Конспект урока по татарскому языку на тему

Коммуникатив технологиягә нигезләнеп төзелгән дәрес планы

("Татар теле" 4нче сыйныф, 62-63 нче дәресләр)

Бу теманы өйрәнү өчен 2 сәгать бирелгән:

1нче дәрес - ГКФ

2нче дәрес - ГКК

Грамматик күнекмәләр формалаштыру (ГКФ) дәресенең

үрнәк планы.

Тема: Сыйфат дәрәҗәләре.

Дәрес тибы: ГКФ

Дәрес максатлары: (Укытучы өчен)

1. Сыйфатларны чагыштыру һәм артыклык дәрәҗәсендә куя белү.

2. Төрле дәрәҗәдәге сыйфатларны сөйләмдә урынлы куллана белергә күнектерү.

3. Логик фикерләү сәләтен , таблица белән эшли белүне үстерү.

Индуктив фикерли белергә өйрәтү.

4. Классификацияләү өчен уртак билгеләрне билгеләү.Фикерләүне үстерү.

5. Балаларда татар теленә карата хөрмәт , үзара туганлык хисләре тәрбияләү.

Җиһазлау: Р.З.Хайдарова "Татар теле", (90-91 нче битләр); методик ярдәмлек (37нче бит), дәрескә әзерләнгән презентацион материаллар.

Дәрес барышы

1. Оештыру.

   1. уңай психологик хаәт тудыру;

   2. дежур укучы рапорты;

   3. укучыларның бер-берсенә комплимент әйтүе.

Өй эше тикшерү.

2. Төп өлеш.

1. Беренче уку бурычын хәл итү.

1. Фонетик зарядка.

2. Ситуатив күнегүләр эшләү.

Скажи , что:

- сегодня день солнечный;

- ваш класс очень дружный;

- у тебя руки чистые;

- папа купил красивый мяч.

2.Яңа теманы аңлату.

1. Ребус ярдәмендә яңа теманы ачыклау.

( Укучылар сыйфатның рус телендә ничек аталуын, нинди сорауларга җавап бирүен искә төшерәләр)

2.90 б, 1нче күнегү - кагыйдә белән танышу (укытучы балаларга чагыштыру дәрәҗәсендә сыйфатларга нинди аффикслар ялгануын, артыклык дәрәҗәсе ничек ясалуын аңлатып китә)

3. Парларда эшләү (Укучылар парлашып бер-берсенә тема буенча аңлаганнарын сөйлиләр, укытучы арадан берничә баладан сөйләтә)

4. Презентацион материал белән эш. Төрле дәрәҗәдәге сыйфатларның русча тәрҗемәләрен табу.

5. 90 б, 2нче күнегү. Җөмләләрне уку,тәрҗемә итү, сыйфатларны табу, дәрәҗәләрен билгеләү.

6. Карточкалар белән эшләү.(Укытучы балаларга берничәшәр җөмлә язылган карточкалар тарата.Укучылар җөмләләрдә төшеп калган төрле дәрәҗәдәге сыйфатларны куялар, өсләрендә дәрәҗәсен күрсәтәләр)

7. Тыңлагыз һәм татарчага тәрҗемә итегез.

Это яблоко большое. Это платье теплее. Я меньше Айрата. Этот дом самый большой в городе. Моя сестренка очень красивая. Папа купил ярко-красные шары.

8. "Төсләр" уены. Музыка уйный, балалар бии, укытучы бер сыйфат әйтә (мәсәлән - кызыл, ак, чиста, зур, түгәрәк һ.б.) , укучылар шул предметка тиз арада тотынырга тиешләр.Кем өлгерми кала, шул уеннан чыга.

9. Ишетеп аңлау күнегүләре белән эш.

Прослушайте и скажите, что добавлено ко второму предложению

каждой пары: 1) Бүген көн матур.

Бүген көн бик матур.

2) Бу алма кызыл.

Бу алма кызылрак.

3) Минем күлмәгем озын.

Минем күлмәгем иң озыны.

3. Яңа теманы ныгыту.

10. Укытучы гади сыйфатлар әйтә, укучылар аны чагыштыру һәм артыклык дәрәҗәсенә куялар, тәрҗемә итәләр.

Мәсәлән: Сары-сарырак-сап-сары,...

Ак, матур, чиста, олы, кыска, озын, яхшы, күңелле.

11. Презентацион материал белән эш.Төрле дәрәҗәдәге сыйфатлар кергән репликалар өстәп , диалог төзү.

1. - Бүген көн нинди?

- ... .

- Ә кичә нинди иде?

- ... .

2. - Бу алма нинди?

- ... .

- Ә теге алма нинди?

- ... .

3. Йомгаклау өлеше.

Рефлексия.

Билгеләр кую.

Өй эше.

Гади, чагыштыру, артыклык дәрәҗәсендәге сыйфатлар кертеп 2шәр җөмлә төзергә.

Дәрес планын татар теле һәм әдәбияты укытучысы Гыйлманова Ләйлә Мөкатдәс кызы төзеде.