Внеклассная работа 2класс Қазақстан болашағы білімді ұрпағында

«Қазақстан болашағы білімді ұрпағында»

\ Зияткерлік сайысы\

Мақсаты:1\Оқушылардың алған білімдерін тексере отырып ақыл-ой өрісін жан-жақты дамыту;

2\ ана тілін сүюге адамгершілік қасиеттерін қалыптастыру,

бабалардан қалған ұлағатты ғибрат сөздерді түсіндіріп, содан үлгі-өнеге

алуға баулу;

3\ Қазақстан патриотизміне қалыптастыру

Көрнекілігі: плакаттар, жоспар үлгісі, бейджик, макет, т.б.

Барысы

-Сәлеметсіздер, құрметті оқушылар, ұстаздар, келген қонақтар!

«Қазақстан болашағы білімді ұрпағында» атты зияткерлік ойынымызға қош келдіңіздер!

-Сайыскерлерімізді ортаға шақырайық.

Ал келіңдер, келіңдер,

Біріңе- бірің еріңдер.

Біліміңді тексеріп,

Ойынға қатысып көріңдер.

Әділ қазылар сайлау.

Ашық жарқын жүзді

Әділ қазылар біздің

Тыңдап баға берерге

Шақырайық төрге.

-Қазір біз осы уақытқа дейін алған білімімізді көрсетіп, өлеңдермен, мақал-

мәтелдермен өрнектеп өнерімізді, білімімізді ортаға салайық.

Біліміміздің артып, санамыздың өскенін, сөз байлығымыздың молайғанын көрсетейік.

Бәйгеге түсіп жарыспай

Жүйріктің бағы жанар ма?

Білім мен өнер жарысып

Тәрбие, тәлім табар мән.

Бұл бәйге ойдың бәйгесі

Кім жүйрік ойға, сол алда. Ойынымызды бастайық. Ойынымызды бастамас бұрын

жоспармен танысайық.

Жоспар

І кезең. 1.Таныстыру

2.Жұмбақтар әлемі

3.Мақал-мәтелдер сайысы.

ІІ кезең. 1. Егер мен .... \Жағдаяттан шығу\

2. Шешендік сайыс

3. Сурет салу.

ІІІ кезең. 1.Кім көп біледі?

2.Кім жылдам?

Таныстыру үлгісі. Топтың аты. Ұраны.

2. «Жұмбақтар әлеміне саяхат»

1.Ақ сандығым ашылды ,

Ішінен жібек шашылды. \Күннің көзі

2.Жер көрдім қаласы бар,

Үйлері жоқ мекендейтін.

Көл көрдім, өзен көрдім,

Сулары жоқ тереңдейтін \Карта\

3.Жылт-жылт еткен .

Жырадан өткен. \су

4.Қыста ғана болады ,

Ұстасаң қолың тоңады. \Қар\

5.Тал басында түндіксіз отау \Ұя\

6.Сылдыр сұйық, су емес,

Ішсең сусын қанады.

Ақ болса да, қар емес,

Шешуін кім табады? Сүт\

7. Тұмсығымен қозғалар,

Соңында аппақ із қалар

\Бор\

8.Аяғы біреу, жолы жоқ,

Шиыр-шиыр жолы көп,

Өзі сөйлей білмейді,

Салған ізі сөйлейді

\Қалам\

9.Бұдан кір қорқады,

Судан бұл қорқады

\Сабын\

3.«Мақал-мәтелдер сайысы»

Әр топ кезекпен 1 минут ішінде Отан, туған ел туралы мақал-мәтелдер

айтып шығу керек.

ІІ кезең

1. «Егер де мен .... » \Жағдаяттан шығу.\

1-топқа

Егер де мен жаман баға алып қалсам .....

2-топқа

Егер де мен сабаққа даярлықсыз келсем .....

3-топқа

Егер де мен досымның көңілін қалдырсам

2. «Шешендік сайыс»

Бұл сайыста мен сіздерге таныс өлең шумақтарын оқимын. Сіздер жалғастырыңыздар,

авторын атаңыздар.

1.Түркістан екі дүние есігі ғой

Түркістан ер жүректің бесігі ғой

...........................................................

«Түркістан» М.Жұмабаев

2.Қарт Алатау - қазақтың қара шалы

Өрлігіне кім оның таласады?!

...........................................................

