Тақырыбы: «Қош бол, құтты Әліппем!» 1 сынып

Күні: 20.12.2014 жыл

Сыныбы: 1 «А»

Тақырыбы: «Қош бол, құтты Әліппем!»

Мақсаты: оқушылардың білімдерін бекіту, олардың алған білім, білік, дағдыларын көрсету; тілін дамыту, сөздік қорын молайту; ұқыптылыққа, жинақылыққа тәрбиелеу.

Мұғалім:

Армысыздар, көрермендер, әз жандар

Бармысыздар инемен құдық қазғандар

Әліппеге рахмет деп шырқайық!

Ал кәнекей, енді тойды бастайық!

Құрметті ата-аналар, ұстаздар, қонақтар! Күні кеше ғана мектепке келген балалар бүгін бар білімнің бастауы қасиетті Әліппе оқулығымен қоштасқалы отыр. «Қош бол, құтты Әліппем!» атты ертеңгілікке қош келдіңіздер! Зор құрметпен ортаға бүгінгі тойымыздың иесі Әліппені шақырайық. Келіңіз, Әліппе, келіңіз (Әліппе бейнесіндегі оқушы кіреді, музыка ойналып жатады).

Әліппе: Сәлеметсіздер ме, мен Әліппемін. Бұл сыныптағы менің достарым қайда екен? Мен әуелі әріптерімді түгендеп алайын.

Дауысты дыбыстар қайдасыңдар? (-Мұндамыз) Айсана, Ақгүл, Еркеназ, Еркеназ, Айболат.

Дауыссыз дыбыстар қайдасыңдар? (-Мұндамыз). Ділназ, Наргиза, Мәдина, Нұрдана, Рахат, Нұрасыл, Тастемір, Ділназ, Дильяра, Ниязбек, Жанәли, Наргиз, Дінмұхамед, Ләйлә, Мадина, Мирас, Серік.

Даурықпаңдар дыбыстар, әріптер өз орындарыңа тұрып не үйренгендеріңді орта салыңдар.

Мұғалім: Құрметті Әліппе, сен шаршаған шығарсың, кел тойымыздың төріне шық, балалардың саған айтар алғысы мол, отырып, тыңда.

Ажырамай ұжымнан бір елі сіз

Жақсылыққа жаралған жүрегіңіз

Сөз берелік Гүлшат Игілікқызына

Ән: «Әліппе» Макышева Наргиз

Тақпақтар:

Рахат

Ассаламағалейкум, уа, халайық!

Армысыздар аналар,

Бармысыздар балалар,

Сөзіме құлақ салыңыз,

Бір серпіліп қалыңыз.

Әліппеге арналмақ

Бүгінгі жыр, әніміз!

2-оқушы Айдарханова Мадина

А-ға й-ді қоссаңыз,

Көкте туған ай болар.

Т-ны алдына тоссаңыз,

Бәсірелі тай болар.

3-оқушы Алмасқызы Ділназ

В дегенің вал деңіз,

Толқын күшін шамалар.

М дегенің мал деңіз,

Қадір тұтқан бабалар.

Ән: «Саған халқым-ай» Төкенова Еркеназ

4-оқушы Қадыркей Ақгүл

Д әрпінен бастасақ,

Дарқан, дария далам бар.

Е-ні ұмытпас ешқашан,

Елін сүйген жарандар.

4-оқушы Түсіпбаева Мадина

Ж дегенің жөргегің,

Туған, өскен жерлерің.

З әрпімен зерледім,

Зергерлердің зерлерін.

Мұғалім:

Жиналған қауым таңғалсын,

Бимен шашу шашылсын.

Мың бұралған бишілер

Бимен кешті жалғасын.

Би «Аққу»

5-оқушы Айболат

Ө әрпімен өрістер,

Өмір атты дүниең.

П дегенің періште,

Желеп-жебер мың иең.

6-оқушы Дінмұхамед

Ү әрпі үкідей,

Үлпілдеген үмітің.

І дегенің інідей,

Ізбасардың бірі-тіл.

Ән: Айболат «Менің атым-Әліппе»

7-оқушы: Еркеназ Төкенова

Ә әрпінен табамыз

Әжемізді ақыл ғой.

Б дегенің бабамыз,

Батыржандай батыр ғой.

8-оқушы Наргиза

Жазуды да жазамыз,

Суретті де саламыз.

Нұрға толған санамыз,

Біз өнерлі боламыз.

" Бауырсақ " ертегісінен үзінді. (Автор рөлдерді таныстырады).

9-оқушы Дильяра

Мектеп - үлкен бағдаршам.
Ұстаз шырақ ұстаушы.
Екеуі де аңғарсақ,

Бағыт жолын нұсқаушы.

Ән: «Мектебім» хор.

Балалар, Әліппе сендерді оқуға, жазуға үйретті. Енді мына сұрақтарға жауап беріп көріңдерші:

-Дыбыс деген не?

-Әріп деген не?

-Дыбыс нешеге бөлінеді?

-Дауысты дыбыстар қалай айтылады?

-Дауыссыз дыбыстар қалай айтылады?

