Отбасындағы сыйластық тәрбие сағаты

Тақырыбы: Отбасындағы сыйластық.

Мақсаты: Жанында жүрген жақсы адамдарды сыйлауға,құрметтеуге,үйрету.

Адамдардың бір- біріне деген ,отбасы мүшелеріне деген мейірім

шапағатының мән -мағанасын түсіну. Жанында жүрген жақын

адамдарды,отбасын сыйлай,қадірлей білуге тәрбиелеу.

Әдісі: сұрақ -жауап,ойын- жаттығулар,тілектер.

Көрнекі құралдары: ата -анасының ,ата -әжесінің суреттері,жүрекшелер,

слайдтар,парақшалар.

Шаттық шеңбері ( мұғалім оқушыларды шеңберге тұрғызады)

Шараға қатысып қонақ болып отырған ата- анамызға ,әжемізге

«жақсы сөз» сыйлау. (орындарына отыру)

Мұғалім: Айтыңдаршы,жанұяда кімдер тұрады? (оқушы жауабы)

-Ал енді балалар әрқайсың үйден әкелген ата- анамыздың ,әжелеріміздің суреттерін қолдарыңа алып,қараңдаршы,олар сендерге қалай қарап тұр екен?

Олардың көздерінде сендерге деген сүйіспеншілік көрініп тұр.Енді бәріміз көзімізді жұмып ,суреттерді беттеріңе тигізіп ,олар сендерді жақсы көргенде айтатын сөзін естеріңе түсіріңдер.

Мұғалім оқушылардан жеке- жеке сұрау.

Енді қонаққа келіп отырған ата- аналарымыз өздерін таныстырып өтсін.

I. Танысу. Ата-аналар кезекпен орындарынан тұрып, өзінің атын айтып және неше баласы барын айтып таныстырады

Ал енді балалардың тақпақтарына кезек берейік.

Анаң күнің жүрегің,

Әкең өмір тірегің.

Сен бақытты ұлансың,

Бәрі саған қуансын.

Әжең асыл ардағың,

Атаң дана қорғаның

Сен бақытты ұлансың,

Бәрі саған қуансын

Атамыз біздің панамыз

Атамыз біздің данамыз

Атадан ақыл аламыз

Атадан адам боламыз.

Тұра тұршы есейгенше ұл-қызың

Жүре тұршы жалғанғанда үзігің

Маған бақыт неге керек ақ әже-ау

Өзің бірге көре алмасаң қызығын.

Кім үлкенді тыңдаса

Кім үлкенді сыйласа

Үлкен болған кезінде

Сыйлы болмақ өзі де.

Ата-ананың тілегі

Адам болып өскенің

Адамдықтың белгісі

Адам болып өскенің

О,ата -анам,таянышым тірегім.

Бар бақытты бір басыңа тіледім.

Бізді жақсы болса екен деп қашанда

Лүпілдейді сенің қамқор жүрегің.

Алдымен сүй ардақта ата -анаңды

Үлгілі ұрпақ атадан бата алады.

Бар жақсылық балаға бұл ғаламда

Мейірімімен ананың жасалады.

Ана деген -бәйтерегі өмірдің,

Ана деген- алтын қазық,алтын бақ.

Ана деген -асыл жандар болаттай,

Ана деген -мөлдір жандар бұлақтай.

Анам маған үлкенді сыйла деген,

Сол сөз маған ізгілік құйған екен.

Үлкендерден ауысқан кісілікті.

Үлкендердің өзіне сыйға берем.

«Менің отбасым» сөзін топтастыру.

Қамқоршы күнім айым досым

жүрегім «Менің отбасым» қуанышым

көмекшім сырласым жанашырым

Ойын -жаттығу. Парақша тарату.

Әр ата- ана парақшаға балаға, отбасына байланысты 5 құнды сөз жазады. Сосын біртіндеп 1,2 құнды сөз жазған парақшаларын беріп отырады. Не үшін бергенін айтады. Басты деген құндылықтарды өзінде қалдырады. Соңында отбасындағы құндылықтардан айырылып қалмай, сақтай білу керектігін түйіндейді.

Әр ата-ана "Сіз үшін балаңыз кім?" сұрағына жауап береді.

БОЛАШАҒЫМ,ҰРПАҒЫМ,БАҒАНАМ,ДОСЫМ,КӨМЕКШІМ,ӨРІСІМ,МАҚТАНЫШЫМ Т.Б.

«Жүректен - жүрекке»

1.Мен өскенде ата-анама әлемді шарлатып,қуантамын.

2.Ата -анам әрқашан менің жетістіктеріме қуансын

3.Менің әкем ең қамқоршы адам.

4.Мен анама гүлдей құлпырып жүрсеңіз деймін.

5.Мен отбасыма өскенде үлкен- үлкен бақыт сыйлағым келеді.

6.Мен өскенде ата -анамды құрметтеп өтемін.

7.Мен өскенде әжемді Астана қаласына апарып ,қуантамын.

8.Менің апам ақылшы ,

9.Мен отбасымыздың бақытты болуын тілеймін.

10.Мен отбасымызға қуаныш сыйлағым келеді.

Қорытындылау:- Бүгін сабақта біз отбасымызды жақсы көруге,сыйласуға,

бір- бірімізге көмектесуге үйрендік.Отбасы сенің анаң,әкелерің,апаң,

әжелерің,әпке,бауырларың. Отбасы бізді жақсылыққа,әдептілікке тәрбиелейтінін білдік..

Үлкенде де кішіде,

Жанұя бар әрбір кісіде.

Хормен: Жанұя ол- шуақ қой.

Қуаныш қой,қуат қой.

Сабағымыз аяқталды. Қонақтарымызға рахмет айтамыз.

Сау болыңыздар!