Откритый урок по самопознание на тему Сабр таги –сариқ олтин

Қозоғистон Республикаси

Таълим ва Фан вазирлиги

№ 27 «Оққалъа» умумий ўрта мактаби

Фани: Ўз-ўзини таниш

Мавзу: Сабр таги -сариқ олтин .

Синфи: 4 - "Б"

Фан ўқитувчиси: Ниязметова Н .

2015-2016 ўқув йили

Дарснинг мавзуси: Сабр таги -сариқ олтин.

Дарснинг мақсади: Илмий мақсад:Ўқувчиларнинг «сабрлилик», «вазминлик» каби инсоний фазилатлар ҳақидаги тушунчаларини кенгайтириш.Сабрли ва вазмин бўлиш муҳимлигини тушунтириш.

Ривожлантирувчи мақсад: Болаларни мустақил фикрлашларини ва ёқимли муомала - муносабатда бўлиш маҳоратини орттириш.

Тарбиявий мақсад: Ўқувчиларни одоблиликка тарбиялаш, уз халқига,Ватанига хизмат қилишга ўргатиш,катталарни ҳурмат қилиш, Ватанпарварлик руҳида тарбиялаш.

Дарс тури: Аралаш.

Дарс методи: Тушунтириш.

Дарс жиҳози: Магнитафон,дарслик, плакатлар, расмлар, интерактив доска.

Дарснинг бориши:

1.Ўқувчилар билан саломлашиш

2.Шодлик доираси.

3.Суҳбатлашиш.

4.Матн билан ишлаш.

5.Ўйланиш машқи.

6.Саҳналаштириш.

7.Топшириқ.

8. Мустаҳкамлаш.

9.Юракдан-юракка.

Янги мавзу:

Шодлик доираси:

Ўқитувчи ўқувчиларни доира бўлиб туришга чақиради.

Болалар ҳаммамиз ўртага чиқиб, «ширин сўзлар» доирасини қурайлик.Бир-биримизга ёнимиздаги дўстимизнинг яхши хислатларини эзгу тилаклар билан етказайлик.

Болалар доира қуриб, навбат билан айтиб чиқади.

Кутиладиган жавоблар:
- Сен ҳақиқий дўстсан.

• Сен энг чиройли қизсан.

• Сен меҳрибонсан.

• Сен жуда зийрак боласан.

• Сен чин дўстсан.

• Сен ғамхўрсан.

• Сен одоблисан.

• Сен ҳунарлисан.

• Сен меҳнаткашсан.

• Сен оқкўнгилсан.

• Сен сабрлисан.

• Сен чидамлисан.

Ўқитувчи болаларга миннатдорчилик билдириб, дарс мавзуси билан таништиради.

• Баракалла, болалар! Ҳар бирингизни дўстларингизга бўлган ширин сўзларингизни эшитиб, жуда қувондим.

Одамнинг яхши фазилатларидан бири- сабрлилик. Бугун сиз билан сабр, сабрли бўлиш, сабр сақлаш ҳақида суҳбатлашамиз.

Болалар шеър ўқийди.

Талаб ва зеҳн

Сабр деган- ҳар ишга чидамлилик,

Бу инсонга жуда керак фазилат.

Эришолмай изланади кўпчилик,

Шундан чиқар кўпинча инсонийлик.

Суҳбатлашиш:

Ўқитувчи суҳбат ташкил қилиш орқали ўқувчиларнинг дарс мавзуси ҳақида билимларини аниқлайди. Бу учун ушбу саволлар берилади:

1.Сабрли бўлишни қандай тушунасиз?

2.Ўзингизни сабрли бўлган пайтларингизни айтиб беринг?

Матн билан ишлаш:

Сабр тушунчасини маъносини ҳа тушунтириш мақсадида суҳбат уюштирилади.

Ажойиб чўп эртагини ўқувчиларга ўқиб беради.Эртак билан танишгандан сўнг,ўқитувчи болаларни синаш учун саволлар беради.

Ўқувчилар ҳикояни сўзлаб беради.

Ўйланиш машқи:

Айтилган фикрларни мустаҳкамлаш учун ўйланиш машқ топшириқлари берилади.

Ўқувчилар берилган донолик сўзларни ўқиб, мазмунини ўз фикрлари билан тушунтиришга интилиши керак.

"Чидамли, сабрли одам-бошлаган ишининг натижасини кўради".

"Одамнинг бошчиси - ақл, ҳимоячиси - сабр".

"Сабрли етар муродга, сабрсиз қолар уятга".

"Сабр таги сариқ олтин".

Болаларнинг жавоблари тингланади.

Саҳналаш

Болаларнинг фикрлари саҳналаштириш орқали чуқурлаштирилади.

Ўқитувчи матнни олдиндан роллар бўйича бўлиб бериши тавсия этилади. Деҳқон ва бўри ҳикояси саҳналаштирилади.

Цитата:

Дарснинг цитатаси берилади.

Ўқитувчи доскада ёзилиб турган буюк шоирАбайнинг

"Шошилмоқнинг оқибати афсус, ўйланиб олиш -бу сабрдир"

Деган сўзини маъносини тушунтиради.

Топшириқ:

Ўқувчиларнинг дарсдан олган билимларини мустаҳкамлаш учун топшириқ берилади. Топшириқ бўйича ўқувчилар сабрлилик билан сабрсизликка хос фазилатларни ёзади.

Мустаҳкамлаш:

Ўқитувчи дарсни дарслик ҳуржунида берилган сўзлардан фойдаланиб мустаҳкамлайди.

Сабрли,ишончли бўлишга ўрганиб олинг!

Ҳар бир ишни ўйлаб,ақл билан қилинг!

Мағзини чақиб, сабабини билишга тиришинг!

Чидамсизлик қилмай, ишончли бўлинг!

Ҳар вақт ўзингизни қатъиятли тутинг!

Юракдан-юракка:

Болалар доира шаклида туриб олади. Бир-бирига яхши тилаклар билдиради:

• Сабрли бўлайлик.

• Чидамли бўлайлик.

• Руҳиятимизга сабрлиликни сингдира олайлик.