Промежуточная аттестация по татарскому языку в 3 классе

«Раслыйм» «Килешенде» «Каралды»

Мәктәп директоры Уку-тәрбия эшләре буенча МБ җитәкчесе

директор урынбасары

______________ ___________________ _________________

Гиззатуллин И.Л. Саляхутдинова Ф.Т. Рахматуллина В.К.

«28» апрель 2014 ел «28» апрель 2014 ел «28» апрель 2014 ел

2013-2014 уку елында

3 сыйныф өчен татар теленнән

арадаш аттестация эшләре

3 сыйныф өчен татар теленнән

арадаш аттестациягә аңлатма язуы.

Татар теленнән арадаш аттестация тест формасында уздырыла. Барлыгы 10 сорау, 45 минутка ( 1 дәрес) исәпләнә.

Тест уздыруның максаты: ел буе үзләштерелгән белемнәрне ныгыту һәм тикшерү:

• Синоним сүзләр,

• Антоним сүзләр,

• Ясалма сүзләр,

• Кушма сүзләр,

• Килешләр,

• Фигыльләрнең барлык, юклык төре,

• Фигыльләрнең заманы,

• Зат алмашлыклары.

Тест биремнәре түбәндәгечә бәяләнә:

"2"ле - 5 тән кимрәк дөрес җавап.

"3"ле - 5 дөрес җавап.

"4"ле - 7 дөрес җавап.

"5"ле - 10 дөрес җавап.

1. Синоним сүзләр рәтен тап:

а) озын, кыска;

б) яшел, яфрак;

в) елмая, көлә;

г) якты, яктырак.

2. Антоним сүзләр рәтен тап:

а) сибә, үсә;

б) чибәр, матур;

в) бөре, чәчәк;

г) юмарт, саран.

3. Ясалма сүзләр рәтен билгелә:

а) дәфтәрләр, бетергеч;

б) сүзлек, укытучы;

в) таллык, имәннең;

г) аккош, белем.

4. Кушма сүзләр рәтен тап:

а) чыпчык, каенлык;

б) ташбака, көньяк;

в) бала-чага, аш-су;

г) иртәнге, язгы.

5. Урын-вакыт килешендәге вакытны белдергән исемнәр рәтен тап:

а) мәктәптә, дәрестә;

б) тавыкның, үләннең;

в) июньдә, декабрьдә;

г) агачта, майда.

6. Юнәлеш килешендәге урынны белдергән исемнәр рәтен тап:

а) бакчаны, өйне;

б) бакчага, өйгә;

в) бакчадан, өйдән;

г) чанага, куянга.

7. Юклык төрендәге фигыльләр рәтен тап:

а) кисмәде, ашады;

б) кайтмас, төшмәде;

в) тараган, юган;

г) уйнар, белер.

8. Киләчәк заман хикәя фигыльнең беренче төр кушымчалары ялганган фигыльләр рәтен билгелә:

а) чиште, барды;

б) калыр, сөйләр;

в) төзеячәк, шуар;

г) укыган, эшләгән.

9. Киләчәк заман хикәя фигыльнең икенче төр кушымчалары ялганган фигыльләр рәтен билгелә:

а) очар, китәр;

б) чәчте, урды;

в) уйлаячак, тегәчәк;

г) ясаган, белгән.

10. III зат алмашлыклары рәтен тап:

а) миннән, сине;

б) анда, аларның;

в) без, сез;

г) ул, алар.

.