Алтын ұя мектебім

Раздел	Начальные классы
Класс	-
Тип	Конспекты
Автор	Алимбетова И.А.
Дата	11.04.2014
Формат	zip
Изображения	Есть

Поделитесь с коллегами:

Тақырыбы: Алтын ұя мектебім Мақсаты: Оқушыларға мектебіміздің 20 жылдық тарихымен таныстыру, ұстаздардың еңбектері жайлы түсінік беру. Оқушыларды ұстаздарды құрметтеуге тәрбиелеу. Сабақтың түрі: Кездесу сабағы. Көрнекілігі: Интерактивті тақта. Сабақтың барысы: І. Ұйымдастыру кезеңі. 1. Бастаушы: Құрметті ұстаздар, ата-аналар, сіздерге арналған 2 «А» сыныбының «Алтын ұя - мектебім» атты ертеңгілігімізді тамашалауға қош келдіңіздер! Әсел: Өмірімнің көктемін, Сенде өткізем деп келдім, Алтын ұя - мектебім! Санжар: Армандарым көп менің, Атқарамын деп келдім, Асыл анам мектебім! Зәуре: Оқып ғылым тектерін Ой аламын деп келдім, Оттан ыстық мектебім! Бексұлтан: Өнерпазың көп сенің Өнер табам деп келдім, Өз бесігім мектебім! 2. Бастаушы: «Ұстаздық еткен жалықпас үйретуден балаға» - деп Абай атамыз айтқандай, бар шәкірттің көңілінен шығып, оларды өзіне баурап, бірден үйіріп әкету оңай емес. Сонда да осы қиындықты жеңіп, еңбегінің арқасында елеулі болған ұстаздар қаншама?!

Бастаушы: Бүгінгі біздің ертеңгіліміздің қадірлі қонақтарымен таныс болыңыздар.

Айманова Бибіхан апай - мектебіміздің алғашқы директоры. Сейілова Ұлтай апай 1994-95 жылдарында мектеп директоры. Ибраева Кәмила апай - 1993 жыл мен 2003 жыл аралығында бастауыш сыныптар бойынша оқу ісінің меңгерушісі. Рысманова Төлжан - орыс тілі пәнінің мұғалімі, зейнеткер. Рыспембетова Жеңіскүл №48 мектеп директоры Сәрсенбаева Мирамкүл - бастауыш сынып мұғалімі. Қоянбаева Райса - орыс тілі пәнінің мұғалімі. Исмайлов Мұхтар - орыс тілі пәнінің мұғалімі. Айдана: Сәлем бердік ұстаздар баршаңызға, Сіздермен тола берсін ортамыз да, Бүгінгі ел басқарған азаматтар, Білім алған сіздердің арқаңызда. Маржан: Бүгінгі құшақтарың гүлге толсын. Дендеріңнің саулығы мықты болсын. Білімменен суарған шәкірттерің, Алтын ұям мерекең құтты болсын! Ән: «Ұстазыма» орындайтын Жәлел Маржан.

2. Бастаушы: Биыл алтын ұя мектебіміздің құрылғанына 20 жыл толып отыр. Осы 20 жылдық өмір тарихына көз жіберейік.

Бағдәулет: Мектеп алғаш 1991 жылдың тамыз айында аудандық агросуландыру бөлімінің кеңсесін ыңғайластырып ашылды. Басқа мектептерден әкеліншген парталарда, төрт пән кабинетінде оқушылар оқыды. Мөлдір: Алғаш 157 оқушы мектепке қабылданып 11 ұстаз сабақ берді, екі техникалық қызметкер жұмыс жасады. Алихан: Мектептің алғашқы директоры болып Айманова Бибіхан апай басшылық жасады. Алғашқы жұмыс жасаған ұстаздар қатарында Кәрібаева Майра, Дүйсеманова Баян, Асанбаева Шолпан Сәрсенбаева Мейрамкүл, Ибраева Кәмила, Қоянбаева Райса, Исмайлов Мұхтар ағайлар бар. Бекзат: Мектептің ашылуына және жерлесіміз, ғұлама ғалым Ә.Қоңыратбаевтың есімінің берілуіне сол кездегі аудандық білім беру бөлімінің меңгерушісі Жағыппар Зермұхамедов көп еңбек сіңірді. Нұртуған: 1994-1995 жылынан бастап №256 негізгі мектеп болып, директор Сейілова Ұлтай апай басқарды. Ұлтай апайдың арқасында мектеп кітапханасы ашылды. Кітапхана қорына өз кітапханасынан 150 дана кітап әкеліп қосса, мұғалімдер де өз үлестерін қосты. Жазира:1995 жылдың қараша айында аудан әкімі Ж.Тұрабаевтың басшылығымен асар әдісімен «Желмая» автопаркінің аяқталмай қалған кеңсесін, мектеп ғимаратына айналдырды. Алтын ұя мектебім

