- Преподавателю
- Начальные классы
- Тәрбие сағаты Тақырыбы: «Достық біздің тірегіміз»
Тәрбие сағаты Тақырыбы: «Достық біздің тірегіміз»
Раздел | Начальные классы |
Класс | - |
Тип | Конспекты |
Автор | Оналбекова Ж.-. |
Дата | 19.04.2015 |
Формат | docx |
Изображения | Нет |
«Достық біздің тірегіміз»
Сабақтың мақсаты:
Білімділік: Оқушыларға адам бойында болатын достық сезім
қасиеттері қастерлі сезім екендігіне көз жеткізу,
балаларды достарымен жағым ды қарым-қатынас
жасауға үйрету.
Дамытушылық:Оқушылардың достық туралы ой -пікірлерін, өзара
көмек қарым-қатынастарын дамыту.
Тәрбиелік: Татулыққа, достыққа, адал дос таба білуге тәрбиелеу.
Көрнекілігі: нақыл сөздер,мақал -мәтелдер,шарлар
Барысы:
Жүргізуші: Құрметті ұстаздар, оқушылар бүгінгі «Достық біздің тірегіміз» атты ашық тәрбие сағатымызға қош келдіңіздер!
Қайырлы күн , ұстаздар мен оқушылар! Жалпы дос дегеніміз қалай болу керек екені бәрімізге белгілі.Бірақ кейбіреулер дос деген сөздің терең мәнін ұғынбайды.
1-оқушы: Шын дос үшін қалайда,
Тік басыңды қатерге.
Айыра біл алайда-
Досың менен қасыңды.
2-оқушы: Ағайын жат та болса көзге тәуір,
Өкпем жоқ, кеудемдегі бәрі бауыр.
Жауымның дәлдеп салған найзасынан
Досымның саусағымен шерткен ауыр.
3-оқушы: Нағыз дос бір-біріне тарылмайды,
Жуырда түрткеніңе жарылмайды.
«Жақсы-жаман айтар» деп елемейді,
Бақ дәулет сол адамнан арылмайды.
Жүргізуші:Сәлем, өрен достарым,
Өмірге кеп қосқаным.
Молайтыңдар шаттықты
Би билеңдер бақытты.
Келесі кезекті биге береміз.....
Би: « Қазақша би»
Жүргізуші: Ендігі кезекті ұлы далаларымыздың достық туралы нақыл сөздеріне берейік.
4-оқушы: Досы жоқпен сырлас,досы көппен сыйлас.
5-оқушы: Жаман дос - көлеңке: басыңды күн шалса қашып құтыла алмайсың, басыңды бұлт шалса іздеп таба алмайсың.
6-оқушы: Жақсымен дос болсаң,
Алдыңнан шығар елпектеп.
Жаманмен дос болсаң,
Сыртыңнан жүрер өсектеп.
Жүргізуші: Иә, достық деген -қасиетті сөз, қасиетті сезім, ол тек жөні түзу адамдар арасында қалыптасып, өзара құрмет негізінде ғана дамиды.
Ендігі кезекті достық туралы мақал-мәтелдерге берейік!
7-оқушы: Сенімді дос -тірегің
Қалдырма оны бір елі.
8-оқушы: Алдымен достық қамы,
Содан соң бастың қамы.
9-оқушы: Дос жылатып айтады,
Дұшпан күлдіріп айтады.
Ән: «Болайықшы осындай»
Би: «Қара жорға»
Жүргізуші: Ашу дұшпан,
Ақыл дос,
Ақылыңа ақыл қос ,- дегендей ендігі кезекті «Мақал - мәтел жалғастыр» ойынына береміз.
10- оқушы: Әрқашан дос, біргеміз,
Ажырамас іргеміз.
Ілгері жүріңдер,
Достық жырын біліңдер.
Ту ғып ұстап бірлікті,
Еңбекті сүйіңдер!
11-оқушы: Дос болайық бәріміз,
Жарасып тұр әніміз.
Тыныштықты сақтаймыз,
Атсын күліп таңымыз.
12-оқушы: Жақсылыққа бақытқа,
Талпынған әр уақытта.
Бала біткен дос бауыр,
Болмасын еш тосқауыл.
Ойын: «Себеттен сұрақ алу»
1.Жақсы дос, жаман дос қандай болады?
2.Досыңыздың басына қиындық түсті, не істейсіз?
3.Дос қандай болу керек?
4.Қандай адамдар досқа лайық?
5. «Достық көмек» дегенді қалай түсінесіңдер?
13-оқушы: Жабырқауды білмейміз,
Жалқаулықты сүймейміз.
Біз талапты жас ұлан,
Үлгі аламыз жақсыдан.
14-оқушы: Өмір деген жарыста
Шаттанғын , дос, қалыспа!
Қорытынды.
Жүргізуші: Балалар, мен сендерге мынадай достық ережесін ұсынғым келеді.Осы ережелерді ұсынғым келеді.
Осы ережелерді есімізде сақтайық!
«Достық» ережесі.
-
Достыңды алдама, оған адал бол.
-
Қиын кездерде бір-біріне көмек көрсетіңдер.
-
Досыңды қорлама.
-
Досыңмен қызықты шақтарды бөлісе біл.
-
Досыңның кемшілігін кешіре біл.
Жүргізуші: Достығымыз әрқашан берік болсын! Достарымызға және өзімізге тек қана жақсылық сыйлайық!
Келгендеріңізге көп-қөп рахмет!
Өткізген: Уразбаева Жадыра Абдихалиловна №54 жом бастауыш сынып