Көркем әдебиет Тақырыбы: Шалқан ертегісі

Білім беру саласы: «Қатынас» Бөлім: Көркем әдебиет Тақырыбы: «Шалқан» Мақсаты: ертегіні көңіл қойып тыңдауға, шығармаға қызығушылық танытуға, ертегіні қайталап тыңдауға үйрету. Балаларда бақшада не өсетіні туралы түсінік қалыптастыру. Өзара көмек көрсету сезімін тәрбиелеу. Сөздік жұмысы: балалардың тілінде «олай тартады, былай тартады», «үлкен - үп-үлкен» сөзтіркестерін, көкөністердің атауларын: картоп, қызылша, сәбіз, шалқан белсендіру.

Іс-әрекет кезеңдері

Тәрбиешінің әрекеті

Балалардың әрекеті

Мотивациалық- қозғаушылық «Шалқан» ертегісіне көп бояулы суреттері бар кітапты көрсетеді.

Балалар суретті қарайды.

Ұйымдастыру-іздестіру

«Ғажайып қалта» ойыны

Ертегіні әңгімелеу және мәтінді оқуда үстел үсті театрының фигуралары демонстрациялауды және кейбір ертегі кейіпкерлерінің әрекетін көрсетуді қолдану.

Балаларға бірінің артынан бірі екі адамнан тұрып, шалқанды қалай тартқанын көрсетуді ұсыну.

Тәрбиеші «Үлкен-үп-үлкен шалқан шықты» деп ескертеді және шалқанның көлемін көрсетулерін сұрайды.

Тәрбиеші балаларға оған шалқанды қалай тартқаны туралы көмектесуін ұсынады. Тәрбиеші тағы да ертегіні фланелеграфты қолданып әңгімелейді. «Тышқан артынан (мысықтың көрсетеді)»

Балалар кезекпен қаптан көкөністерді алады, оларды атайды, қайда өсетінін айтады.

Ертегіні тыңдау және үстел үсті тетрының фигураларының әрекетін бақылайды.

Балалар шалқанды қалай тартқандарын көрсетеді, сондай-ақ дауыстарын шығарып: «Тартады- тартады, тартады- тартады -шалқанды шығарып алады! »

Балалар қолдарын екі жаққа жаяды.

Балалар «Мысықты» және т.б. қосады.

Рефлексивті-түзетушілік

Үстел үстінің фигуркаларымен ойнау ұсынылады.

Балалар фигуралармен ойдан шығарып, ертегі кейіпкерлерінің кейбір әрекетін көрсетеді.
Қорытынды нәтиже: Нені білу керек: - ертегі мазмұнын; - көкөністер атауларын. Нені игереді: - өзара көмек көрсету түсінігі. Нені біледі: - ертегі айтуға көмектесу; - сөйлемдегі сөзді аяқтау; - үстел үсті театрының фигураларымен әрекет ету; сыртқы түрі бойынша көкөністерді ажырату; - әрекет пен нәтижелердің арасында байланыстылығын түсіну (жалғыз шал шалқанды шығара алмады, ал бірге шығарып алды).