- Преподавателю
- Начальные классы
- Қош бол, сүйікті Әліппе!
Қош бол, сүйікті Әліппе!
Раздел | Начальные классы |
Класс | 1 класс |
Тип | Рабочие программы |
Автор | Суранчиева З.Т. |
Дата | 26.01.2016 |
Формат | doc |
Изображения | Есть |
Ы.Алтынсарин атындағы №65 мектеп гимназияның 1"Д" сынып оқушыларының "Қош бол, сүйікті Әліппе!" атты әліппемен қоштасу ертеңгілігі
Тақырыбы: Қош бол, сүйікті Әліппе!!! Мақсаты: Оқушылардың әліппеден алған білімдерін тиянақтау. Әр оқушының іс-әрекеттері арқылы қабілеттерін көрсету, щығармашылығын дамыту. Жаңа оқулықпен таныстыру, қызығушылығын арттыру. Оқушылардың ата-ана, Отан, ел алдындағы борышын сезінуге, елін сүюге тәрбиелеу. Көрнекілік: Әліппе, Ана тілі, Математика макеттері, нақыл сөздер, шарлар, әріптер таңбалары мен цифрлар т.б., слайд (Музыка әуенімен оқушылар залға кіреді)
Ерлік:
Армысыздар ата - ана қонақтар,
Ұрпағыңыз күнде өзіңнен бата алар.
Ел дәстүрін мәңгі сыйлап өткін деп,
Үйреткен ғой Абай, Ыбырай бабалар.
Көркем:
Көз салып қараңызшы бойымызға,
Ортақ боп бүгінгі өскен ойымызға.
Қош келіпсіз ұстаздар ата - аналар,
Әліппемен қоштасу тойымызға.
Рамазан:
Қыр гүліндей жайнаймыз,
Ән сап билеп, ойнаймыз.
Бүгін бізде мереке,
Әліппе тойын тойлаймыз.
Ғизат:
Армысыздар халайық,
Бармысыздар халайық.
Не үйрендік, не білдік?
Қане ортаға салайық.
Ерлік:
Әріптерді үйретіп,
Жақын болған кім бізге?
Көркем:
Жамандықтан жирентіп,
Ақыл берген кім бізге?
Рамазан:
Әліппені оқуға
Үйреткен бізге әр күні.
Ғизат:
Үйретіп бізге санауды,
Көп еңбек сіңірген
Ол кім?
Хормен: Ол алғашқы мұғалім.
Хор: Алғашқы мұғалім.
(Ұстаз туралы тақпақтар).
Айғаным:
Сәбилік көңілмен арналады бұл әнім,
Баулитын өмірге ақылшым мұғалім.
Білімді аламын айтқанды ұғамын,
Мен сендей боламын ақылшы мұғалім.
Дінмұхамед:
Қашан көрсең күнге ұқсаған жанары,
Ұстаздардан көнбес адам жоқ әлі.
Мектеп көрген әдептілер айтпақшы,
Ұстаздардан шықпаңыздар жоғары.
Тоғжан:
Кім боласыз мейлі қандай жоғары,
Мұғалімнен үлкен адам жоқ әлі.
Кім боласыз, прокурор ма, сотсыз ба?
Шықпаңыздар мұғалімнен жоғары.
Мұхамедияр:
Алдамасын үміт бізді жетелесін,
Ұстаздардың қасиетін кемітетін жан барма
Еліміздің келешегін тәрбиелеп отырған,
Бас иеміз ұстаз деген қасиетті жандарға.
Мадина:
Ұстаз болу - жүректің батылдығы,
Ұстаз болу - сезімнің ақындығы.
Ұстаз болу - мінездің күн шуағы,
Азбайтұғын адамның алтындығы.
Ерлік:
Балалар, мектепке алғаш
Келгендегі ұстаздан кейінгі
Ақылшыларың кім болады?
Хормен:
Болашаққа жол ашар,
Ол сүйікті - Әліппе.
Көркем: Олай болса, бәрімізге сүйікті, аяулы Әліппемізді ортаға шақырайық.
(Музыка әуенімен Әліппе кіреді).
Әліппе:
Армысыздар жас достар,
Армысыздар ата - ана!
Болашаққа жол бастар,
Әліппең келді ортаға.
Байқаймын бүгін мені қуантқалы тұрсыңдар не дайындағандарың бар?
Рамазан:
Үйретіп бәрімізге Әліппені,
Мұғалім ғылымға жол салып берді.
Ғизат:
Адамның ақыл - ойы мақсаттары,
Оқудың сәулесімен жарық көрді.
(Әліппе туралы тақпақтар).
Айдана:
Ең алғаш қолға алғанда Әліппені,
Қызығып қарай бердім әріптерді.
Мен үшін сыры жұмбақ бұл кітаптың,
Ұстазым маған кілтін алып бердің.
