- Преподавателю
- Начальные классы
- Разработка классного часа на тему Тәуелсіздік - тұғырым ( 2 класс)
Разработка классного часа на тему Тәуелсіздік - тұғырым ( 2 класс)
Раздел | Начальные классы |
Класс | 2 класс |
Тип | Конспекты |
Автор | Камбарбекова С.М. |
Дата | 19.08.2015 |
Формат | doc |
Изображения | Нет |
Тәуелсіздік - тұғырым!
С.Камбарбекова, М.Қашғари атындағы жалпы орта
мектебінің бастауыш сынып мұғалімі.
Оңтүстік Қазақстан облысы, Кентау қаласы, Қарнақ ауылы.
Мақсаты: Білімділік: Оқушыларға Отан, туған жер, тәуелсіздік туралы түсінік беру; Дамытушылық: Еріктілікті дамыта отырып, патриоттық, адамгершілік сезімдерін бойына сіңірген шығармашылық қабілеті дамыған жеке тұлғаны қалыптастыру; Тәрбиелік: Оқушыларды елін, жерін, тілін құрметтеуге, Отанды сүюге, мемлекеттік рәміздерді құрметтеуге, туған жерін қорғауға тәрбиелеу. Сабақ түрі: интеграцияланған ашық тәрбие сағаты. Көрнекілігі: ҚР мемлекеттік рәміздері, Қр Конституциясы, ҚР картасы, қабырға газеттері, бүктемелер. Техник құралдар: мультипроектор, компьютер. Сабақ барысы: І. Ұйымдастыру: 1. Мұғалімнің кіріспе сөзі. 2. ҚР мемлекеттік Әнұраны орындалады. 3. Психологиялық дайындық: - Балалар, кім ата-анасын жақсы көрсе, бір рет қол соғады. - Кім ауылымызды жақсы көрсе, екі рет қол соғады. - Кім мектебімізді жақсы көрсе, үш рет қол соғады. - Кім Отанымызды жақсы көрсе, төрт рет қол соғады. (оқушылар ду қол шапалақтайды) Мұғалім: - Рахмет, балалар. Демек, сендер Отанымызды қатты жақсы көреді екенсіңдер. ІІ. Негізгі бөлім: Мұғалім: Отан - адамның түп-тұқияны, ата-бабаларынан бері қарай кіндік қаны тамып, өсіп-өніп келе жатқан жері. Қай елдің адамы болсын, өз Отанын дүниедегі ең қымбатты, ең қасиетті, ең аяулысы - Анасына бөлейді. Қазақ елінде тұратын адамдардың Отаны - Қазақстан Республикасы. Қазақ жері - бір шетінен екінші шетіне дейін құс қанаты талатын ұланғайыр кең өлке. Ол Солтүстігінде Ресеймен, шығысында Қытай Халық Республикасымен, оңтүстігінде Қырғыз, Өзбек, Түркімен елімен, ал батысында Әзербайжан Республикаларымен шектеседі (картадан көрсету). 1991 жыл 16 желтоқсанда Қазақстан өз тәуелсіздігіне ие болды. Сендер Тәуелсіз Қазақстанда дүниеге келген бақытты балаларсыңдар. Олай болса, қазір Тәуелсіз еліміз туралы видеоүзіндіні тамашалайық.
- Мультипроектордан Қазақ елі туралы көрініс көрсету.
- Би. «Билейік»
- Отан туралы өлеңдер.
Дилдора: Отан дейміз өсірген елімізді,
Отан дейміз туған жер, атамекен.
Биік тау, орман-тоғай, көлімізді,
Отан дейміз кең - байтақ астананы.
Жасыл жайлау, жаңа жол, жас қаланы.
Отанның шеті де жоқ, шегі де жоқ
Ол бірақ өз үйіңнен басталады. Умид: Байтақ елім - Қазақстан- Гүлістан, Жұлдыздары жарқыраған Шығыстан. Бар әлемге дастархан боп жайылған, Барлық ұлттың тілін тауып ұғысқан. Тауларың бар аспанымен тілдескен, Айдарынан салқын самал жел ескен. Махфуза: 20 жыл толды тәуелсіздік алғаныңа, Халқым, міне жеттің бүгін арманыңа. Тойладық тәуелсіздік мерей тойын Нық басып болашақтың таңдарына. Шахзад: 20 жыл! Тәуелсіз елміз! 20асу! Алыс-жақын елдерменен санасу. Құдай өзі көрші қылған ұлттармен, Барлық мемлекеттермен санасу.
- Сахна көрінісі: «Отан деген не өзі?» (мұғалім мен оқушылар)
- Ән «Елім». Хор.
- Мемлекеттік рәміздер туралы мәлімет беру: Нигара, Сардар, Иззатулла. (мультипроектордан ҚР туы, елтаңбасы, әнұраны көрсетіліп тұрады)
- Өлеңдер:
- Би. «Баба-оппа».
Мұғалім: 1995 жыл 30 тамыз Республикалық референдумда Қазақстан Республикасының Конституциясы қабылданды. Конституция - 9 бөлім, 98 баптан тұрады. Ата Заңымыздың 30- бабында «Балалар мектептерде тегін оқытылады» деп айтылған. Сондықтан да біз мектепте тегін оқып, білім аламыз. ( мультипроектордан ҚР Конституциясы көрсетіліп тұрады)
Ән. «Жас ұрпақ»
- Отан туралы өлеңдер
- Би.
- Ән. «Отан»
- Қабырға газетін түсіндіру.
- Ән. «Туған күн»
Үш бақытым. Ең бірінші бақытым халқым менің, Соған берем ойымның алтын кенін. Ол бар болса, мен бармын, қор болмаймын, Қымбаттырақ алтыннан нарқым менің. Ал, екінші бақытым- тілім менің, Жас жүректі тіліммен тілімдедім. Кей-кейде дүниеден түңілсем де, Қасиетті тілімнен түңілмедім. Бақытым бар үшінші- Отан деген, «Кім мықты?» десе біреу, «Отан» дер ем. Оты сөнген жалғанда жан барсың ба, Ойланбай-ақ, келдағы от ал менен.