Сабақ барысында өздік жұмысты ұйымдастыру

Қазіргі таңда қоғамымыздың даму бағытында жан - жақты дамыған сауатты және тәрбиелі ұрпақты тәрбиелеу жүктеліп отыр. Оқушы тұлғасын қалыптастыру, оның рухани әлемін байыту, сабаққа ынтасын арттыру, жеке қабілеттерін дамыту - негізгі проблемалардың бірі болып табылады. Уақытты орынды пайдаланып, баланың өз бетімен берілген жұмысты орындауына әрқашан жағдай жасалуы керек. Ол үшін мынадай міндеттер орындалуы керек:

- Өзіндік жұмыс туралы айтып өту.

- Оқушыларға өз беттерімен қалай жұмыс істеу керектігін үйрету. Сабақ үстінде балалар өздігінен істейтін жұмыстарды түрлендіре отырып жүзеге асырады. Сонымен бірге, деңгейлеп оқыту технологиясын да қолдануға болады. Сынып оқушыларын үш деңгейге бөліп, өздік жұмыстар тапсыруға болады. Бірінші деңгей - стандарт деңгей, екінші деңгей - мүмкіндік деңгей, үшінші деңгей - шығармашылық деңгей. Осы деңгейдің көлемінде өздік жұмыс беріп, оқушылардың білім сапасын тексеріп отыруға болады. Өз бетімен жұмыс жасау барысында оқушы еңбек етіп, тынымсыз ізденеді, баланың ойлауын шыңдайды, есте сақтау қабілеттерін дамытады.