Әділет:
Таныстырған 42 әріппен,
Қош бол менің сүйікті Әліппем.
Сенің арқаң оқи жаза білгенім,
Сауатты адам қатарына кіргенім.
Ардақ:
Келгенде алғаш мектепке,
Білмеуші едік әріп те.
Оқимыз қазір ертегі
Үйреткен оны Әліппе.
Әділ:
Ашыла берді алдымнан,
Кең дүние есігі,
Соғылған сомдап алтыннан
Әліппе білім бесігі.
Ақмерей:
Енді біз жаза білмезі,
Әріпті қосып әріпке.
Риза боп саған жүреміз,
Сүйікті біздің Әліппе.
О-
Т-
А-
Н-
Мирас:
О - Отан, Отан
Бәрінен биік екен,
Отан, Отан
Мен оны мәңгілікке сүйіп өтем.
Жания:
Т - Туған жердей жер болмас,
Ата - мекен жерім бар.
Туған елдей ел болмас,
Қазақ деген елім бар.
Рамазан:
А - Ана - ол біздің елде ардақты адам.
Кіші де, үлкен де оны радақтаған,
Өзінің аяулысы - Отанды да,
Ана деп біздің халық текке айтпаған.
Аяла:
Н - Неткен сұлу, неткен байтақ,
Осы менің туған өлкем!.
Даниял:
Отан -жерім, Отан -суым,
Отан қуат, нәр береді.
Отан -ұран, Отан- туым,
Отан мәнгі гүлденеді!
Ұлжан:
Отан -сенің ата-анаң,
Отан- досың, бауырың.
Отан -өлкең, астанаң,
Отан -аудан ,ауылың.
Отан- тарих, Отан- тіл,
Жасаған елім, ер халқың.
Отан -өлең, Отан -жыр,
Көтерген көкке ел даңқын...
Отан -осы достарым,
Көңілге мұны түйе біл,
"Отан" деп өс, жас қауым.
Оны ардақтап сүйе біл!
Хор: Әліппе.
Әліппе:
Бәрекелді! Мен оқушыларға өте ризамын, шынымен менің әріптерімді жақсы меңгеріпсіңдер. Ән айтып билеуді үйреніп алыпсыңдар.
Ғизат:
Әліппе даңғыл жол ашты,
Жаңадан пәндер жалғасты.
Әліппе сырын ұқтырған.
Хормен: Рахмет ұстаз «Алғашқы ұстазым!»
Ән: хор.
Әліппе:
Енді үлкен әлемге даңғыл жолдарыңның басы ашылғанына көзім жетіп отыр.
Мен сендермен қоштасайын қош сау болыңдар!
Ортаға ана тілі келеді.
Ана тілі:
Сөйлетер сөзді шеберлеп,
Өзіңнің ана тіліңмін.
Байыппен жақсы оқысаң,
Негізі болам білімнің.
(балалар залдан шығып кетеді).
Рамазан: Мен саған сұрақ қойғым келіп тұр, жауап бересің бе?
Ғизат: Әрине, ол қандай сұрақ?
Рамазан: Сен қазіргі жас әншілерден кімдерді білесің?
Ғизат: Мен Қайрат, Ернар, Серік ағаларды білемін. Солардың әндерін жақсы көремін.
Рамазан: Олай болса, Серік ағамыздың «Жаяу» әніне көңілді би.
Екеуі: Қарсы алыңыздар.
Ерлік:
Уа, халайық, халайық.
Әндетейік жырлайық.
Көркем:
Бұл мереке бұл тойға,
Ән мен шашу шашайық.
Рамазан:
Бүгінгі қуаншымызда шек жоқ, өйткені біздің тұңғыш рет сауатымызды ашқан «Әліппені бітірдік».
Ғизат: Ия, дұрыс айтасың, енді кез келген сөздерді, тіпті қысқа әңгімелерді оқи аламыз.
Рамазан: Олай болса, келесі әнімізді, биімізді ата - аналарға арнаймыз.
Ән: «Ана»
Би: «Өзбек биі».
Оқушылар сахнаға шығады.
Ерлік:
Аналардың тілеуінде
Хормен: Бейбітшілік.
Көркем:
Бөбектердің жүрегінде
Хормен: Бейбітшілік
Рамазан:
Балдырғанның бар тілінде
Хормен: Бейбітшілік.
Ғизат:
Көгершін боп халқы күнде
Хормен: Бейбітшілік.
Мұғалім:
Балалардың білімі құтты болсын,
Әрқашанда денсаулығы мықты болсын,
Білімдерің әрі қарай дамытатын,
Ерінбейтін еңбекқор мықты болсын.
Хор:
Бір ата, бір ананың түлегіміз,
Бір болсын қайда жүрсек тілегіміз.
Бірлік барда тірлік бар деген бабам,
Бірлік деп бірге соқсын жүрегіміз.
Соңы.