Аягөз: 1995-1997 оқу жылында №48 қазақ орта мектебі болып қайта құрылды. Осы жылы Ә.Қоңырбаевтың 90 жылдық мерей тойын атап өттік. Бұл жылдары мектебімізді Нақыпов Әбілда ағай басқарды. Жансен: 1999-2005 жылдар арасында Сағындық Сұлтанов басшылық жасады. Сағындық ағай мектептің материалдық - техникалық базасын мұңайтуға және жылу мен құрылысына көп көңіл бөлді. Алтын ұя мектебім

Бақдәулет: 2005-2007 жылдар аралығында Тұрсынбетов Әнуар ағай басқарды. 2007 жылдың тамыз айынан бастап Бектегенова Гүлмира директор болып, жаңа мектептің ашылуына көп еңбек етті.

Зәуре: 2007 жылдың желтоқсан айынан бастап Рыспембетова Жеңіскүл апай басшылық жасап келеді. Жеңіскүл апай мектебіміздің аудан, облыс көлеміне танылуына, жалпы ұжым бірлігінің ұйытқысы болып біршама жетістіктерге жетуіне, мектептің қазіргі заман талабына сай безендірілуіне, мектеп айналасын көгалдандыруына көңіл бөліп келеді. Ән: «Мектебім» орындайтын Аида Нәрзілда.

Бастаушы: Ұстазым дейтін қасиетті адам бар,

Біле білсең сенің екі анаң бар. Бірі сенің туған анаң болса егер, Екінші анаң ұстаз деген данаң бар - дей келе, бүгінгі ертеңгілігімізде бізді қызықтыратын мына сұрақтарымызға жауап алсақ па дейміз. Бибіхан апай: Мектепті жаңа ашқан кезде кездескен қиындықтар жайлы әңгімелесеміз. Ұлтай апай: Осы мектепте директор болған кезіңізде қандай ұстаздар өзінің ерекшеліктерімен есіңізде қалды. Төлжан апай: Сіз өз балаңызды және немереңізді оқытып тәрбиелеп отырған әжесіз. Сіз немереңізді қайсысының сабағына көп көңіл бөлесіз. Кәмила апай: Сіздің көп жылдық еңбегіңізде есіңізде Алтын ұя мектебім

сақталып қалған шәкірттеріңіз бар ма? Бар болса әңгімелеп берсеңіз.

Жеңіскүл апай: Сізде шәкірт болып мектеп табалдырығын аттадыңыз, шәкірттік кездеріңізді әңгімелеп берсеңіз. Мирамкүл апай: Мектепте бар баланың қылығы, мінезі, ерекше қасиеті сізді ренжітеді, қуантады. Естен кетпес қызықты әңгімелер болады. Сіз демалғанда шәкірттеріңіз қай жағынан көз алдыңызға елестейді. Ренжіткені ме, әлде қуантқаны ма? Райса апай: Сіз ұстаздық жолды таңдадыңыз. Осы мамандықты таңдай сыры жайлы әңгімелеп берсеңіз.

Бастаушы: Аяулы менің мектебім,

Өзіңде өткен көктемім. Өзіңнен алар әлі де, Арманым асқақ көп менің.

Бастаушы: Тоймыз құтты болсын ұстаздарым,

Алтын ұя мектебім нұрын шашып. Тойына 20 жылдық шашу шашып, Қуанып құттықтаймыз баршаңызды - дей келе бүгінгі ертеңгілігімізді аяқтай отырып, сіздерге зор денсаулық, ұзақ өмір тілейміз! Хор: Сәлем саған мектебім»

загрузить