Ұйымдастырылған оқу іс-әрекетінің технологиялық картасы

Ұйымдастырылған оқу іс- әрекетінің технологиялық картасы

Білім беру саласы: Шығармашылық

Ұйымдастырылған оқу іс- әрекеті: Сурет
Тақырыбы: «Мысығым»
Мақсаты: Мысықтың үй жануары екенін білуге,тұлғасына горизанталды қалыпты және құрылымын дұрыс көрсетуге үйрету.
Көрнекілігі: Ойын,слайд,мысық.
Әдіс- тәсілдер: Көрсету,түсіндіру,сұрақ-жауап,ойын

Билингвизм: Мысық-кошка
Сөдік жұмыс: Мамық, үлпілдек.

Іс- әрекет кезеңі

Тәрбиеші іс- әрекеті

Баланың іс- әрекеті

Мотивациялық- қозғаушы кезең

Шаттық шеңбері.
Амансыз ба, күнім?

Амансыз ба, ұстаз?

Амансыз ба, достым?

Әнге қос, ғасыр әлем,

Баршаға амандық сәлем!

Жұмбақ жасыру.
Беті-қолын жуады,
Тышқандарды қуады.
Тазалықты сақтайды,
Апай оны мақтайды.(Мысық)

Ұйымдастырушы- ізденуші кезең

Саламатсың ба,мысық.Қош келдің,төрлет.

Міне ғажап,мысықтың өзі бізге қонаққа келіпті.
Балалар қане мысыққа қарайықшы.Мысықтың пайдасы өте зор.Ол үйдегі тышқандарды жеп,жоқ қылады.Мысық сүт ішеді. Балалар,мысықтың көзі нешеу?
-Екі көзі бар.
-Құлағы нешеу?
-Екі құлағы бар.
Мынау құйрығы,аузы,мұрны.
-Неше аяғы бар санайықшы?
-Төрт аяғы бар.
-Мысықтың түсі қандай?
-Мысықтың түсі сұр.
-Жүні жұмсақ

Мысықтың мұрты - оның миының ең қырағы барлаушысы және хабаршысы, өзі әрі ұзын, әрі нәзік келеді. Ол болмашы бөгеттерді де алдын ала сезіп миға хабарлайды.
-Балалар мысық қалай дыбыстайды? (миау,миау)
Біздің мысық жалғыз жабырқаулы.Қане,біз мысықтың көптеген достарының суретін салып берейікші.
Алдымен денесін сопақша,сол жақ жоғары бөлігінен домалақ пішінмен басын,құлақтарын-үшбұрыш,аяқтарын сопақша пішінмен саламыз.Балаларға көмек бере отырып жұмыс жүргізу.
Мысық:Қандай керемет жұмыс. Жарайсыңдар балалар.Қане,менімен бірге қол сергітіп алуға қалай қарайсыңдар?
Сергіту сәті

Тікірейіп құлағы

Менен бұрын тұрады.

Бойын жазып керіліп,

Беті - қолын жуады.

Қане, балалар, салған суреттерімізді мына сиқырлы қорапшаға салайық. Бізге келген қонақтар сиқырлы әлемнен келген екен.Осы қонақтардың көмегімен біз мына суреттерді сиқырлаймыз. Бір, екі, үш үүүүфффффффф. Қараңдаршы балалар біздің суреттеріміз шынайы мысыққа айналды. Қандай керемет біздің мысықтың достары көбейді.

Мысық: Ой рахмет балалар, қандай керемет менің көңіл күйім көтеріліп қалды, достарым да көбейді.
Ал,мысық бізге құр қол келмепті,қызықты ойын ойнағысы келеді.
Электронды ойын. «Адасқан дауыстар»
Жарайсыңдар балалар, қандай қызықты ойын

болды. Біз мысығымызға рахмет айтайық. Мысық та балаларға рахметін айтады.

Рефлексивті- коррекциялаушы кезең

-Балалар бүгін біз нені бейнеледік?
-Мысық жайлы толық түсіндік пе?

-Мысықтың дайындаған ойыны ұнадыма?
Жарайсыңдар балалар, бүгін сендер өте керемет жұмыс жасадыңдар.

Балалардың жасаған жұмыстарын мақтап, мадақтап, бағалау.

Күтілетін нәтиже: Не үйренді: Мысық жайлы толық мағлұмат алды, ұқыпты жұмыс жасай алды, мысықтың дене бөліктерін бір-біріне үйлестіре салуды үйренді.
Тәрбиеші: Шардарбекова А.И.