-Қазақ тілінде неше әріп бар?

Әліппе: Бәрекелді балалар, көп нәрсе біледі екенсіңдер. Мен сендерге өте ризамын.

Жұмбақ шешу.

Қабат-қабат қаттама,

Ақылың болса аттама. (кітап)

Әрі ащы, әрі тәтті,

Әжем өзі ойлап тапты. (құрт)

Тиіп кетсе жылаған, Даусы көпке ұнаған. Домбыра

Мұғалім: Әліппе зерігіп кетпесін, бізге бір оқушы ән айтып берсін.

Ән Нұрдана «Домбыра»

11-оқушы Айсана

Ең алғаш қолға алғанда «Әліппені»

Қызығып қарай бердім әріптерді

Мен үшін сыр жұмбақ бұл кітаптардың,

Ұстазым маған кілтін алып берді.

Тастемір

Е.Ділназ

Іші толы әріпке,

Мынау - әйбат Әліппе.

Барлық ілім-білімнің,

Әжесі - осы Әліппе!

Мирас

Әліппені бітірдім,

Жаза аламын атымды.

Әліппені бітірдім,

Бала болдым ақылды.

«Математикадан» математикалық ұғымдармен танысқан болатынбыз сол алған білімдерімізді қонақтарымызға көрсетейік.

1. 2 алмаға 2 алманы қосқанда неше алма болады?

2. Әрбір санды даралап,

Қайсың барсың бізге енді

Айтып берер санамақ

3. Қосудың компонентін кім айтады?

4. Азайтудың компонентін кім айтады?

5.Он асықтың үшеуін

Досың сұрап алды.

Айтшы, сонда нешеуі

Өз қолыңда қалды?

Балалар , сендердің жақсы оқуларыңа ата-аналарың да көмектесті. Сондықтан оларға да рахмет айтайық.

Бәрі: Рахмет сіздерге ата-аналар!

Ән Дильяра «Ақ мамам»

Ән: Тәңірберген Еркеназ «Әжем айтқан ертегі».

Әліппе: балалар менің жол жүруім керек. Сондықтан да сендерді жаңа достарыммен таныстырамын. Ана тілін оқитын боласыңдар. Олай болса ортаға «Ана тілін» шақырайық. (Бәріміз бірге).

Бәрі: Қош келдің, Ана тілі. (Ана тілі бейнесіндегі оқушы кіреді).

Ана тілі: Сәлеметсіздер ме, менің жаңа достарым. Енді мені оқитын боласыңдар.

Бәрі: Оқимыз, таза ұстаймыз. Рахмет саған, Әліппе! (Оқушылар Әліппе кітабын сүйіп, Ана тілі кітабының қоржынына салып береді).

Әліппе: Сау болыңыздар, балалар! (Оқушылар қол бұлғап шығарып салады).

М ұғалім: Балалар, енді Ана тіліне арнаған әнімізді, тақпақтарымызды айтайық.

Хор: «Анамның тілі»

Тәңірберген Еркеназ

Әліппемен қош айтысып қаламыз,

Енді қолға Ана тілін аламыз.

Ата-ана қуанышқа ортақ бол,

Сауатты боп шықты міне балаңыз!

Тақпақтар:

Вальс:

Нұрдана

Жанәли.

Қ әрпінен құралған,

Бас-аяғы қазақтың.

Жарылқасын бір Аллам,

Жасай берсін Азат күн!

Тәуелсіздік-ең басты құндылығымыз. Биыл тәуелсіздікке қол жеткізгелі-23 жыл толды. Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын деп тілейік, ағайын. Тәуелсіздігімізді нығайтатын, елімізді көркейтетін сендерсіңдер! Ендеше,

болашақ сендердің қолдарыңда.

Ән: Бөкен Рахат «Қазақстан бақытты».

Мұғалім:

Әліппені бітірді балаларым,

Әліппеден нәр алған даналарым.

Өзі жазып-оқитын халге жетті,

Құтты болсын қадамы балалардың!

Қымбатты балалар! «Әліппе» сендерді тек әріптермен таныстырып қойған жоқ. Сендерді бір-біріңмен достыққа, мектеп ережелерін орындайтын тәртіпті оқушы болуға үйретті. Алдағы уақытты да сабақтарыңды жақсы оқыңдар. Әрқашан да күнделіктерің «5» ке толсын.

Ал,құрметті ұстаздар, ата-аналар, «Қош бол, құтты Әліппе» ертеңгілігі осымен аяқталды.

Айтар сөздің өзегін,

Қорытынды сөздің кезегін директордың тәрбие ісі жөніндегі меңгерушілері: МұхамединаАсем Сембиевна, Алашбаева Баян Алипбековнаға беріледі.

Ата-аналардың тілек айтуы: (шашуы)

Құрметті ата-аналар сіздер де маған көмекші болып, әрбір іс-шараларға атсалысқандарыңыз үшін үлкен рахмет айтамын. Балаларыңыздың бағына шомылып жүре беріңіздер! Тыңдап тамашалағандарыңызға рахмет.