«Алматы-бас қалам

Жас қала-Астанам» Жарасқан Әбдірашев

3.Жасаттанды демессің сүйем десем,

Табынатын тәңірім ием де сен

.........................................................

«Қазақстан» М.Мақатаев

4.Шықшы тауға қарашы кең далаға

Мәз боласың ұқсайсың жас балаға

.........................................................

«Туған жер» Қ.Аманжолов

5.Ең бірінші бақытым-Ххалқым менің

Соған берем ойымның алтын кенін

..........................................................

«Үш бақытым» М.Мақатаев

6.Балалар оқуға бар жатпа қарап,

Жуынып, киініңдер, шапшаңырақ!

..........................................................

«Оқуға шақыру» А.Байтұрсынов

7.Сұр бұлт түсі суық қаптайды аспан

Күз болып дымқыл тұман жерді басқан

...............................................................

«Күз» А.Құнанбаев

8.Таулардан өзен ағар сарқыраған,

Айнадай сәуле беріп жарқыраған

..............................................................

«Өзен» А.Құнанбаев

9.Жазғытұры қалмайды қыстың сызы,

Масатыдай құлпырар жердің жүзі

.............................................................

«Жазғытұры» А.Құнанбаев

3. «Макет қорғау»

«Болашақта ауылды қалай елестетесіңдер» тақырыбында макет жасап әкелу және оны қорғау

ІІІ кезең

1. «Кім көп біледі?»

1\ 20-Дүниетану

Қазақстан мемлекеті жер көлемі жағынан нешінші орында \9-орында\

2\ 20-Дүниетану

Жер бетінің жоғарғы құнарлы қабаты қалай аталады? \топырақ\

3\ 20-Дүниетану

Екі қасиетке ие болған көл \Балқаш\

1\ 30-Логика

Ертістің ортасында не бар? \Т\

2\ 30-Логика

Түнгі сағат 11-де жауын жауып тұрса, 24 сағаттан соң күн шығып тұруы мүмкін бе? \жоқ\

3\ 30-Логика

Тышқан аулағышты 5 әріппен басқалай қалай атауға болады? \Мысық\

1\ 40-Математика

Үстеоде 4 алма жатыр, оның біреуі 2-ге бөлінген. Үстелде неше алма жатыр \4алма\

2\ 40-Математика

Баспалдақ 15 басқыштан тұрады. Баспалдақтың тура ортасында тұру үшін нешінші басқышты басу керек.

3\ 40-Математика

50 саусақ көріну үшін неше баланың саусағы көріну керек? \5 баланың\

«Кім жылдам?»

1-топқа

1.Қазақстан Республикасының рәміздерін ата. \ту, елтаңба, әнұран\

2. 36-ның төрттен бір бөлігі \9 \

3. «Алыс» сөзінің антонимі \жақын\

4.Бір жылда неше ай? \12а й\

5.Сен білім алатын орда \мектеп\

6.Дүйсенбіден кейін қай күн \сейсенбі\

7.9х8 неше? \72\

8.Зат есімнің сұрағы \кім?не?\

9.Абайдың шын аты \Ибраһим\

10.Қазақтың батыр қыздары \Әлия,Мәншүк\

2-топқа

1.Үш биді ата Төле би, Әйтеке би, Қазыбек би\

2.48-дің алтыдан бір бөлігі \8\

3.»Қараңғы »сөзінің антонимі\ \жарық\

4.1Ғасырда неше жыл? \100ж\

5.Қазақстан астанасы \Астана\

6.Бейсенбіден кейін қай күн? \жұма\

7.7х6 неше? \42\

8.Сын есім сұрағы \қандай? Қай?\

9.Абайдың әжесінің аты

10.Қазақтың тұңғыш ғарышкері \Т.Әубакіров\

3-топқа

1.Қазақстан Республикасының президенті \Н.Ә.Назарбаев\

2.56-ның сегізден бір бөлігі \7\

3.»Жаңа» сөзінің антонимі \ескі\

4.1 тәулікте неше сағат бар? \24сағ.\

5.»Кел, балалар, оқылық» кімнің өлеңі \Ы.Алтынсарин\

6.Сәрсенбіден кейін қай күн? \Бейсенбі\

7.6х9 неше? \54\

8.Сан есімнің сұрағы қанша,неше,нешінші\

9.Абайдың шешесінің аты \Ұлжан\

10Қазақстан Республикасының волютасы \теңге\

Қорытынды: Жеңімпаз топты анықтау, марапаттау. Тілек білдіру.