Ашық сабақ: Асханада (3-сынып)

КММ Суворов орта мектебі

Ашық сабақ:

Асханада

(3-сынып)

Дайындаған: қазақ тілі мен әдебиеті

пәндерінің мұғалімі Башенова Қ.Қ.

2014-2015 оқу жылы

3- сынып

Қазақ тілі

16.04.2015

Мұғалім: Башенова Қ.Қ

Сабақтың тақырыбы: Асханада
Сабақтың мақсаты:
Білімділік - оқушыларға мектептің асханасы туралы мәлімет беру, асханада тапсырыс беруді үйрену, жаңа сөздермен сөйлемдерді дұрыс құрастыра білуді үйрету;
Дамытушылық -Тапсырмалар арқылы оқушылардың тапқырлық,ізденімпаздық қасиеттерін қалыптастыру, сөздерді дұрыс байланыстырып, ойды жүйелеп айтуға дағдылану.
Тәрбиелік - денсаулықтың кепілі - дұрыс тамақтану, тамақтану ережелерін сақтауға баулу.

Сабақтың түрі: ашық сабақ.
Сабақтың әдісі: Сұрақ- жауап, әңгімелесу, практикалық, ойын
Жұмыс формалары: жекелей, жұптық
Сабақтың көрнекілігі: ватман, суреттер, кеспелер,интербелсенді тақта
Пәнаралық байланыс: Қазақ әдебиеті, орыс тілі.
Сабақтың барысы: І Ұйымдастыру кезеңі. Жайлы психологиялық ортаны қалыптастыру.

• Балалар, сәлеметсіздер ме! Бүгінгі біздің сабағымызға қонақтар келіп отыр. Сол себептен сендер қонақтарға өздеріңді жақсы қырынан көрсетеді деп сенемін!

• Метанов Саит қосымша ақпарат дайындап әкеліпті. Енді, Саитты мұқият тыңдайық. Сосын сабағымыздың тақырыбын ашамыз.
• Сіздер тамақтан нені жақсы көресіздер?
• Тамақты қайда дайындайды?
• Асханада.
• Мәтінде білмейтін сөздер бар ма?
• Сонымен, бүгінгі сабағымыздың тақырыбы қандай деп ойлайсыңдар?

• Балалар, біз бүгін асхана туралы көп ақпарат үйренеміз, асханада өзін-өзі ұстау тәртібі туралы танысамыз.

І топ тапсырмасы:

Мәтінмен жұмыс. Оқылым. Тыңдалым.
♦ Оқушыларға кезекпен - кезек дауыстап оқыту.
Мәтінді түсініп оқу, мәтін бойынша 2 сұрақ құрастыру, жауабын топ мүшелері бір-бірінен алады.
Біз асханаға келдік. Асханада үстел мен орындықтар бар. Үстелдің үстінде пышақтар, қасықтар, шанышқылар жатыр.Аспаз бүгін ботқа пісірді. Асханада ботқадан басқа шай, сүт, май, нан бар. Біз тамақты асықпай іштік. - Балалар, шаршаған боларсыздар. Олай болса, барлығымыз орнымыздан тұрып сергіту сәтін жасайық. Сергіту сәті. «Жұмыр қылыш»

2- тапсырма: Алдарыңдағы шашылған сөздерден сөйлем құрастырып, тамақтану ережелерін атап шығыңдар. Сосын тақтадан тексереміз.

1. Келдік, біз, асханаға.
2. Тамақты жеу керек асықпай .
3. Ботқа, аспаз, пісірді.
4. Бар, қасық, шанышқы, пышақ, асханада. Рөлдік ойын. «Асханада»

• Балалар, енді асханада не жайлы сөйлесетінімізді есімізге түсіріп, сұхбат құрып жіберейік. Қазір жұппен жұмыс жасайтын боламыз, осы тірек сөздерді пайдаланып, диалог құрып жіберіңіздер.
• Асханада диалог кімдер арасында болуы мүмкін?
• Иә, дұрыс, аспаз бен оқушы арасында, оқушы мен оқушы арасындағы әңгімені сахналаңыздар. 10 минут беремін.

1. О,р,с,а,п (сорпа)
2. Ш,ы, п, а, қ (пышақ)
3. Х, а,н, с, а, а (асхана)
4. Қ, о, б, т, а (ботқа)
5. Й, ш, а (Шай)
6. Қ, с, а, қ, ы (Қасық)
7. З, с, а, п, а (аспаз)

• Балалар, енді «Асханада» тақырыбына топпен кластер жасап жіберіңіздер. 10 минут уақыт беремін. Сосын осы кластерді топ басшысы тақтаға шығып қорғайды.

• Алдарыңызда тұрған қызғалдақтарға не ұнады, нені білгендеріңіз жөнінде жазып, көктемді гүлге толтырайық.