады. Қырқынан шыққан соң ит мінезі қалсын деген ырыммен ит көйлегі тасталады. Бала тәй- тәй басып бастағанда тұсауы кесіліп, 1- жасқа толғанда ауыр болмасын деп басындағы қарын шашы алынады. Одан кейін бала сәл өскесін тілашар тойы мен ер балаларды тақ жастарында яғни 3,5,7 жастарында сүндеттеп сүндет тойы тойланады.Одан өсе келе тоқымқағар және жасы 13- ке келгенде мүшел жасқа толған мерекелері аталып өтіледі.

2. Осы рәсімдердің біріне кеңірек тоқталып өтсеңіз.

( ата - аналардың жауабы тыңдалып, қазылар бағасы беріледі.)

Мұғалім:

- Келесі 2 -інші бөліміміз « Ой түйіндеу » деп аталады. Бұл бөлімде түрлі сұрақтар мен ситуациялар беріледі. Және 2 топтың бір - біріне көрініс арқылы сұрақтары тамашаланады.

2 топқа сұрақтар:

1- інші топтың сұрақтары:

1. «Балалы үй базар» мақалының мағынасын ашыңыз.

2. Балаңыздың мектепке кеткенде қолында ақша болмаған, үйге келгенде сумкасынан 500 теңге байқап қалдыңыз. Сіздің әрекетіңіз?

3. Баланың 3-5 жас аралықтары қалай аталады? (балдырған )

4. Сенің ата - ана алдындағы борышың не?

5. Сен ата - анаңды қалай қуантасың?

6. Көрініс көрсетіледі. ( ситуациядан шығу керек)

2- інші топтың сұрақтары:

1. Баланың 2,3 жас аралығы қалай аталады? ( бүлдіршін)

2. Балаңыздың туылған күнін атап өтесіз бе? Неге?

3. Балаңыздың өтірік айтатын әдеті бар екенін байқап қалдыңыз. Сіздің әрекетіңіз?

4. «Бала - адамның бауыр еті» мақалының мағынасын ашыңыз.

5. Ата -анаң саған қай уақытта ренжиді?

6. Көрініс көрсетіледі. ( ситуациядан шығу)

( Әділ қазылар бағасын беру )

Мұғалім:

- Жарысымыздың 3- інші бөлімі « Менің арманым » деп аталады. Бұл бөлімде 2 топтан дайындап келген 2 көркем сөз мәнерлеп оқылады. Ал отырған өзге оқушыларға алдарындағы ақ параққа аналарына деген ашық хат жазуларына, ал ата -аналарға балаларына 1 сөзбен не сөйлеммен жақсы 1 тілегін жазып отырулары тапсырылады.

1 топтың оқушысы:

« Таудай бол !»,- деп әкем де,

« Таудай бол !», - деп анам да .

Асқар таудай жігіттер,

Қажет дейді Отанға.

Желкілдеген баудай көк,

Балдырғандар балдай көп.

Өсіп келе жатырмын,

Биік асқар таудай боп.

Жаттап ертек, мол аңыз,

Өсіп, өніп толамын.

Алатаудай айбынды,

Ел қорғаны боламын!

2 топтың оқушысы:

Бүгінде жас қызбын мен,

Әлі -ақ өсіп толамын.

Сонда мүмкін мен ғалым,

Әлде заңгер болармын.

Ел сыйлайтын мұғалім,

Әлде есепші болармын.

Сонда актриса не артист,

Не дәрігер болармын.

Әлде, әлде Білсеңдер,

Жалғыз ғана талабым.

Ер жеткенде ел сенер,

Нағыз адам болармын!

( Әділ қазылар бағасы )

Мұғалім:

- Жарысымыздың келесі 4- інші бөлімі « Қызықты сұраққа, ұтымды жауап » деп аталады. Бұл бөлімде баласы өзінің ата- анасына сұрақ қояды.

Оқушылардың сұрақтары:

• Мен үшін қатты қуанған күніңіз?

• Менің атымды неге деп қойдыңыз?

• Мені жақсы көресіз бе? Неге?

• Мен түсімде биік бір тауға шыққалы тұр екенмін. Оянып кеттім. Түсімді жорып беріңізші.

( Ата -аналардың жауабы тыңдалып, әділ қазылар алқасы бағасын береді)

Мұғалім:

-Ал енді жарысымыздың ең соңғы бөлімі « Ақ тілегім » деп аталады. Бұл бөлімге сыныптың түгел оқушылары мен ата - аналары қатысады. Манағы 3 - інші бөлімде мен ата - аналар мен оқушыларға тапсырма тапсырғанмын. Сол тапсырмаға кезек беремін. Балалар ата - аналарына ашық хаттарын тапсырса, ата - аналары өз балаларына ақ тілектерін арнайды.

- Ал енді ата - аналар осы шамшырақтарыңыз балаларыңыздың ең бірінші денсаулығы мықты болсын деген мақсатпен сыныбымыздың әрі ата - анасы, әрі дәрігер Ақеркенің мамасы Гүлзадаға сөз кезегін береміз. Өзінің дәрігерлік кеңесін ұсынады.

Мұғалім:

Бала - бұл өміріміздің бастауы мен ұрпақ жалғасы, пәк те таза, жүрегі жұқа да адал, еш кінәсіз, қалай тәрбиелесең соған үйренетін, қалай жетелесең соған еретін, оңы мен солын, жақсы мене жаманды әлі толық ажырата алмайтын, қуанышқа бөлейтін де жаныңды күйзелтетін де таза бұлақ секілді. Ол қуанса сенде қуанасың, ол қиналса сен де қиналасың. Себебі сен оған ең жақын адамы ата - анасысың. Осы көз қуаныштарыңыз сіздердің үміттеріңізді, елінің үмітін ақтайтын қазақ елінің азаматтары мен азаматшалары болып өссін деген ізгі тілекпен үйде сіздер қамқор болып, мектепте біз ұстаздар қауымы өнегелі де білімді етіп бірлесе тәрбиелейік деген

ұранмен тәрбие сағатымызды аяқтай келе сөз кезегін әділ қазыларға береміз.

( Әділ қазылар сөзі )

Оқушылар хормен

Ер жетіп үмітіңді біз ақтармыз,

Жеріңді ұлтарақтай біз сақтармыз.

Қасиетті Жер- Ана, ауыл - елді,

Көркейтетін болашақ - біз жастармыз!

Мұғалім:

• Құрметті, қонақтар осымен тәрбие сағатымызды аяқтай келе, уақыт

бөліп келгендеріңізге рахмет демекпін.

Сау болыңыздар!!!